31/12/09

Novas olladas ao cinema fantástico

Esta é a nota de prensa enviada hoxe aos medios (se queres recibir información sobre as actividades do Cineclube, únete ao grupo de correo en http://groups.google.es/group/cineclubepf ou a través de Facebook)

O CINECLUBE COMEZA O ANO DO SEU 40º ANIVERSARIO CO CICLO «NOVAS OLLADAS AO CINEMA FANTÁSTICO»

A partir do próximo día 13 de xaneiro comezan os novos ciclos do Cineclube Padre Feijoo, en colaboración con Cinebox Ourense. O primeiro deles será o titulado «Estreas en Versión Orixinal 8: Novas olladas ao cinema fantástico», e traerá a Ourense tres títulos inéditos na nosa cidade deste xénero en continua reformulación.
Os pases, como vén sendo habitual, serán ás 20.30 e ás 23.00 horas, no Cinebox Ourense (Centro Comercial Ponte Vella), e as entradas serán de 4,00 euros (3,00 euros no caso de estudantes con carné universitario). Para o ciclo cóntase co apoio da Concellaría de Cultura do Concello de Ourense, así como da Federación de Cineclubes de Galicia, da Secretaría Xeral de Medios da Xunta de Galicia e da Vicerreitoría do Campus de Ourense.
O mércores 13 de xaneiro proxectarase, pois, o filme sueco Déjame entrar, de Tomas Alfredson; a fita, premiada en festivais de todo o mundo, incluídos Tribeca, Amsterdam e Sitges, supón unha acertada revisión do mito do vampirismo desde a perspectiva infantil, e unha renovación do cinema de terror sen recorrer á truculencia. O día 20, a coprodución The Fall: El sueño de Alexandria, dirixida por Tarsem Singh, ofrécenos a imaxinación máis desbordante nunha fábula en que se mesturan todo tipo de tradicións e que recibiu premios nos festivais de Berlín e Sitges. Por último, o día 27 proxectarase a película Moon, do realizador británico Duncan Jones, que recupera o mellor da ciencia ficción nun filme con reminiscencias a grandes títulos, merecedor de premios en festivais como o de Sundance.
Iníciase así un ano en que o Cineclube Padre Feijoo chegará, no outono, aos seus corenta anos de actividade en Ourense. Nos próximos meses irase anunciando as seguintes actividades de celebración deste aniversario.



Ciclo Estreas en Versión Orixinal 8

Novas olladas ao cinema fantástico

13/1/10: Déjame entrar
20/1/10: The Fall: El sueño de Alexandria

27/1/10: Moon

Ciclo Estreas en Versión Orixinal 8: Novas olladas ao cinema fantástico
Xaneiro 2010

Cinebox Ourense

Entrada: 4 euros (3 euros con carné universitario)

Versión Orixinal Subtitulada

Co apoio de:
Concellería de Cultura – Concello de Ourense

Federación de Cineclubes de Galicia

Secretaría Xeral de Medios – Xunta de Galicia

Vicerreitoría do Campus de Ourense

• Mércores 13 de xaneiro de 2010 • Cinebox Ourense, 20.30 e 23 h
Déjame entrar

Låt den rätte komma in.
Suecia, 2008. Cor, 114 min • Dirección: Tomas Alfredson • Produción: John Nordling, Carl Molinder (Bavaria Film International, EFTI Film) • Guión: John Ajvide Lindqvist, segundo a súa novela • Fotografía: Hoyte Van Hoytema • Montaxe: Dino Jonsäter, Tomas Alfredson • Música: Johan Söderqvist • Intérpretes: Kåre Hedebrant (Oskar), Lina Leandersson (Eli), Per Ragnar (Håkan), Henrik Dahl (Erik), Karin Bergquist (Yvonne), Peter Carlberg (Lacke), Ika Nord (Virginia), Mikael Rahm (Jocke), Anders T. Peedu (Morgan), Pale Olofsson (Larry) • Estrea en Suecia: 24/10/2008 • Estrea en España: 17/4/2009. Versión orixinal en sueco con subtítulos en castelán.

• Festival de Tribeca 2008: Mellor longametraxe narrativa

• Festival de Cinema Fantástico de Bruxelas 2008: Corvo de Ouro

• Premios Saturn 2009: Mellor filme internacional

• Festival de Cinema Fantástico de Amsterdam 2009: Premio Black Tulip, Premio Silver Scream

• Festival de Edimburgo 2008: Premio de Consenso Crítico

• Festival Fant-Asia 2008: Mellor filme europeo ou americano, Mellor director, Mellor Film, Mellor dirección de fotografía

• Festival de Goteburgo 2008: Premio á mellor dirección, Premio á mellor dirección de fotografía

• Festival de Sitges 2008: Gran Premio de Ouro ao Filme Fantástico Europeo

• Semana de Cine Fantástico de San Sebastián 2008: Premio do público


Web oficial (español): http://www.karmafilms.es/dejamentrar

Web oficial (inglés):
http://www.lettherightoneinmovie.com

Oskar é un rapaz de 12 anos que sofre continuamente o acoso dalgúns compañeiros da súa clase. O seu desexo de ter un amigo parece facerse realidade cando coñece a Eli, unha nena da súa mesma idade que acaba de mudarse á casa do lado. Pero Eli é unha nena misteriosa: é moi seria, está moi pálida, só sae polas noites e aparentemente non lle afectan as temperaturas xeadas. Unha serie de desaparicións e asasinatos inexplicábeis coinciden coa chegada da rapaza.

• Mércores 20 de xaneiro de 2010 • Cinebox Ourense, 20.30 e 23 h
The Fall: El sueño de Alexandria

The Fall.
EE. UU./Reino Unido/India, 2006. Cor, 118 min. Dirección: Tarsem Singh • Produción: Tarsem Singh (Googly Films, Treetop Films) • Guión: Dan Gilroy, Nico Soultanakis, Tarsem Singh, a partir do guión de Valeri Petrov para o filme ‘Yo Ho Ho’ (1981), dirixido por Zako Heskija • Fotografía: Colin Watkinson • Montaxe: Robert Duffy • Música: Krishna Levy • Intérpretes: Lee Pace (Roy Walker), Catinca Untaru (Alexandria), Justine Waddell (Evelyn), Julian Bleach (Mystic), Leo Bill (Charles Darwin), Marcus Wesley (Otta Benga), Robin Smith (Luigi), Daniel Caltagirone (Sinclair/Gobernador Odio), Ronald France (Otto), Kim Uylenbroek (doutor/Alexandre Magno), Emil Hostina (pai de Alexandria/bandido) • Estrea en EE. UU.: 30/5/2008 • Estrea en España: 14/1/2008. Versión orixinal en inglés e romanés con subtítulos en castelán.

• Festival de Berlín 2007: Mención Especial Oso de Cristal

• Festival de Sitges 2007: Mellor filme

Web oficial (español): http://www.tripictures-spain.com/thefall/default.html
Web oficial (inglés): http://www.thefallthemovie.com


Nos anos vinte, un especialista de secuencias de acción é ingresado nun hospital tras unha caída que o deixa sen poder andar. Alí encontra o apoio de Alexandria, unha nena cun brazo roto coa que cerra unha promesa: vaille contar a historia máis marabillosa do mundo. O relato axiña superará todos os límites, e trasladará o filme a todos os confíns do mundo.

• Mércores 27 de xaneiro de 2010 • Cinebox Ourense, 20.30 e 23 h

Moon

Moon.
Reino Unido, 2009. Cor, 97 min • Dirección: Duncan Jones • Produción: Stuart Fenegan, Trudie Styler (Sony Pictures Classics, Liberty Films, Xingu Films, Limelight.) • Guión: Nathan Parker, segundo un argumento de Duncan Jones • Fotografía: Gary Shaw • Montaxe: Nicolas Gaster • Música: Clint Mansell • Intérpretes: Sam Rockwell (Sam Bell), Kevin Spacey (voz de Gerty), Dominique McElligott (Tess Bell), Kaya Scodelario (Eve Bell), Benedict Wong (Thompson), Matt Berry, Malcolm Stewart • Estrea no Reino Unido: 17/7/2009 • Estrea en España: 9/10/2009. Versión orixinal en inglés con subtítulos en castelán.

