programación setembro—outubro 2014

Un ano despois do noso reencontro coa casa da cultura, enchidos de orgullo e satisfación coas mellores instalacións posibles e coa sobresaínte colaboración da Biblioteca Pública e da resposta cidadán, é nos grato comunicar ao noso distinguido público, unha nova tempada que tentaremos que vos entusiasme, que sexa fantástica.
De seguido presentámosvos esta excelsa programación, non sen antes lembraros que…:
Non permitimos a entrada despois de comenzada a proxección, polo que vos pregamos puntualidade (aparte de apagar os dispositivos móbiles).
Os días, horarios de proxección e cotas de entrada serán os habituais; luns (filmoteca ás 20:30 e 23 h.) 2 euros, mércores (ciclo ás 18, 20:30 e 23 h.) 4 euros, (agás nalgunhas datas especiais con sesións que vós anunciaríamos oportunamente); procurade vir co troco xusto de moedas, evitar se vós é posible traer billetes grandes.
Aos non asociados, selle engadiran os oportunos custes de mantenemento da actividade máis o IVE correspondente. ¹
Sentimos non poder ofreceros ainda a venda anticipada polo que podes acadar a cota de acceso media hora antes de cada sesión como até o momento, e sobre os descontos especiais, temos pensado implementalos nalgunhas sesións para os socios/as en situación de desemprego, estudantes e pensionistas, os avisaremos cando así sexa.

Cartaz do ciclo cinema «Fantástico» deseño de Iñaki Nóvoa (cineclupePF)

Inauguramos a tempada cun pequeno ciclo de «cinema Fantástico» onde exploramos as analoxías dunhas historias situadas no abrente do tercer milenio, onde a pesares de ter todo ao noso alcance, non somos amos dos nosos propios destinos. Descríbesen modelos de vida inquientantes, non só pola arquitectura dos seus opresivos escenarios, senón polas clarividentes semellanzas ca sociedade actual, onde batallan os nosos paraísos artificiais, creados para tratar de esquecer os dilemas éticos que planean sobre as nosas xerárquicas vidas. Desexamos crer que hai esperanza, que non temos un límite atormentado e próximo, como declamaba —no anterior milenio— David Bowie a Ziggy Stardust e que nos servíu de inspiración para ofreceros este avance visual ^{[.mp4 • 5'2 MB]} do ciclo.

Non te alporices por este futuro post-punk, sempre te podes evadir co fútbol, coas tronistas pretendentes, ou co último combinado etílico xurdido polas ofertas do super; para consumir ao calor dunha noite de botellón, é posible ser así de artificiais?
Agardemos que os filmes non vos deixen indeferentes e que procuredes paraísos máis naturais.

Abertos a todo tipo propostas (e de xente), fumos quen de compoñer este avance visual ^{[.mp4 • 5'8 MB]} dos luns de filmoteca; agardemos que ao vosa mente non quede perturbada ao escoitar ao trekkie William Shatner, (se acertades a comprender a frenética lírica orixinal de Jarvis Branson Cocker é grazas ao dueto de Joe Jackson).

luns 22 de setembro do 2014

Atención: horario especial, unha única sesión ás 20:30 h. e proxección de balde para os socios e socias.

Ver avance vídeo: You Tube [. mp4 • 25'1 Mb] VO

Título: «Metropolis» · Metrópolis
(Metrópole)

Ano: 1927   versión restaurada de 2010
País: Alemaña
Director: Fritz Lang
Guión: Thea von Harbou
Música: Bernd Schultheis e Gottfried Huppertz
Fotografía: Karl Freund e Günther Rittau
Reparto: Gustav Fröhlich, Brigitte Helm, Alfred Abel, Rudolf Klein-Rogge, Fritz Rasp…
Duración: 153 min.
Produtora: Universum Film AG (UFA)
Distribuidora: Kino International Corporation
Exhibición: Dixital BR d · Cor · Ratio 1.85:1 · Dolby dixital
Idiomas: inglés VOSE (versión orixinal subtitulada ao castelán)

