12/10/22

Programación de outubro a decembro de 2022

Filmoteca CGAI

Comedias de outono

VII Ciclo Colexio de médicos

Cine de outono en Ribadavia

Sesións extraordinarias + >[Abre outra xanela]


Como mostrar e facer comprensible o sentido tráxico da grotesca realidade? Acaso a realidade en xeral é tan grotesca que nin Valle-Inclán foi quen de imaxinala?

A programación coa que rematamos o ano retrata algunha realidade en clave de comedia, sen que por iso poidamos negar o absurdo, o ridículo ou a traxedia. Mesturamos o esbozo da risada coa escuridade dos curtos días de outono, con filmes luminosos, melodías e alimentos que levar ao abeiradoiro que nos protexa dos tambores de guerra e da escuridade da vella Auria que nos desgoberna.

Enfrontamos a escuridade invernal coa sublime luz da Filmoteca de Galicia, destacando unha retrospectiva de Helke Misselwitz e as sesións fulgorosas de Charles Chaplin, Buster Keaton e Alberto Vázquez.

Por último, non esquezan as dúas ultimas citas co ciclo do Colexio de Médicos e o Ciclo de Outono en Ribadavia, no que incluímos a versión orixinal (subtitulada) de Alcarrás; o último Oso de Ouro da Berlinale.




«out-dec 2022»· cartel realizado por Gael Carballo (cineclupePF)


Na canle de «You Tube» tedes o avance visual [.mp4 • 20'7 MB], que resume a programación destes dous meses e medio.

Antes do detalle da programación, lembramos que tedes á vosa disposición as follas de sala de cada proxección no seguinte enlace [Abre outra xanela].


Comedias de outono 2022

Durante os mércores de outubro a decembro de 2022 proxectaremos o ciclo comedias de outono que a continuación detallamos; lembrando, que podedes consultar e descargar as follas de sala, aquí [Abre outra xanela]

Luns de filmoteca de outubro a decembro de 2022

Grazas á colaboración coa Axencia galega de industrias culturais (AGADIC); dentro da programación descentralizada da Filmoteca de Galicia - CGAI, detallamos a continuación os filmes que proxectaremos entre outubro e decembro de 2022, no salón de actos da Casa de Cultura (Rúa Concello núm. 11 de Ourense).

Podes consultar e descargar as follas de sala, aquí
[Abre outra xanela]


X Miradas etnográficas. A terra que habitamos. Cine de outono en Ribadavia

No lonxano 2286 o señor Spock será o responsable de rescatar planeta das perturbacións que o alteran. A clave para estabilizalo será o canto das baleas, unha especie extinta séculos atrás. Para iso, embarcará na nave intergaláctica Enterprise rumbo ao San Francisco do ano 1986 cunha misión: salvar a terra.

A cuarta entrega Star Trek, dirixida polo propio Leonard Nimoy -o actor tras o entrañable Spock- en 1986, xa alertaba sobre os perigos que axexaban ao planeta. Estes foron en aumento a tal punto que, hoxe en día, os gobernos de medio mundo inclúen entre os seus programas "protocolos", "plans de acción" "alianzas estratéxicas" e outro tipo de analoxías para preservar os recursos da terra perante o irreversible cambio climático.

As voces da ciencia, da filosofía ou da socioloxía moderna urxen un cambio no pacto social. Avanzar cara a sociedades más xustas que garantan un reparto equitativo dos recursos. O cine, porén, só pode falar a través das imaxes en movemento. E iso é o que nos ofrece este ciclo de películas, que se celebra por décimo outono no Museo Etnolóxico de Ribadavia: catro 'miradas' sobre o noso planeta, a nosa relación con el e a que mantemos con nós mesmos.

Como será a vida en 2286? O certo é que en 2022 andamos enleados en guerras, que só fan ilustrar o noso fracaso.


Encomendémonos á misión do señor Spock.

28/06/22

XI Marxes fílmicas: Vietnam

A crúa guerra vivida en Vietnam no século pasado foi motivo de guión e argumento para moitas cintas. Se hai un título que a todo o mundo lle vén á cabeza nese sentido, é a inesquecible «Apocalypse Now» (Francis Ford Coppola, 1979), rodada porén en Filipinas. Ademais, outras moi famosas foron «Good Morning Vietnam» (Barry Levinson, 1987), «A chaqueta metálica» (Stanley Kubrick, 1987) ou «O cazador» (Michael Cimino, 1978). Con todo, pouco máis se sabe da historia deste país, onde sempre se contaron os relatos desde os ollos occidentais e que pouco a pouco foi quen de gañarse un oco na sétima arte asiática.

Algunhas das mellores películas dos últimos anos son as seguintes, e agardamos se aventuren connosco nesta viaxe ao sueste asiático desde o patio do Museo Etnolóxico de Ribadavia.