• Festival de Sundance 2009: Sección oficial
• Festival de Tribeca 2009: Sección oficial

• British Independent Film Awards 2009: Mellor filme independente británico, Mellor director novel

• Festival de Edimburgo 2009: Mellor longametraxe británica

• Festival de Sitges 2009: Mellor filme, Mellor guión, Mellor actor (Sam Rockwell), Mellor deseño de produción

• Festival de Atenas 2009: Athena de Ouro

• Festival de Cinema Británico de Dinard 2009: Hitchcock de Prata

• Festival de Seattle 2009: Premio Golden Space Needle

Web oficial (español): http://www.moonlapelicula.com/

Web oficial (inglés):
http://www.moonthemovie.com/

Sam Bell é un mineiro enviado á Lúa coa misión de extraer un gas que salvará a Terra da crise enerxética que atravesa. Tras pasar tres anos só na base lunar, afastado da súa familia, Bell está a punto de regresar ao seu fogar, mais entón comeza a sufrir unha serie de estrañas visións.

02/12/09

‘Man on Wire’ na Semana do Cinema Documental

Esta é a nota de prensa enviada hoxe aos medios (se queres recibir información sobre as actividades do Cineclube, únete ao grupo de correo en http://groups.google.es/group/cineclubepf ou a través de Facebook)

‘MAN ON WIRE’ PON FIN ÁS PROXECCIÓNS

DA SEMANA DO CINEMA DOCUMENTAL


Mañá, xoves 3 de decembro, o Cineclube Padre Feijoo, en colaboración con Cinebox Ourense, a Federación de Cineclubes de Galicia e o CGAI, presenta o filme
Man on Wire, coprodución británico-estadounidense dirixida por James Marsh e gañadora, entre outros moitos premios, do Oscar 2009 ao Mellor documental. Os pases serán ás 20.30 e ás 23.00 horas, no Cinebox Ourense (Centro Comercial Ponte Vella); as entradas serán de 4,00 euros (3,00 euros no caso de estudantes con carné universitario).

A Semana do Cinema Documental, que termina así o seu ciclo de proxeccións, conta co apoio da Concellería de Cultura do Concello de Ourense, da Secretaría Xeral de Medios da Xunta de Galicia e da Vicerreitoría do Campus de Ourense.


Por outra parte, lamentamos comunicar a
suspensión da conferencia «Inscribir o real: a propósito do texto documental», prevista para o venres 4 de decembro no Centro Cultural Deputación Ourense, debido a un problema de saúde da profesora Antía López. Esperamos poder ofrecer nos próximos días unha nova data para esta actividade.


Man on Wire
conta a historia real do mozo francés Philippe Petit, que camiñou o 7 de agosto de 1974 por un cabo colgado ilegalmente entre as Torres Xemelgas de Nova York, daquela os edificios máis altos do mundo. Tras unha hora a camiñar polo cabo, foi arrestado, examinado psicoloxicamente e encarcerado antes de ser finalmente liberado. Petit pasara oito meses en Nova York planificando a execución do golpe. Axudado por un equipo de amigos e cómplices, Petit enfrontouse a numerosos e extraordinarios desafíos: encontrar o xeito de burlar a seguridade do World Trade Center, pasar o pesado cabo de aceiro e o equipo necesario; tender o cabo entre os tellados das dúas torres, ancorar o cabo e tensalo para soportar os ventos e o movemento de vaivén dos edificios...

O documental de James Marsh dá vida a esta extraordinaria aventura a través do testemuño de Philipe e algúns dos conspiradores que lle axudaron a crear o espectáculo magnífico e único que se coñeceu como «o delito artístico do século».

01/12/09

‘Una cierta verdad’, na Semana do Cinema Documental

Esta é a nota de prensa enviada hoxe aos medios (se queres recibir información sobre as actividades do Cineclube, únete ao grupo de correo en http://groups.google.es/group/cineclubepf ou a través de Facebook)

A SEMANA DO CINEMA DOCUMENTAL
PROXECTA ‘UNA CIERTA VERDAD’


Mañá, mércores 2 de decembro, o Cineclube Padre Feijoo, en colaboración con Cinebox Ourense, a Federación de Cineclubes de Galicia e o CGAI, presenta o filme
Una cierta verdad, dirixido polo catalán Abel García Roure (axudante de dirección dos espléndidos documentais En construcción e El cielo gira). A proxección enmárcase na Semana do Cinema Documental, cuxas actividades decorren entre os días 1 e 4. Os pases serán ás 20.30 e ás 23.00 horas, no Cinebox Ourense (Centro Comercial Ponte Vella); as entradas serán de 4,00 euros (3,00 euros no caso de estudantes con carné universitario).
A Semana do Cinema Documental conta co apoio da Concellería de Cultura do Concello de Ourense, da Secretaría Xeral de Medios da Xunta de Galicia e da Vicerreitoría do Campus de Ourense.
Una cierta verdad reflicte as vidas de cinco personaxes que se entrecruzan no contorno dun hospital de saúde mental, ao longo do período de case dous anos. Os cinco viron ou verán severamente alteradas as súas capacidades de comprender e percibir a realidade; invadidos e desposuídos de todo aquilo que conforma a súa propia identidade como persoas. Seguindo o ronsel destas historias íntimas, o filme embárcanos nunha viaxe emocional e de coñecemento á busca dunha fenda de luz no aparentemente inextricábel e enigmático universo da loucura. Como nunha novela de intriga, con paciencia e rigor, o filme revélanos os signos que trazan secretamente o fío narrativo do relato humano que se oculta detrás de todo proceso de trastorno mental.
Este documental formou parte da sección oficial competitiva da prestixiosa Seminici de Valladolid, e mais do Festival Internacional de Documental e Animación de Leipzig en 2008.

30/11/09

‘Sicko’ na Semana do Cinema Documental

Esta é a nota de prensa enviada hoxe aos medios (se queres recibir información sobre as actividades do Cineclube, únete ao grupo de correo en http://groups.google.es/group/cineclubepf ou a través de Facebook)

COMEZA A SEMANA DO CINEMA DOCUMENTAL
CON ‘SICKO’, DE MICHAEL MOORE


Mañá, martes 1 de decembro, o Cineclube Padre Feijoo, en colaboración con Cinebox Ourense, a Federación de Cineclubes de Galicia e o CGAI, presentan o filme
Sicko, dirixido polo estadounidense Michael Moore. A proxección enmárcase na Semana do Cinema Documental, cuxas actividades decorrerán entre os días 1 e 4. Os pases serán ás 20.30 e ás 23.00 horas, no Cinebox Ourense (Centro Comercial Ponte Vella); as entradas serán de 4,00 euros (3,00 euros no caso de estudantes con carné universitario).
A Semana do Cinema Documental conta co apoio da Concellería de Cultura do Concello de Ourense, da Secretaría Xeral de Medios da Xunta de Galicia e da Vicerreitoría do Campus de Ourense.
O sempre polémico director Michael Moore pon en Sicko o seu punto de mira no sistema sanitario estadounidense, de xestión privada e rexido por empresas aseguradoras. Moore compara neste filme a situación dos enfermos en EE. UU. coa dos dalgúns países de Europa e América Latina, e vén revelar que, mentres para un cidadán americano rachar un óso pode ser motivo de ruína económica, en moitos outros países os gobernos axudan os seus cidadáns, non só coa Seguridade Social, senón tamén con empregados ao servizo de nais traballadoras, de enfermos terminais ou de persoas con necesidade de atencións especiais.
Sicko foi presentado no Festival de Cannes, e foi nomeado na categoría de Mellor documental para os Oscar de 2008.

27/11/09

Semana do Cinema Documental

Esta é a nota de prensa enviada hoxe aos medios (se queres recibir información sobre as actividades do Cineclube, únete ao grupo de correo en http://groups.google.es/group/cineclubepf ou a través de Facebook)

decorrerá entre o 1 e o 4 de decembro
«SEMANA DO CINEMA DOCUMENTAL»


Nos primeiros días de decembro, o Cineclube Padre Feijoo presenta a «Semana do Cinema Documental», organizada conxuntamente con Cinebox Ourense, a Federación de Cineclubes de Galicia e o Centro Galego de Artes da Imaxe (CGAI). Deste xeito, os tres primeiros días serán proxectados tres filmes de estrea —que reflicten tres estilos moi diferentes de abordar o documental— e finalmente será impartida unha conferencia sobre o xénero na súa historia e na actualidade.

Para o ciclo cóntase, ademais, co apoio da Concellería de Cultura do Concello de Ourense, da Secretaría Xeral de Medios da Xunta de Galicia, da Vicerreitoría do Campus de Ourense e do Centro Cultural Deputación de Ourense.

O primeiro dos documentais da semana, que será exhibido o próximo martes, 1 de decembro, é Sicko, o filme do sempre controvertido Michael Moore, que neste caso analiza de forma moi crítica o sistema público norteamericano de saúde. O mércores 2, o filme proxectado será Una cierta verdad, do catalán Abel García Roure, que participou na sección oficial da prestixiosa Seminci de Valladolid e que trata de explorar os misterios da mente humana e da loucura. O xoves 3 proxectarase Man on Wire, película británica gañadora do último Oscar ao Mellor documental e do Gran Premio do Festival de Sundance; o filme, dirixido por James Marsh, revive a historia do que se considerou «o delito artístico do século XX», a historia do home que, en 1974, burlando todos os sistemas de seguridade, conseguiu tender un cabo entre das torres do World Trade Center e facer equilibrismo durante unha hora.