Sipnose:
No futuro (ano 2000), na megápoles de Metrópole a sociedade divídese en dúas clases, os ricos que teñen o poder e os medios de produción, rodeados de luxos, espazos amplos e xardíns, e os obreiros, condeados a vivir en condicións dramáticas recluídos no soto dun gueto, onde se atopa o corazón industrial da cidade. Un día Freder (Alfred Abel), o fillo do todoperoso Joh Fredersen (Gustav Fröhlich), o home que controla a cidade, descobre as duras condicións laborais dos obreiros tras namorarse de María (Brigitte Helm), unha rapariga de orixe humilde, venerada polas clases baixas e que predica os bos sentimentos e o amor. O fillo entón advirte ao seu pai que os traballadores podrían rebelarse.

Premios e mencións:
2002 · Círculo de Críticos de New York: premio especial (pola súa restauración)

Crítica:
"Obra mestra do cinema e filme capital do expresionismo alemán; trátase dunha visión apocalíptica da sociedade do futuro. No seu día foi unha grande superprodución da potente produtora alemá UFA, pero foi un fracaso na billetería." (Film Affinity)

mércores 24 de setembro do 2014

Ver avance vídeo: You Tube [. mp4 • 19'8 Mb] VO

Título: «Blade Runner»

Ano: 1982
País: Estados Unidos
Director: Ridley Scott
Guión: David Webb Peoples e Hampton Fancher
Música: Vangelis
Fotografía: Jordan Cronenweth
Reparto: Harrison Ford, Rutger Hauer, Sean Young, Daryl Hannah, Edward James Olmos…
Duración: 117 min.
Productora: Shaw Brothers, The Ladd Company, Run Run Shaw
Distribuidora: Warner Bros Pictures
Exhibición: Dixital BR d · Cor · Ratio 2.35:1 · HD-DTS
Idioma: inglés · VOSE (versión orixinal subtitulada ao castelán)

Sipnose:
A principios do século XXI, a poderosa Tyrell Corporation creou, grazas aos avances da enxeñería xenética, un robot chamado Nexus 6, un ser virtualmente idéntico ao home pero superior a él en forza e axilidade, ao que selle deu o nome de Replicante. Estos robots traballaban como esclavos nas colonias exteriores da Terra. Despois da sanguinolenta rebelión dunha equipa de Nexus-6, os Replicantes foron desterrados da Terra. Brigadas especiais de policía chamados Blade Runners, tiñan ordes de matar a todos os que non houbesen acatado a condea, non era unha execución, o chamaban retiro.

Premios e mencións:
1982 · 2 nominacións aos Oscar^®: mellor dirección artística e efectos visuais :: Nominada ao Globo de Ouro: mellor banda sonora orixinal :: Asociación de Críticos de Os Ánxeles: mellor fotografía.
1983 · 8 nominacións aos BAFTA: acadou 3 premios; fotografía, vestiario, dirección artística.



Críticas:
"Lembro a hipnótica e tenebrosa «Blade Runner» por a súa atafegante atmosfera, por o seu lírico sentido da traxedia, pola súa nunca gratuíta violencia, por Harrison Ford, hastiado e antigo cazador de replicantes (…) por o seu romántico discurso que larga^¹ o agónico Rutger Hauer…."
Carlos Boyero (El Mundo)

^¹ Vídeo: You Tube [. mp4 • 41'9 Mb] VOSE

luns 29 de setembro do 2014

Ver avance vídeo: You Tube [. mp4 • 10'3 Mb] VO

Título: «The Unknown Known: The Life and Times of Donald Rumsfeld» · Donald Rumsfeld: certezas desconocidas
(Donald Rumsfeld: certezas descoñecidas)

