30/11/20

Ciclo de outono en Ribadavia

Dadas as restriccións impostas a Ourense e Ribadavia co número de asistentes en espazos culturais, retrasamos a habitual cita de novembro no Museo etnolóxico de Ribadavia, para este mes de decembro e nun lugar e formato distinto.

Será en dous fins de semana na igrexa da Madalena, cun horario tamén alternativo para permitir cumprir outra das obrigas impostas, como é o toque de recolla.

Nesta caso o ciclo proposto é unha radiografia galega de cine que consideramos xa, uns clásicos. Pregamos atención ás medidas sanitarias para previr a expasión do COVID. As sesións teñen un aforo limitado, con profilaxis de mans no acceso, distancia de seguridade e obriga de máscara en todo momento.


O acceso é de balde e de seguido o detalle da programación.






  12 Dec. 2020
Sáb.

«Estruturas. Pel contra pel»

e · (España, 2018) 77 min. [ND] VOG-E
O documental amosa un conxunto de actuacións de responsabilidade colectiva que repercuten no urbanismo e na paisaxe: a explotación forestal, os tendidos eléctricos de proporcións desmedidas, a actuación humana ante o crecemento pobacional, o abandono do patrimonio, as obras inacabadas, a especulación, etc.

(Prevemos a asistencia dos directores)


SESIÓN:
COTA:
  19:00 h. (CEST) «Igrexa da Madalena de Ribadavia», Ourense
 De balde



  13 Dec. 2020
Dom.

«El bosque animado» O bosque animado

· (España, 1987) 103 min. [A] VOSE
Nun bosque fantástico dunha aldea galega do rural "naqueles anos nos que unha galiña custaba dúas pesetas e o bosque de Cecebre era máis extenso e máis frondoso" transcorre a vida, cun bandido que tenta asaltar algo, un poceiro coxo, unha ánima en pena, unha muller farta da explotación laboral á que a súa tía a somete e que decide buscar a vida na cidade, un meniño rebuldeiro cunha irmá tamén cativa que traballa máis que dorme, unhas solteiras da capital (Amparo Baró e Alicia Hermida) que foron á aldea para relaxarse, o cura, o garda civil e o señor do pazo chamado o D'Abondo.

Premios:
1987: Goya mellor película, actor e guión


SESIÓN:
COTA:
  19:00 h. (CEST) «Igrexa da Madalena de Ribadavia», Ourense
 De balde



  26 Dec. 2020
Sáb.

«O apóstolo»

· (España, 2012) 72 min. [ND] VOG
Un preso foxe do cárcere para tentar atopar un tesouro agochado hai anos nunha aldea do Camiño de Santiago, pero o que atopa suporalle unha condena maior da que fuxiu. Vellos misteriosos, estrañas desaparicións, trasnos, un cura estraño e o arcipreste de Santiago xúntanse no Camiño. Un filme de misterio, humor, animación e invención.

Premios:
2013: Festival de Annecy: Premio do público
2013: Fantasporto: Premio especial do xurado
2014: Animamundi; Mellor película de animación


SESIÓN:
COTA:
  19:00 h. (CEST) «Igrexa da Madalena de Ribadavia», Ourense
 De balde



  27 Dec. 2020
Dom.

«O que arde»

· (España, 2019) 85 min. [+7] VOG
Nos Ancares lucenses, Amador Coro (interpretado por Amador Arias) é un veciño pirómano que sae do cárcere e regresa á súa casa, coa súa nai Benedicta (intepretada por Benedicta Sánchez), a súa cadela Luna e as súas vacas. As súas vidas transcorren con normalidade no medio da natureza até que un día un lume arrasa a rexión.

Premios:
2019: Festival de Cannes; Un certain regard
2019: Goya: Mellor actriz revelación e fotografía
2019: Festival Mar de plata; mellor película e guión


SESIÓN:
COTA:
  19:00 h. (CEST) «Igrexa da Madalena de Ribadavia», Ourense
 De balde





Todas as proxeccións son en VO/VOS, nesta ocasión trasladamos o lugar habitual do Museo Etnolóxico de Ribadavia á Igrexa da Madalena (Praza da Madalena núm. 2)

Pregamos puntualidade e seguir o protocolo de seguridade diante da pandemia, establecido para o espazo.





Horarios CUT+1




Ningún comentario:

Publicar un comentario

Por favor teña en conta estas pautas…

Evite os insultos, palabras groseiras, alusións sexuais, vulgaridades o vulgares simplificacións.
Non sexa gratuitamente ofensivo, e menos aínda, inxurioso.

Os comentarios deben ser pertinentes. Respecte o tema formulado no artigo ou aqueles que xurdan de xeito natural no curso do debate.

En Internet, adóitanse utilizar alcumes no canto do propio nome, pero usurpar o/a doutro/a lector/a é unha práctica inaceptable.

Non escriba en MAIÚSCULAS. Na linguaxe de Internet interprétanse como gritos e dificultan a lectura.

Calquera comentario que non se ateña a estas normas poderá ser borrado e calquera comentarista que as rompa habitualmente poderá ver cortado o seu acceso aos comentarios do blogue do cineclube «Padre Feijoo» (cineclubePF) e calquera dos sitios da «Feciga».