Todas elas son películas en estrea e en versión orixinal con subtítulos en castelán. As proxeccións serán novamente no Cinebox Ourense, no Centro Comercial Ponte Vella, ás 20.30 e 23 h e co prezo habitual de 4 euros (reducidos a 3 euros con carné universitario).

O venres 4, para finalizar o programa, e no Centro Cultural Deputación Ourense, ás 20.00 h (entrada gratuíta), a profesora Antía López, da Facultade de Ciencias da Comunicación de Santiago de Compostela, disertará sobre o tema coa clase maxistral «Inscribir o real: a propósito do texto documental».
NOTA: Debido a un problema de saúde da relatora, a clase maxistral queda posposta até novo aviso. Pregamos desculpas.

Semana do Cinema Documental

Proxeccións:
1/12/2009: Sicko
2/12/2009: Una cierta verdad
3/12/2009: Man on Wire

Charla sobre cinema documental:
4/12/2009: Clase maxistral: «Inscribir o real: a propósito do texto documental», por Antía López Gómez (Facultade de Ciencias da Comunicación, Universidade de Santiago de Compostela)

Semana do Cinema Documental
• Cinebox Ourense (1-3 decembro)
Entrada: 4 euros (3 euros con carné universitario)
Versión Orixinal Subtitulada
• Charla no Centro Cultural Deputación Ourense (4 decembro)
Entrada gratuíta

Organizan:
Cineclube Padre Feijoo, Cinebox Ourense, Federación de Cineclubes de Galicia, CGAI (Centro Galego de Artes da Imaxe)
Co apoio de:
Concellería de Cultura – Concello de Ourense
Secretaría Xeral de Medios – Xunta de Galicia
Vicerreitoría do Campus de Ourense
Centro Cultural Deputación Ourens

O cinema documental recibiu nos últimos anos un pulo importante que o recuperou para as salas comerciais, aínda que en xeral dentro de circuítos reducidos. Nesta Semana de Cinema Documental queremos botar unha ollada a tipoloxías moi distintas, que van desde a parte máis popular do xénero até a exploración fílmica dos límites entre realidade e reconstrución ficcionada. De todo isto tratará ademais a conferencia que, baixo o título de «Inscribir o real» pronunciará a profesora Antía López.

• Martes 1 de decembro de 2009 • Cinebox Ourense, 20.30 e 23 h
Sicko
Sicko. EE. UU., 2007. Cor, 123 min. Dirección e guión: Michael Moore • Produción: Michael Moore, Meghan O’Hara (The Weinstein Company, Dog Eat Dog Films) • Fotografía: Andrew Black • Montaxe: Dan Swietlik, Geoffrey Richman, Christopher Seward • Música: Erin O’Hara • Estrea en EE. UU.: 22/6/2007 • Estrea en España: 30/4/2009. Versión orixinal en inglés con subtítulos en castelán.

• Oscars 2008: nomeado como Mellor documental
• Festival de Cannes 2008
• Premios Satellite 2008: Mellor documental
• Premios PGA 2008 (Producers Guild Awards): Premio ao documental cinematográfico
• Premios CFCA 2008 (Chicago Film Critics Association): Mellor documental
• Premios Eddie 2008 (American Film Editors): Mellor montaxe en documental

Web oficial (español): http://www.widepictures.es/sicko
Web oficial (inglés): http://www.sicko-themovie.com

O director Michael Moore pon o seu punto de mira no sistema sanitario estadounidense, de xestión privada e rexido por empresas aseguradoras. Moore compara a situación dos enfermos en EE. UU. coa dalgúns países de Europa e América Latina, e vén revelar que, mentres para un cidadán americano rachar un óso pode ser motivo de ruína económica, en moitos outros países os gobernos axudan os seus cidadáns, non só coa Seguridade Social, senón tamén con empregados ao servizo de nais traballadoras, de enfermos terminais ou de persoas con necesidade de atencións especiais.

• Mércores 2 de decembro de 2009 • Cinebox Ourense, 20.30 e 23 h
Una cierta verdad
Una cierta verdad. España, 2008. Cor, 136 min. Dirección e guión: Abel García Roure • Produción: Pío Vernis (Evohé Films, Notro Films) • Fotografía: Diego Dussuel • Montaxe: Sol López Riestra • Música: Ricardo Santander Molina. Estrea en España: 8/5/2009. Versión orixinal en catalán e castelán con subtítulos en castelán.

• Seminici Valladolid 2008: Sección oficial
• Festival Internacional de Documental e Animación de Leipzig 2008: Sección oficial

Durante o período de case dous anos, as vidas de cinco personaxes entrecrúzanse no contorno dun hospital de saúde mental. Os cinco viron ou verán severamente alteradas as súas capacidades de comprender e percibir a realidade; invadidos e desposuídos de todo aquilo que conforma a súa propia identidade como persoas. Seguindo o ronsel destas historias íntimas, o filme embárcanos nunha viaxe emocional e de coñecemento á busca dunha fenda de luz no aparentemente inextricábel e enigmático universo da loucura. Como nunha novela de intriga, con paciencia e rigor, o filme revélanos os signos que trazan secretamente o fío narrativo do relato humano que se oculta detrás de todo proceso de trastorno mental.

• Xoves 3 de decembro de 2009 • Cinebox Ourense, 20.30 e 23 h
Man on Wire
Man on Wire. Reino Unido/EE. UU., 2008. Cor, 94 min • Dirección: James Marsh • Produción: Simon Chinn (Discovery Films, BBC, UK Film Council, A Wall to Wall, Red Box Films, Magnolia Pictures) • Guión: James Marsh, segundo o libro ‘To Reach the Clouds’, de Philippe Petit • Fotografía: Igor Martinovic • Montaxe: Jinx Godfrey • Música: Michael Nyman, J. Ralph • Intervencións: Philippe Petit, Jean-Louis Blondeau, Annie Allix, Jim Moore, Mark Lewis, Jean-François Heckel, Barry Greenhouse, David Foreman, Alan Welner • Estrea no Reino Unido: 1/8/2008 • Estrea en España: 17/4/2009.

• Oscar 2009 ao Mellor documental
• Eddie 2009 á Mellor montaxe en documental
• Premio BAFTA 2009 ao Mellor filme británico
• Premios do Cinema Independente Británico 2009: Mellor documental británico
• Premio CFCA 2009: Mellor documental
• Premios Independent Spirit 2009: Mellor documental
• Festival de Karlovy Vary 2008: Mellor documental
• Premio LAFCA 2008 (Asociación de Críticos de Los Ánxeles): Mellor documental
• Premios Satellite 2008: Mellor documental
• Festival de Sundance 2008: Gran premio do xurado, Premio do público

Web oficial (español): http://www.manonwire.es
Web oficial (inglés): http://www.manonwire.com

O 7 de agosto de 1974, un mozo francés chamado Philippe Petit camiñou por un cabo colgado ilegalmente entre as Torres Xemelgas de Nova York, daquela os edificios máis altos do mundo. Tras unha hora a camiñar polo cabo, foi arrestado, examinado psicoloxicamente e encarcerado antes de ser finalmente liberado. Tras seis anos e medio soñando coas torres, Petit pasou oito meses en Nova York planificando a execución do golpe. Axudado por un equipo de amigos e cómplices, Petit enfrontouse a numerosos e extraordinarios desafíos: tivo que encontrar o xeito de burlar a seguridade do World Trade Center, conseguir pasar o pesado cabo de aceiro e o equipo necesario. Tender o cabo entre os tellados das dúas torres, ancorar o cabo e tensalo para soportar os ventos e o movemento de vaivén dos edificios. O documental de James Marsh dá vida a esta extraordinaria aventura a través do testemuño de Philipe e algún dos conspiradores que lle axudaron a crear o espectáculo magnífico e único que se coñeceu como «o delito artístico do século».

• Venres, 4 de decembro de 2009 • Centro Cultural Deputación Ourense, 20.00 h
Clase maxistral: «Inscribir o real: a propósito do texto documental»
Conferencia de Antía López Gómez (profesora titular de comunicación audiovisual e publicidade, Facultade de Ciencias da Comunicación, Universidade de Santiago de Compostela)
NOTA: Debido a un problema de saúde da relatora, a clase maxistral queda posposta até novo aviso. Pregamos desculpas.