Ano: 2013
País: Estados Unidos
Director: Errol Morris
Guión: Errol Morris
Música: Danny Elfman
Fotografía: Robert Chappell
Reparto: Donald Rumsfeld, Errol Morris, Kenn Medeiros…
Duración: 105 min.
Produtora: History Films | Moxie Pictures | Participant Media
Distribuidora: La Aventura Audiovisual
Exhibición: Dixital DV d · Cor · Ratio 1.85:1 · Dolby dixital
Idiomas: inglés · VOSE (versión orixinal subtitulada ao castelán)

Sipnose:
O exsecretario de defensa dos Estados Unidos durante a polémica administración do presidente George W. Bush, o «falcón» Donald Rumsfeld, fala sobre a súa carreira política en Washington D.C., dende os seus inicios nos anos 60 como congresista até a invasión de Iraq en 2003 tras o 11S e a posterior guerra en Afganistán.

Premios e mencións:
2013 · Festival de Venecia: sección oficial longametraxes a concurso

Crítica:
"O filme é o retrato dun home inquietante (…) Morris decide tomar o linguaxe como ring para o seu fascinante duelo con Rumsfeld"
Jordi Costa (El País)

mércores 1 de outubro do 2014

Ver avance vídeo: You Tube [. mp4 • 24'6 Mb] VOSE

Título: «Her»

Ano: 2013
País: Estados Unidos
Director: Spike Jonze
Guión: Spike Jonze
Música: Arcade Fire e Owen Pallett
Fotografía: Hoyte Van Hoytema
Reparto: Joaquin Phoenix, Scarlett Johansson, Amy Adams, Rooney Mara, Olivia Wilde…
Duración: 126 min.
Produtora: Annapurna Pictures
Distribuidora: Vértigo Films España
Exhibición: Dixital BR d · Cor · Ratio 2.35:1 · HD-DTS
Idiomas: inglés · VOSE (versión orixinal subtitulada ao castelán)

Sipnose:
Nun vindeiro futuro, Theodore, un home solitario a piques de divorciarse, que traballa nunha empresa como escritor de cartas para terceiras persoas, merca un día un novo sistema operativo baseado en intelixencia artificial, deseñado para satisfacer todas as necesidades do usuario. Para a súa sorpresa, crea unha relación romántica entre el e Samantha, a voz feminina dese sistema operativo.

Premios e mencións:
2013 · Oscar^®: 5 nominacións (incluíndo o de mellor filme), acadou o premio de mellor guión orixinal :: Globos de Ouro: 3 nominacións, acadou o premio de mellor guión :: NBR: mellor filme e director :: Critics Choice: 6 nominacións, acadou o premio do mellor guión orixinal :: WGA: mellor guión orixinal :: LAFCA: 5 nominacións, acadou o premio de deseño de producción e compartíu o de mellor filme :: AFI: Top 10 mellores filmes do ano :: Satellite Awards: 2 nominacións, incluíndo mellor guión orixinal.
2014 · Festival de Rotterdam: filme de inauguración.

Crítica:
"Si este filme ten de verdade corazón, é grazas á interpretación de Joaquin Phoenix. Acadou o difícil reto de meterse en Theodore (…) A pesares da súa enorme interpretación, Phoenix non optou aos Oscar^® porén para Jonze o actor vai demasiado por libre e iso inflúe…"
Alberto Quintanilla (elDiario.es)

luns 6 de outubro do 2014

Ver avance vídeo: You Tube [. mp4 • 4'4 Mb] VO

Título: «Edificio España»

Ano: 2012
País: España
Director: Víctor Moreno
Guión: Víctor Moreno e Rodrigo Rodríguez
Fotografía: Víctor Moreno
Xénero: documental
Duración: 94 min.
Produtora: Víctor Moreno PC | Zentropa Spain
Distribuidora: La Aventura Audiovisual
Exhibición: Dixital DV d · Cor · Ratio 1.33:1 · Dolby dixital
Idiomas: castelán · VO (versión orixinal)

Sipnose:
No 2007 iníciase un proxecto de reforma integral do Edificio España (pertencente ao banco Santander), un inmoble emblemático de Madrid que en tempos do franquismo foi símbolo de prosperidade. Nas obras participan máis de douscentos traballadores de diversas nacionalidades, xerando un insólito anecdotario e incorporando as súas vivencias á propia memoria do lugar. Una inmensa torre de Babel sobre a que quedarán impresas as pegadas da nosa época.

