Durante o mes de novembro de 2019 viaxamos coa 7ª edición do Cine de Outono, ás Miradas Etnográficas. Multiplicamos os diferentes centros de interese para chegar a destinos imprevistos, a realidades que superan o propio inicio do periplo, e obrigan a trazar novas hipérboles con imprevisibles experiencias.
Así que calculamos rumbo, escrutamos o tempo e movémonos pola escuridade do pasado. A lingua, a música, a imaxe e a palabra como resorte do patrimonio e como motor de identidade e alicerce da rebeldía. E descubrimos, unha vez máis, que estamos de volta no inicio da viaxe.
Tomen asento e sexan benvidas. As proxeccións serán no Museo Etnolóxico de Ribadavia; os sábados 9, 16, 23 e 30 de novembro ás 20 horas e de balde.
De seguido o detalle da programación.
«A viaxe de Ruth»
«A imaxe reb/velada»
«Mar de terra»
Visión personal e diferente dunha tradición, a do Entroido, que viaxa ao fondo das emocións. Percorre os entroidos de Laza, Xinzo, Verín, Manzaneda, Santiago de Arriba (Chantada) ou Viana do Bolo e mistúrase coa música do acordeón de Kepa Junkera.
«Glittering misfits»
Dirty Martini e Tigger!, estrelas do underground neoiorquino, descubrirannos algúns dos segredos das súas provocativas e reivindicativas formas de expresión artística en night-clubs e cabarets do Off- Off-Broadway de Nova Iorke. Ao mesmo tempo, permitirannos entender desde a súa intimidade cotiá os motivos, as loitas e as claves que lles manteñen como figuras e referentes do neo- burlesque, máis de 20 anos despois de que todo este fenómeno explotase na cidade na década dos 90.
Todas as proxeccións son en VO/VOS, no Museo Etnolóxico de Ribadavia,(Rúa Santiago 10 de Rivadavia - Ourense)
Pregamos puntualidade.
Ningún comentario:
Publicar un comentario