Ollada sobre varios documentais, diferentes maneiras de ver e de enfocar as súas propostas. O documental de autor. A ambición é ilustrar cada idea, cada concepto, cada noción, cunha imaxe e un son. En síntese, un intercambio de opinións e coñecemento en torno ao documental, para coñecer a situación actual da produción audiovisual e dos documentais no mundo.
Abordarase a análise de documentais como Close Up (Abbas Kiarostami, 1990), Salvador Allende (Patricio Guzmán, 2004), En construcción (José Luis Guerín, 2001), Buena Vista Social Club (Wim Wenders, 1998) ou A ponte (Joris Ivens, 1928), nunha interesante perspectiva, básica, para entender os diferentes estilos sobre o documental.
Actividade da Federación de Cineclubes de Galicia en colaboración co Centro Galego de Artes da Imaxe (CGAI)

24/11/09

‘Control’

Esta é a nota de prensa enviada hoxe aos medios (se queres recibir información sobre as actividades do Cineclube, únete ao grupo de correo en http://groups.google.es/group/cineclubepf ou a través de Facebook)

‘CONTROL’, O MUNDO DA MÚSICA POP-ROCK DESDE DENTRO

Mañá, mércores 25 de novembro, o Cineclube Padre Feijoo e Cinebox Ourense presentan o filme británico Control, dirixido por Anton Corbijn, dentro do ciclo «Estreas en Versión Orixinal 7: Cinema de novembro». O filme conseguiu tres premios no Festival de Cannes de 2007. Os pases serán ás 20.30 e 23.00 horas, no Cinebox Ourense (Centro Comercial Ponte Vella); as entradas serán de 4,00 euros (3,00 euros no caso de estudantes con carné universitario).
A película pecha este ciclo, para o que se contou co apoio da Concellería de Cultura do Concello de Ourense, así como da Federación de Cineclubes de Galicia, da Secretaría Xeral de Medios da Xunta de Galicia e da Vicerreitoría do Campus de Ourense.
Control ofrece un percorrido polos últimos anos de Ian Curtis, o enigmático cantante líder da banda Joy Division (icono do post-punk inglés), até chegar ao seu tráxico suicidio en 1980: o conflito entre o grande amor que sente pola súa esposa e unha apaixonada relación coa súa amante; os seus ataques de epilepsia, que cada vez o deixan máis deteriorado; o seu incríbel talento e as súas impresionantes actuacións en directo.
O filme ten acadado numerosos premios internacionais, e supón o debut na longametraxe do fotógrafo Anton Corbijn, famoso por ter sido o encargado do aspecto visual dos álbums e videoclips de grupos como Depeche Mode, Nirvana ou U2. A súa perspectiva sobre o mundo do pop-rock é, por tanto, a de alguén que coñece de primeira man todos os seus detalles.

17/11/09

‘Despedidas’

AVISO — MODIFICACIÓN DE ÚLTIMA HORA. Debido a problemas técnicos alleos a nós, vémonos na obriga de atrasar as sesións do filme Despedidas até o xoves 19 de novembro, cos mesmos horarios (20.30 e 23 h). Pedimos desculpas polas molestias.

Esta é a nota de prensa enviada hoxe aos medios (se queres recibir información sobre as actividades do Cineclube, únete ao grupo de correo en
http://groups.google.es/group/cineclubepf ou a través de Facebook)


‘DESPEDIDAS’, OSCAR AO MELLOR FILME ESTRANXEIRO

O xoves 19 de novembro o Cineclube Padre Feijoo e Cinebox Ourense presentan o filme xaponés Despedidas (Okuribito), dirixido por Yôjirô Takita, dentro do ciclo «Estreas en Versión Orixinal 7: Cinema de novembro». O filme conseguiu, entre outros moitos galardóns internacionais, o Oscar 2009 ao Mellor filme de fala non inglesa. Os pases serán ás 20.30 e 23.00 horas, no Cinebox Ourense (Centro Comercial Ponte Vella); as entradas serán de 4,00 euros (3,00 euros no caso de estudantes con carné universitario).
Para o ciclo cóntase co apoio da Concellería de Cultura do Concello de Ourense, así como da Federación de Cineclubes de Galicia, da Secretaría Xeral de Medios da Xunta de Galicia e da Vicerreitoría do Campus de Ourense.
Despedidas é unha fábula vitalista sobre a morte. Conta a historia dun home que era violonchelista dunha orquestra que se acaba de disolver, e que acaba vagando polas rúas sen traballo e sen demasiada esperanza. Por iso, decide regresar á súa cidade natal en compañía da súa esposa, e alí consegue un emprego como enterrador: limpa os corpos, colócaos no seu ataúde e envíaos ao outro mundo da mellor forma posíbel. Aínda que a súa esposa e os seus veciños ven con desagrado este posto, el descubrirá neste ritual de morte a chispa vital que lle faltaba á súa propia vida.
O filme, ademais do Oscar, conseguiu 10 premios da Academia Xaponesa do Cinema (entre eles os de Mellor película, Mellor guión e Mellor director), así como o Gran Premio das Américas no Festival Mundial de Montreal de 2008.

03/11/09

‘Antichrist’

Esta é a nota de prensa que acabamos de enviar aos medios.

‘ANTICHRIST’, NO CICLO DE ESTREAS EN VERSIÓN ORIXINAL

Mañá, 4 de novembro, o Cineclube Padre Feijoo e Cinebox Ourense presentan o filme Antichrist, dirixido polo danés Lars Von Trier, dentro do ciclo «Estreas en Versión Orixinal 7: Cinema de novembro». O filme obtivo o Premio á mellor actriz (a francesa Charlotte Gainsbourg) no último Festival de Cannes. Os pases serán ás 20.30 e 23.00 horas, no Cinebox Ourense (Centro Comercial Ponte Vella); as entradas serán de 4,00 euros (3,00 euros no caso de estudantes con carné universitario).
Para o ciclo cóntase co apoio da Concellería de Cultura do Concello de Ourense, así como da Federación de Cineclubes de Galicia, da Secretaría Xeral de Medios da Xunta de Galicia e da Vicerreitoría do Campus de Ourense.
Antichrist supón unha nova polémica na carreira do controvertido director Lars Von Trier (seus son os filmes Europa, Rompiendo las olas, Bailar en la oscuridad ou Dogville), que nesa ocasión afronta unha moi persoal baixada aos infernos a modo de thriller ou mesmo filme de terror. Conta como unha parella sumida na dor se retira a unha cabana perdida no medio do bosque coa esperanza de que o contacto coa natureza cure os seus corazóns rotos e o seu cambaleante matrimonio. Mais a natureza segue o seu curso e as cousas comeza a ir de mal en peor.
Xenio para uns, farsante para outros, o realizador que impulsou no seu día o chamado «Movemento Dogma» non deixa ninguén indiferente.

30/10/09

Cinema de novembro

NOVO CICLO DE ESTREAS EN VERSIÓN ORIXINAL:
CINEMA DE NOVEMBRO


Durante o mes de novembro, o Cineclube Padre Feijoo e Cinebox Ourense proxectarán tres filmes dentro do seu novo ciclo «Estreas en Versión Orixinal 7: Cinema de novembro». Trátase de tres títulos de temáticas e procedencias moi diferentes, pero que dalgunha forma tratan da relación da vida coa morte e viceversa, unha temática moi propia do mes de novembro e as súas celebracións, como o samaín.
Como o propio nome do ciclo indica, son películas proxectadas en versión orixinal con subtítulos en castelán. Para o ciclo cóntase co apoio da Concellería de Cultura do Concello de Ourense, así como da Federación de Cineclubes de Galicia, da Secretaría Xeral de Medios da Xunta de Galicia e da Vicerreitoría do Campus de Ourense.
O primeiro dos filmes será proxectado o próximo mércores, día 4 de novembro; trátase de Antichrist, o novo e polémico filme do danés Lars Von Trier, gañador do Premio á mellor actriz no Festival de Cannes deste ano. O mércores 18, chegará ao ciclo Despedidas (Okuribito), do xaponés Yôjirô Takita, que obtivo o Oscar ao Mellor filme de fala non inglesa na última edición dos premios da Academia norteamericana. Para terminar, o mércores 25 proxectarase Control, un filme británico dirixido polo afamado fotógrafo Anton Corbijn, acerca de Ian Curtis, o mítico líder do grupo musical Joy Division; a película obtivo numerosos premios, entre os que destacan tres no Festival de Cannes de 2007.
Todas as proxeccións serán novamente no Cinebox Ourense, no Centro Comercial Ponte Vella, ao prezo habitual de 4 euros (reducidos a 3 euros con carné universitario).