Premios e mencións:
2012 · Documenta Madrid: sección competitiva longametraxe :: LXII Festival de San Sebastian: sección «Made in Spain»

Crítica:
"Ainda que a cámara non sae xamais do edificio (agás ao final), a realidade cóase entre as súas paredes. Como cando detrás do concienzudo traballo dos obreiros óuvese a voz do por entón presidente Zapatero falando dun positivo cadro macroeconómico e un crecemento da economía do 3%. "
Natalia Chientaroli (elDiario.es)

mércores 8 de outubro do 2014

Ver avance vídeo: You Tube [. mp4 • 23'8 Mb] VOSE

Título: «Snowpiercer» · Rompenieves
(Rompeneves)

Ano: 2013
País: Corea do Sur
Director: Bong Joon-ho
Guión: Bong Joon-ho e Kelly Masterson
Música: Marco Beltrami
Fotografía: Kyung-Pyo Hong
Reparto: Chris Evans, Song Kang-ho, Tilda Swinton, Jamie Bell, Octavia Spencer…
Duración: 126 min.
Produtora: Moho Films | Opus Pictures
Distribuidora: Good Films
Exhibición: Dixital BR d · Cor · Ratio 1.85:1 · HD-DTS
Idiomas: inglés · VOSE (versión orixinal subtitulada ao castelán)

Sipnose:
Un errado experimento para solucionar o problema do quecemento global case acabou destruíndo a vida sobre a Terra. Os únicos sobreviventes foron os pasaxeiros do «Snowpiercer», un tren que percorre o mundo impulsado por un motor de movemento eterno. Adaptación da novela gráfica «Lle Trasperceneige», escrita por Jean-Marc Rochette e Jacques Loeb.

Premios e mencións:
2013 · Asia-Pacific Film Festival (APFF): 5 nominacións (incluíndo o de mellor filme), acadou o premio de dirección artística.
2014 · Asian Film Awards: 5 nominacións (incluíndo o de mellor filme).

Crítica:
"Un filme duro de asimilar, pero tremendamente brillante e que non deixa a ninguén indiferente, sexas da clase social que sexas."
Eduardo Serradilla · Film Kino - Canarias Ahora (elDiario.es)

Por último, na sala de máquinas do cineclube, tedes un relatorio dos datos de asistencia e resultados da enquisa desta última xeira que pechamos.

Lembrade…

Lugar das proxeccións:
Biblioteca Pública Nodal (casa da Cultura), rúa Concello 11
www.ir.gl/mapa-ccPF

Cota de entrada única para socios/as:

• luns 2 €
• mércores 4 €

¹

Aquelas proxeccións con aviso de gratuídade para socios e socias, non exime de solicitarlle aos non asociados/as, que liquiden os oportunos custes proporcionais de mantenemento, e da actividade xeral do cineclube, xunto co IVE actual do 21%.

Nesta tempada, estímase en 1 € para as actividades de balde; un recargo ao prezo do socio nas sesión normais de 50 céntimos para as sesións de filmoteca (2 + 0,50) e 1 euro para as sesións do ciclo (4 + 1).

Días e sesións:

• luns, ás 20:30 e 23 h.
• mércores, ás 18, 20:30 e 23 h.

ATENCIÓN!:  NON SE PERMITE A ENTRADA unha vez comezada a proxección e por favor, apagade os vosos dispositivos móbiles.

Non deixedes de comentarnos as impresións que vos suscitan os filmes programados, neste blogue ou nas redes sociais nas que participamos, apreciamos moitísimo os vosos comentarios e que compartades a programación. Esperemos que gocedes e sexades partícipes do cineclube, sen vós non somos nada.