Ciclo Estreas en Versión Orixinal 7
Cinema de novembro


4/11/09: Antichrist
ATENCIÓN, CAMBIO DE DATA — 19/11/09: Despedidas
25/11/09: Control

Ciclo Estreas en Versión Orixinal 7: Cinema de novembro
Novembro 2009
Cinebox Ourense
Entrada: 4 euros (3 euros con carné universitario)
Versión Orixinal Subtitulada

Co apoio de:
Concellería de Cultura – Concello de Ourense
Federación de Cineclubes de Galicia
Secretaría Xeral de Medios – Xunta de Galicia
Vicerreitoría do Campus de Ourense


• Mércores 4 de novembro de 2009 • Cinebox Ourense, 20.30 e 23 h
Antichrist
Antichrist. Dinamarca/Alemaña/Francia/Italia/Suecia/Polonia, 2009. Cor, Duración: 105 min • Dirección e guión: Lars Von Trier • Produción: Meta Louise Foldager (Zentropa Entertainment, Zentropa International Köln, Slot Machine, Liberator Productions, Arte France Cinéma, Memfis Film International, Trollhättan Film, Lucky Red) • Fotografía: Anthony Dod Mantle • Montaxe: Anders Refn • Intérpretes: Interpretación: Willem Dafoe, Charlotte Gainsbourg • Estrea en Dinamarca: 20/5/2009 • Estrea en España: 21/8/2009. Versión orixinal en inglés con subtítulos en castelán.

• Festival de Cannes 2009: Mellor actriz (Charlotte Gainsbourg)
• Festival de Toronto 2009: Sección oficial
• Festival de Nova York 2009: Sección oficial
• Festival de Chicago 2009: Sección oficial

Web oficial (español): http://www.golem.es/antichrist
Web oficial (inglés): http://www.antichristthemovie.com

Unha parella sumida na dor retírase a unha cabana perdida no medio do bosque coa esperanza de que o contacto coa natureza cure os seus corazóns rotos e o seu cambaleante matrimonio. Mais a natureza segue o seu curso e as cousas comeza a ir de mal en peor.


ATENCIÓN, CAMBIO DE DATA: Xoves 19 de novembro de 2009 • Cinebox Ourense, 20.30 e 23 h
Despedidas
Okuribito. Xapón, 2008. Cor, 131 min. Dirección: Yôjirô Takita • Produción: Toshiaki Nakazawa, Toshihisa Watai (ContentFilm International, Shochiku Company, Departures Film Partners) • Guión: Kundo Koyama • Fotografía: Takeshi Hamada • Montaxe: Akimasa Kawashima • Música: Joe Hisaishi • Interpretación: Masahiro Motoki (Daigo Kobayashi), Ryoko Hirosue (Mika Kobayashi), Tsutomu Yamazaki (Shouei Sasaki), Tetta Sugimoto, Kimiko Yo (Yuriko), Takashi Sasano (Shokichi), Kazuko Yoshiyuki (Tsuyako) • Estrea no Xapón: 13/9/2008 • Estrea en España: 3/7/2009. Versión orixinal en xaponés con subtítulos en castelán.

• Oscar 2009 ao mellor filme de fala non inglesa
• Premios do Cinema Asiático 2009: Mellor actor (Masahiro Motoki)
• Premios da Academia Xaponesa do Cinema 2009: Mellor actor (Masahiro Motoki), Mellor fotografía (Takeshi Hamada), Mellor director (Yôjirô Takita), Mellor montaxe (Akimasa Kawashima), Mellor filme, Mellor iluminación (Hitoshi Takaya), Mellor guión (Kundo Koyama), Mellor son (Satoshi Ozaki, Osamu Onodera), Mellor actor secundario (Tsutomu Yamazaki), Mellor actriz secundaria (Kimiko Yo)
• Festival Mundial de Montreal 2008: Gran Premio das Américas

Web oficial (español): http://www.golem.es/despedidas
Web oficial (inglés): http://www.departures-themovie.com

Daigo Kobayashi, violonchelista dunha orquestra que se acaba de disolver, acaba vagando polas rúas sen traballo e sen demasiada esperanza. Por iso, decide regresar á súa cidade natal en compañía da súa esposa. Alí consegue un emprego como enterrador: limpa os corpos, colócaos no seu ataúde e envíaos ao outro mundo da mellor forma posíbel. Aínda que a súa esposa e os seus veciños ven con desagrado este posto, Daigo descubrirá neste ritual de morte a chispa vital que lle faltaba á súa propia vida.


• Mércores 25 de novembro de 2009 • Cinebox Ourense, 20.30 e 23 h
Control
Control. Reino Unido, 2007. Branco e negro, 122 min. Dirección: Anton Corbijn • Produción: Orian Williams, Anton Corbijn, Todd Eckert (NorthSee, Becker Films International) • Guión: Matt Greenhalgh, segundo a novela autobiográfica ‘Touching from a distance’, de Deborah Curtis • Fotografía: Martin Ruhe • Montaxe: Andrew Hulme • Música: Joy Division, New Order • Intérpretes: Sam Riley (Ian Curtis), Samantha Morton (Deborah Curtis), Alexandra Maria Lara (Annik Honoré), Joe Anderson (Peter Hook), James Anthony Pearson (Bernard Sumner), Toby Kebbell (Rob Gretton), Craig Parkinson (Tony Wilson), Harry Treadaway (Stephen Morris), Richard Bremmer (Kevin) • Estrea no Reino Unido: 5/10/2007 • Estrea en España: 8 Abril 2009. Versión orixinal en inglés con subtítulos en castelán.

• Festival de Cannes 2007: Mención Especial Caméra d’Or, Premio Label Europa Cinemas, Premio Regards Jeune
• Premios BAFTA 2008: Premio Carl Foreman (Matt Greenhalgh)
• Festival de Bratislava 2007: Mellor actor (Sam Riley)
• Premios do Cinema Independente Británico 2007: Mellor filme independente, Mellor director, Mellor actor ou actriz secundario (Toby Kebbell), Mellor debutante: Sam Riley, Premio Douglas Hickox (Anton Corbijn)
• Festival de Chicago 2007: Mellor actor (Sam Riley), Mellor guión (Matt Greenhalgh)
• Festival de Edimburgo 2007: Mellor interpretación británica (Sam Riley), Mellor novo filme británico
• Festival de Hamburgo 2007: Premio da Crítica
• Festival de Melbourne 2007: Premio do Público

Web oficial (español): http://www.avalonproductions.es/control
Web oficial (inglés): http://www.controlthemovie.com

Un percorrido polos últimos anos de Ian Curtis, o enigmático cantante líder da banda Joy Division (icono do post-punk inglés), até chegar ao seu tráxico suicidio en 1980: o conflito entre o grande amor que sente pola súa esposa e unha apaixonada relación coa súa amante; os seus ataques de epilepsia, que cada vez o deixan máis deteriorado; o seu incríbel talento e as súas impresionantes actuacións en directo.

29/09/09

‘Vals con Bashir’, nas Xornadas de Banda Deseñada

Dentro do programa das XXI Xornadas de Banda Deseñada de Ourense desenvólvese un ano máis a sección «Cinema e BD», dedicada á proxección en 35mm de filmes relacionados coa banda deseñada internacional, en estrea na cidade. Novamente, en colaboración co Cineclube Padre Feijoo e a Federación de Cineclubes de Galicia.
Así, nesta ocasión, o mércores 7 de outubro, ás 20.30 e 23 h proxectarase Vals con Bashir (Ari Folman, 2008). Trátase dun filme de animación sobre base documental, cuxo proxecto conta tamén cunha versión en cómic (asinada por Ari Folman e David Polonsky e editada en España por
Salamandra). O filme Vals con Bashir foi presentado en Cannes 2008 e premiado no Festival de Xixón 2008; obtivo ademais o Globo de Ouro ao mellor filme de fala non inglesa e foi nomeado ao Oscar nesa mesma categoría.
As sesións serán no Cinebox Ourense (Centro Comercial Ponte Vella), con entrada única de 3 euros.

• Mércores 7 de outubro, 20.30 e 23 h: Vals con Bashir


Unha noite nun bar, un vello amigo conta ao director Ari que ten un pesadelo recorrente en que o perseguen 26 cans. Cada noite, o mesmo número de animais. Os dous homes chegan á conclusión de que ten que ver cunha misión que realizaron para o exército israelí durante a primeira guerra co Líbano a principios dos anos oitenta. Ari sorpréndese ante o feito de que non lembre nada dese período da súa vida. Intrigado, decide ver e falar con vellos amigos e antigos compañeiros dispersados polo mundo enteiro. Necesita saber a verdade acerca dese período e de si mesmo. Ari escarva cada vez máis e as súas lembranzas comezan a reaparecer mediante imaxes surrealistas...

Vals Im Bashir/Waltz with Bashir.
Israel/Francia/Alemaña, 2008. Cor, 90 min. Dirección e guión: Ari Folman • Produción: Ari Folman, Yael Nahlieli, Serge Lalou, Gerhard Meixner, Roman Paul (Bridgit Folman Film Gang, Les Films d’Ici, Razor Film, Arte France) • Dirección artística: David Polonsky • Montaxe: Nili Feller • Música: Max Richter • Voces: Ori Sivan, Ronny Dayag, Shmuel Frenkel, Profesor Zahava Solomon, Ron Ben-Yishai, Dror Harazi, Miki Leon (Boaz Rein-Buskila), Yehezkel Lazarov (Carmi Cna’an) • Estrea en Israel: 12/6/2008; estrea en España: 20/2/2009. Versión orixinal en hebreo, alemán, inglés e árabe con subtítulos en castelán.
http://www.golem.es/valsconbashir/
http://www.waltzwithbashir.com/
Festival de Cannes 2008: Sección oficial
Festival de Xixón 2008: Mellor Longametraxe Xurado Novo
Globo de Ouro ao mellor filme de fala non inglesa
Nomeado ao Oscar ao mellor filme de fala non inglesa

10/08/09

Cinema ao Aire Libre

O CINECLUBE PRESENTA TRES CICLOS DE CINEMA GALEGO AO AIRE LIBRE

O Cineclube Padre Feijoo programou para este verán tres ciclos de cinema galego, achegados pola
Axencia Audiovisual Galega, dentro do seu programa «Cinemas Dixitais».
Os filmes serán proxectados ao aire libre, na praza de San Marcial (detrás do Museo Arqueolóxico Provincial de Ourense). En caso de existiren problemas climatolóxicos ou técnicos, as proxeccións realizaranse na Tetería-Bar Grándola, sita na mesma praza.
Os ciclos están organizados do seguinte xeito: a semana do 11 ao 14 de agosto, «Danza e vídeo experimental galego»; a semana do 18 ao 20 de agosto, «A guerra civil en Galicia»; e, por último, a semana do 25 ao 28 de agosto, «Curtas galegas en dúas dimensións».
Este é o calendario de proxeccións previstas:

11.08.2009 — Batea (1999), 22:00 h
12.08.2009 — Código (1988), 22:00 h
13.08.2009 — Danza na terra (2006), 22:00 h
14.08.2009 — Dous (2001), 22:00 h
14.08.2009 — Estiven en Galicia e lembreime de ti (2006), 20:00 h e 21:00
14.08.2009 — Katiuska (Os Corpos Agrícolas) (2006), 22:10 h
14.08.2009 — Tirapuxa (1996), 20:30 e 21:30 h
18.08.2009 — Alma esquecida (2006), 22:00 h
19.08.2009 — Cores (2007), 22:00 h
19.08.2009 — Ribadeo. 1936 (2007), 22:00 h
20.08.2009 — Minas (2003), 22:00 h
25.08.2009 — A flor máis grande do mundo (2006), 21:30 h
26.08.2009 — Alegrías de Puerta Tierra (1994), 21:30 h
26.08.2009 — Cuaderno de bitácora (1997), 21:34 h
27.08.2009 — Leo (2007), 21:30 h
28.08.2009 — Minotauromaquia (2004), 21:30 h

Para o mes de setembro, o Cineclube está a preparar unha semana sobre cinema documental.

28/04/09

‘La clase’

Esta é a nota de prensa enviada hoxe aos medios (se queres recibir información sobre as actividades do Cineclube, únete ao grupo de correo en http://groups.google.es/group/cineclubepf)

‘LA CLASE’, PALMA DE OURO EN CANNES,
FINALIZA O CICLO DE ESTREAS EN VERSIÓN ORIXINAL

Mañá, mércores 29 de abril, o Cineclube Padre Feijoo e mais Cinebox Ourense presentan o filme francés La clase (Entre les murs), do director Laurent Cantet, que gañou a Palma de Ouro no Festival de Cannes de 2008. Os pases serán ás 20.30 e ás 23.00 horas, e terán lugar no Cinebox Ourense, no Centro Comercial Ponte Vella; as entradas serán de 4,00 euros (3,00 euros no caso de estudantes con carné universitario).
O filme está incluído no sexto ciclo «Estreas en Versión Orixinal», subtitulado nesta ocasión «Cinema actual». Para o ciclo cóntase coa colaboración da Federación de Cineclubes de Galicia, apoiada pola Dirección Xeral de Comunicación Audiovisual da Xunta de Galicia, e mais da Vicerreitoría do Campus de Ourense da Universidade de Vigo.
La clase está baseado no libro homónimo —publicado por El Aleph en castelán e por Edicións Xerais en galego— de François Bégaudeau, que se interpreta a si mesmo na pantalla, co que, sendo un filme de ficción, mestura de forma maxistral o ton de documental.
O filme conta como François e os demais profesores se preparan para se enfrontar a un novo curso nun instituto situado nun barrio conflitivo. Cheos de boas intencións, desexosos de achegar a mellor educación aos seus alumnos, ármanse contra o desalento. Mais as culturas e as actitudes enfróntanse na aula, microcosmos da Francia contemporánea. A tremenda franqueza de François sorprende os seus alumnos, mais o seu estrito sentido da ética cambaléase cando os rapaces comezan a non aceptar os seus métodos.

21/04/09

‘Bienvenidos al Norte’

Esta é a nota de prensa enviada hoxe aos medios (se queres recibir información sobre as actividades do Cineclube, únete ao grupo de correo en http://groups.google.es/group/cineclubepf)

‘BIENVENIDOS AL NORTE’, UN DOS GRANDES ÉXITOS EUROPEOS,
NO CICLO DE ESTREAS EN VERSIÓN ORIXINAL


Mañá, mércores 22 de abril, o Cineclube Padre Feijoo e mais Cinebox Ourense presentan o filme francés Bienvenidos al Norte (Bienvenue chez les Ch’tis), do director Dany Boon, unha comedia que constitúe un dos maiores éxitos cinematográficos das últimas temporadas en Francia e en media Europa. Os pases, que nesta ocasión serán excepcionalmente tres, ás 18.00, 20.30 e 23.00 horas, terán lugar no Cinebox Ourense, no Centro Comercial Ponte Vella; as entradas serán de 4,00 euros (3,00 euros no caso de estudantes con carné universitario).
O filme está incluído no sexto ciclo «Estreas en Versión Orixinal», subtitulado nesta ocasión «Cinema actual». Para o ciclo cóntase coa colaboración da Federación de Cineclubes de Galicia, apoiada pola Dirección Xeral de Comunicación Audiovisual da Xunta de Galicia, e mais da Vicerreitoría do Campus de Ourense da Universidade de Vigo.
Bienvenidos al Norte conta a historia de Philippe Abrams, o encargado dunha oficina de correos na cidade de Salon-de-Provence, ao sur de Francia. Julie, a súa muller, padece episodios depresivos que converten a vida de Philippe nun verdadeiro inferno. Nun intento de animala, Philippe fai trampas para que o trasladen á Riviera francesa, mais é descuberto e enviado a unha pequena cidade no norte de Francia chamada Bergues. Os Abrams son o arquetipo da xente do sur que sente horror polo norte do país, un lugar inhóspito onde sempre vai frío, e que ten un dialecto arrevesado e incomprensíbel. Así que Philippe irá só ao seu destino.
Con este filme, o director Dany Boom pretende recuperar o cinema popular de calidade (el defíne Bienvenidos al Norte como «unha película popular de autor»), emulando grandes nomes da tradición fílmica francesa, como Jacques Tati.

14/04/09

‘Asfixia’

Esta é a nota de prensa enviada hoxe aos medios (se queres recibir información sobre as actividades do Cineclube, únete ao grupo de correo en http://groups.google.es/group/cineclubepf)

‘ASFIXIA’, UNHA COMEDIA PROVOCATIVA
NO CICLO DE ESTREAS EN VERSIÓN ORIXINAL


Mañá, mércores 15 de abril, o Cineclube Padre Feijoo e mais Cinebox Ourense presentan o filme Asfixia (Choke), do director Clark Gregg, gañador do Premio Especial do Xurado en Sundance 2008. Os pases, ás 20.30 e 23.00 horas, terán lugar no Cinebox Ourense, no Centro Comercial Ponte Vella; as entradas serán de 4,00 euros (3,00 euros no caso de estudantes con carné universitario).
O filme está incluído no sexto ciclo «Estreas en Versión Orixinal», subtitulado nesta ocasión «Cinema actual». Para o ciclo cóntase coa colaboración da Federación de Cineclubes de Galicia, apoiada pola Dirección Xeral de Comunicación Audiovisual da Xunta de Galicia, e mais da Vicerreitoría do Campus de Ourense da Universidade de Vigo.
Asfixia, baseada na novela homónima de Chuck Palahniuk, o polémico autor de obras como O club da loita (tamén levada ao cinema), foi definida pola crítica con frases como «comedia satírica-psicótica dunha mente luxuriosa», ou «groseira, irreverente, obscena, mais por riba de todo hilarante». O protagonista, Victor, dedícase a estafar a xente para sufragar o caro tratamento médico da súa nai. O seu traballo diario é representar o papel dun miserábel campesiño do século XVIII nun parque temático de carácter histórico, mentres está tratando de se recuperar da súa adicción ao sexo. Mais cando a súa nai, cada vez máis débil, insinúa poder revelar a identidade secreta do seu perdido pai, Victor recobra a esperanza de encontrar finalmente as respostas que estivo a buscar.
O Premio do Xurado no Festival de Sundance destacou o labor colectivo do equipo de actores do filme —en que, ademais de Sam Rockwell como protagonista, se conta con Anjelica Houston no papel da súa nai—. A película foi tamén escollida para inaugurar a edición de 2008 do Festival de Xixón, sempre caracterizado pola súa aposta polos filmes independentes máis innovadores.

31/03/09

‘Estômago’

Esta é a nota de prensa enviada hoxe aos medios (se queres recibir información sobre as actividades do Cineclube, únete ao grupo de correo en http://groups.google.es/group/cineclubepf)

‘ESTÔMAGO’, CINEMA BRASILEIRO
NO CICLO DE ESTREAS EN VERSIÓN ORIXINAL


Mañá, mércores 1 de abril, o Cineclube Padre Feijoo e mais Cinebox Ourense presentan o filme Estômago, do brasileiro Marcos Jorge, gañador da Espiga de Ouro da Seminci de Valladolid 2008. Os pases, ás 20.30 e 23.00 horas, terán lugar no Cinebox Ourense, no Centro Comercial Ponte Vella; as entradas serán de 4,00 euros (3,00 euros no caso de estudantes con carné universitario).
O filme está incluído no sexto ciclo «Estreas en Versión Orixinal», subtitulado nesta ocasión «Cinema actual». Para o ciclo cóntase coa colaboración da Federación de Cineclubes de Galicia, apoiada pola Dirección Xeral de Comunicación Audiovisual da Xunta de Galicia, e mais da Vicerreitoría do Campus de Ourense da Universidade de Vigo.
Estômago conta a historia dun home, Raimundo Nonato, que chega á gran cidade coa esperanza de conseguir unha vida que lle permita comer e cear cada día. Consegue traballo nun bar, e alí descobre o seu talento innato para a cociña e transforma o lugar nun local de éxito. Giovanni, dono dun coñecido restaurante italiano, intúe os dotes de cociñeiro de Nonato e contrátao como axudante de cociña. A vida de Nonato muda e comeza a se afirmar socialmente: unha casa, roupa, novas relacións e, sobre todo, o amor dunha muller, Íria, unha prostituta de bo apetito, coa cal estabelece unha ancestral relación de sexo en troco de comida.
O filme estivo na sección oficial do Festival de Berlín 2008, e conseguiu numerosos galardóns internacionais, como os do Festival de Rotterdam, os do de Punta del Este ou os do do Rio de Janeiro.

27/03/09

Estreas en V. O. 6: «Cinema actual»

Esta é a nota de prensa enviada hoxe aos medios (se queres recibir información sobre as actividades do Cineclube, únete ao grupo de correo en http://groups.google.es/group/cineclubepf)


O CINECLUBE PADRE FEIJOO E MAIS CINEBOX OURENSE
PROXECTARÁN CATRO FILMES DE ESTREA EN ABRIL

A programación do ciclo «Estreas en Versión Orixinal» para o mes abril, que presentan o Cineclube Padre Feijoo e Cinebox Ourense, vén precedida do éxito do ciclo correspondente ao mes de marzo. Se a asistencia de público é sempre moi notábel nas sesións organizadas conxuntamente polas dúas entidades, a do ciclo «Aquí e agora» marcou un novo punto de referencia, ao ter atraído 634 espectadores (máis de 100 de media por cada sesión).
O novo ciclo para abril, titulado «Cinema actual», está composto por outros catro títulos non menos atractivos: tres comedias e un drama. En todos os casos, como é habitual, filmes que se proxectan en versión orixinal con subtítulos en castelán. Para o ciclo cóntase, máis unha vez, co apoio da Federación de Cineclubes de Galicia, da Dirección Xeral de Comunicación Audiovisual da Xunta de Galicia e da Vicerreitoría do Campus de Ourense.
O primeiro dos filmes, previsto para o mércores 1 de abril, é o filme brasileiro Estômago, de Marcos Jorge, gañador de multitude de premios, entre os que están catro na Seminci de Valladolid 2008, incluído o máximo galardón, a Espiga de Ouro. O segundo será proxectado o 15 de abril: Asfixia (Choke), adaptación da novela do sempre polémico Chuck Palahniuk —o autor de O club da loita, tamén levada ao cinema—, dirixida neste caso por Clark Gregg; o filme conseguiu o Premio especial do xurado no Festival de Sundance 2008. O terceiro título, que se proxectará o 22 de abril, é Bienvenidos al Norte (Bienvenue chez les Ch’tis), de Dany Boon, o último grande éxito do cinema europeo, que recupera con acerto o cinema popular francés de nomes como Jacques Tati. Pechará o ciclo, o 29 de abril, o filme La clase (Entre les murs), dirixido polo prestixioso Laurent Cantet e gañador da Palma de Ouro en Cannes 2008.
Unha nova oportunidade, en fin, de gozar co cinema máis prestixioso en pantalla grande e en versión orixinal.

Ciclo Estreas en Versión Orixinal 6
Cinema actual


01-04-09 Estômago
15-04-09 Asfixia
22-04-09 Bienvenidos al Norte
29-04-09
La clase


Ciclo Estreas en Versión Orixinal 6: Cinema actual
Abril 2009
Cinebox Ourense
Entrada: 4 euros (3 euros con carné universitario)
Versión Orixinal Subtitulada

Co apoio de:
Federación de Cineclubes de Galicia
Dirección Xeral de Comunicación Audiovisual – Xunta de Galicia
Vicerreitoría do Campus de Ourense


• Mércores 1 de abril de 2009 • Cinebox Ourense, 20.30 e 23 h
Estômago
Estômago. Brasil/Italia, 2007. Cor, 112 min. Dirección: Marcos Jorge • Produción: Cláudia da Natividade, Fabrizio Donvito, Marco Cohen, Gabriele Muccino (Zencrane Filmes, Indiana Production Company) • Guión: Lusa Silvestre, Marcos Jorge, Cláudia da Natividade, Fabrizio Donvito, segundo un argumento de Lusa Silvestre e Marcos Jorge • Fotografía: Toca Seabra • Montaxe: Luca Alverdi • Música: Giovanni Venosta • Intérpretes: João Miguel (Raimundo Nonato), Fabiula Nascimento (Íria), Carlo Briani (Giovanni), Babu Santana (Bujiú), Zeca Cenovicz (Zulmiro), Paulo Miklos (Etcétera), Jean Pierre Noher (Duque), Alexander Sil (Lino), Marcel Szymanski (Valtão), Syd Correa (Boquenga), Rodrigo Ferrarini (Magrão) • Estrea no Brasil: 11/4/2008 • Estrea en España: 19 /12/2008. Versión orixinal en portugués con subtítulos en castelán.

• Festival Internacional do Rio de Janeiro 2007: Premio do público ao mellor filme, Premio Première Brasil ao mellor actor (João Miguel), Premio Première Brasil ao mellor director, Premio Especial do Xurado (Babu Santana)
• Festival de Cinema Latinoamericano de Biarritz 2008: Premio especial do xurado
• Premios Contigo Cinema 2008: Premio á mellor actriz secundaria (Fabiula Nascimento)
• Festival de Raindance 2008: Mellor longametraxe internacional
• Festival Internacional do Uruguai 2008: Mellor filme latinoamericano
• Festival de Punta del Este 2008: Mellor filme, Mención especial ao mellor actor (João Miguel)
• Festival de Berlín 2008: sección oficial
• Festival de Rotterdam 2008: Lions Award
• Seminci de Valladolid 2008: Espiga de Ouro ao mellor filme, Mellor novo director, Mellor actor (João Miguel), Premio da xuventude

Web oficial (portugués):
http://www.estomagoofilme.com.br/

Raimundo Nonato chega á gran cidade coa esperanza de conseguir unha vida que lle permita comer e cear cada día. Consegue traballo nun bar, e alí descobre o seu talento innato para a cociña e transforma o lugar nun local de éxito. Giovanni, dono dun coñecido restaurante italiano, intúe os dotes de cociñeiro de Nonato e contrátao como axudante de cociña. A vida de Nonato muda e comeza a se afirmar socialmente: unha casa, roupa, novas relacións e, sobre todo, o amor dunha muller, Íria, unha prostituta de bo apetito, coa cal estabelece unha ancestral relación de sexo en troco de comida.


• Mércores 15 de abril de 2009 • Cinebox Ourense, 20.30 e 23 h
Asfixia
Choke. EUA, 2008. Cor, 92 min • Dirección: Clark Gregg • Produción: Beau Flynn, Tripp Vinson, Johnathan Dorfman, Temple Fennell (ATO Pictures, Aramid Entertainment Fund, Choke Film, Contrafilm) • Guión: Clark Gregg, segundo a novela de Chuck Palahniuk • Fotografía: Tim Orr • Montaxe: Joe Klotz • Música: Nathan Larson • Intérpretes: Sam Rockwell (Victor Mancini), Anjelica Huston (Ida Mancini), Kelly Macdonald (Paige), Brad William Henke (Denny), Jonah Bobo (Victor Mancini mozo), Bijou Phillips (Ursula), Gillian Jacobs (Cherry/Beth), Clark Gregg (lord High Charlie) • Estrea en EUA: 26/9/2008 • Estrea en España: 21/1/2008. Versión orixinal en inglés con subtítulos en castelán.

• Festival de Sundance 2008: Premio especial do xurado ao reparto (Sam Rockwell, Anjelica Huston, Kelly Macdonald, Brad William Henke)
• Festival de Xixón 2008: sesión inaugural

Web oficial (español):
www.asfixialapelicula.es
Web oficial (inglés): www.foxsearchlight.com/choke

Victor dedícase a estafar a xente para sufragar o caro tratamento médico da súa nai. O seu traballo diario é representar o papel dun miserábel campesiño do século XVIII nun parque temático de carácter histórico, mentres está tratando de se recuperar da súa adicción ao sexo. Mais cando a súa nai, cada vez máis débil, insinúa poder revelar a identidade secreta do seu perdido pai, Victor recobra a esperanza de encontrar finalmente as respostas que estivo a buscar.

• Mércores 22 de abril de 2009 • Cinebox Ourense, 18, 20.30 e 23 h (tripla sesión)
Bienvenidos al norte
Bienvenue chez les Ch’tis. Francia, 2008. Cor, 106 min • Dirección: Dany Boon • Produción: Claude Berri, Jérôme Seydoux (Hirsch, Pathé, TF1 Films Production, Les Productions du Ch'timi, CRRAV Nord-Pas de Calais) • Guión: Dany Boon, Alexandre Charlot, Franck Magnier, segundo un argumento de Dany Boon • Fotografía: Pierre Aïm • Montaxe: Luc Barnier, Julie Delord • Música: Philippe Rombi • Intérpretes: Kad Merad (Philippe Abrams), Dany Boon (Antoine Bailleul), Zoé Félix (Julie Abrams), Anne Marivin (Annabelle Deconninck), Philippe Duquesne (Fabrice Canoli), Guy Lecluyse (Yann Vandernoout), Zinedine Soualem (Momo), Jérôme Commandeur (inspector Lebic), Stéphane Freiss (Jean), Line Renaud (Sra. Bailleul), Michel Galabru • Estrea en Francia: 27/2/2008 • Estrea en España: 9/1/2009 • Versión orixinal en francés con subtítulos en castelán.

• Premios César: nomeado ao mellor guión orixinal
• Premios do Cinema Europeo: nomeado ao premio do público

Web oficial (francés):
http://www.chtinn.com/

Philippe Abrams é o encargado dunha oficina de correos na preciosa cidade de Salon-de-Provence, ao sur de Francia. Julie, a súa muller, padece episodios depresivos que converten a vida de Philippe nun verdadeiro inferno. Nun intento de animala, Philippe fai trampas para que o trasladen á Riviera francesa, mais é descuberto e enviado a unha pequena cidade no norte de Francia chamada Bergues. Os Abrams son o arquetipo da xente do sur que sente horror polo norte do país, un lugar inhóspito onde sempre vai frío, e que ten un dialecto arrevesado e incomprensíbel. Así que Philippe irá só ao seu destino.


• Mércores 29 de abril de 2009 • Cinebox Ourense, 20.30 e 23 h
La clase
Entre les murs. Francia, 2008. Cor, 128 min • Dirección: Laurent Cantet • Produción: Carole Scotta, Caroline Benjo, Barbara Letellier, Simon Arnal (Haut Et Court, France 2 Cinéma) •
Guión: Laurent Cantet, François Bégaudeau, Robin Campillo, segundo a novela de François Bégaudeau • Fotografía: Pierre Milon, Catherine Pujol, Georgi Lazarevski • Montaxe: Robin Campillo, Stéphanie Léger • Intérpretes: François Bégaudeau (François), Vincent Caire (Vincent), Olivier Dupeyron (Olivier), Patrick Dureuil (Patrick), Frédéric Faujas (Fred), Laura Baquela (Laura), Juliette Demaille (Juliette), Dalla Doucoure (Dalla), Esméralda Ouertani (Sandra), Franck Keïta (Souleymane), Wei Huang (Wei) • Estrea en Francia: 24/9/2008 • Estrea en España: 16/1/2009. Versión orixinal en francés con subtítulos en castelán.

• Festival de Cannes 2008: Palma de Ouro
• Festival de San Sebastián 2008: Sección Zabaltegi
• Oscars 2009: Nomeado como Mellor filme de fala non inglesa
• Premios Independent Spirit 2009: Mellor filme estranxeiro
• Premios Image 2009: Mellor filme estranxeiro
• Premios César 2009: Mellor guión adaptado
• Premios Lumière 2009: Mellor filme, Premio do público internacional

Web oficial (francés):
http://entrelesmurs-lefilm.fr/site/
Web oficial (español):
http://www.golem.es/laclase

François e os demais profesores prepáranse para se enfrontar a un novo curso nun instituto situado nun barrio conflitivo. Cheos de boas intencións, desexosos de achegar a mellor educación aos seus alumnos, ármanse contra o desalento. Mais as culturas e as actitudes enfróntanse na aula, microcosmos da Francia contemporánea. A tremenda franqueza de François sorprende os seus alumnos, mais o seu estrito sentido da ética cambaléase cando os rapaces comezan a non aceptar os seus métodos.

24/03/09

‘Los limoneros’

Esta é a nota de prensa enviada hoxe aos medios (se queres recibir información sobre as actividades do Cineclube, únete ao grupo de correo en http://groups.google.es/group/cineclubepf)

‘LOS LIMONEROS’, NO CICLO DE ESTREAS EN VERSIÓN ORIXINAL

Mañá, mércores 25 de marzo, o Cineclube Padre Feijoo e mais Cinebox Ourense presentan o filme israelí Los limoneros (Etz limon), de Eran Riklis, gañador do Premio do Público no Festival de Berlín 2008. Os pases, ás 20.30 e 23.00 horas, terán lugar no Cinebox Ourense, no Centro Comercial Ponte Vella; as entradas serán de 4,00 euros (3,00 euros no caso de estudantes con carné universitario).
O filme está incluído no quinto ciclo «Estreas en Versión Orixinal», subtitulado nesta ocasión «Aquí e agora». Para o ciclo cóntase coa colaboración da Federación de Cineclubes de Galicia, apoiada pola Dirección Xeral de Comunicación Audiovisual da Xunta de Galicia, e mais da Vicerreitoría do Campus de Ourense da Universidade de Vigo.
Película israelí crítica coa política do seu propio país, Los limoneros conta como Salma, unha viúva palestina, decide librar unha batalla contra o ministro de Defensa de Israel, cuxa casa linda co seu campo de limoeiros, na fronteira entre Israel e os Territorios Ocupados. A policía non tarda en decretar que as árbores de Salma representan unha auténtica ameaza para o ministro de Defensa e a súa familia, e ordena que se corten. Mais Salma decide loitar para salvar as súas árbores e a súa vida.
O diario Le Monde dicía ao respecto deste filme: «O director Eran Riklis realiza unha reflexión política e dá unha lección de humanismo a partir dunha ilustración metafórica da difícil convivencia entre israelís e palestinos».
Con este filme conclúe o quinto ciclo de Estreas en Versión Orixinal, mais a próxima semana comezará o ciclo número seis, coa película brasileira Estômago.