«MF:Vietnam-2022»· cartel realizado por Manuel P. Barbeito (cineclupePF)


Os filmes proxéctanse na segunda e terceira semana do mes de xullo, luns e martes, os días 4, 5, 11 e 12 de xullo do 2022 nunha única sesión, ás 22:00 h., en VOSE (acceso de balde); no patio do de



25/05/22

Programación maio - xuño de 2022

Filmoteca CGAI

Primavera Musical

VII Ciclo do colexio de médicos

Sesións extraordinarias + >[Abre outra xanela]


Tras dous anos complicados (e pandémicos) de ausencia do cine musical nos lugares habituais da música ao vivo da cidade, recuperamos a Primavera musical con cinco filmes en catro escenarios distintos.

Neste tempo de perdas e dificultades lembramos a un amigo da música (e dos músicos) no café Pop Torgal, xunto coa estrea de filmes inéditos, como a evolución da música da escena musical de Berlín, o punk galego e mesmo filmes de culto que dilapidan e profetizan un vendaval de recordos e sensacións.




«PM-2022»· cartel realizado por Gael Carballo (cineclupePF)


"Se ti tes pánico escénico, un ollo clínico
médico, un teste cínico-técnico
Que podes esperar?
Aínda que fose científico
máxico, esotérico, de México
o que quixera é facerche bailar"... (1)
como o adianto en vídeo [.mp4 • 20'7 MB] que anuncia a programación.

Non esquezan o último filme da tempada da filmoteca e as outras interesantes e extraordinarias propostas que se programan na sala do cineclube; aparte desta Primavera musical.
Por último, lembrar que tedes á vosa disposición as follas de sala de cada proxección no seguinte enlace [Abre outra xanela].



Primavera musical 2022


A música e o cine voltan aos bares habituais nos que programan concertos. Cinco filmes en catro escenarios distintos e en VOS (Versión orixinal subtítulada).
Aparte dos habituais luns e mércores na Casa de Cultura de Ourense (rúa Concello 11), hai música (e cine) no Café Pop Torgal, El Pueblo Café cultural e Café cultural Auriense.

14/04/22

Programación de abril e maio 2022

Filmoteca CGAI

Ciclo Naufraxios

VII Ciclo do colexio de médicos


Alá polo 1818, en plena emerxencia cultural francesa pola volta da monarquía, Théodore Géricault pintou "Escena de naufraxio"; un cadro que daquela causou furor. A crítica dicía que «Interpela e atrae todas as miradas». Naturalmente, todos recoñecían a traxedia da Medusa. As opinións dividíronse segundo a tendencia política. Os conservadores sinalaron supostos erros artísticos; o realismo obsceno da escena e o horror que provocaba no espectador, era afastado daquela dos canons da beleza clásica. Os liberais, en cambio, viron na pintura a condena do novo réxime e da súa desidia, a metáfora dun gran naufraxio nacional. A presenza dun mariñeiro negro no centro da composición tamén deixa patente o compromiso do pintor nun momento en que se intensificaba a loita contra a escravitude e trátaa de negros.

Polo seu realismo, dramatismo e teatralidade, o lenzo converteuse no manifesto da pintura romántica, vehículo de paixóns, desesperación e morte. O conde Ou’ Mahony exclamou: «Que espectáculo máis repugnante, pero que obra tan bela!».




«ab-mai-2022»· cartel realizado por Gael Carballo (cineclupePF)


Esta pequena introdución ven a conta dos grandes dramas e historias fermosas que seleccionamos. Todas son belas, interpelan ás emocións e os sentidos, porén teñen a negrura dun realismo case obsceno, e incluso nalgún caso, poden provocar o horror ou a fascinación subversiva dalgunhas das propostas dos luns de Filmoteca (que estreamos de novo coa habitual colaboración co CGAI). Lembren tamén a programación do VII ciclo do colexio de médicos e por favor, non perdan ningunha sesión do ciclo dos naufraxios. A crítica dicía que interpelan á mirada...e a bo seguro non as esquecerán, como a música de Nacho Vegas que xira arredor das imaxes do vídeo [.mp4 • 20'7 MB] que anuncia a programación.

Por último, lembrar que tedes á vosa disposición as follas de sala de cada proxección no seguinte enlace [Abre outra xanela].



Ciclo Naufraxios

Durante os mércores de abril e maio de 2022, proxectaremos co título Naufraxios o ciclo de filmes que a continuación detallamos; lembrando, que podedes consultar e descargar as follas de sala, aquí [Abre outra xanela]

Filmoteca CGAI de abril e maio de 2022

Grazas á colaboración coa Axencia galega de industrias culturais (AGADIC); dentro da programación descentralizada da Filmoteca de Galicia - CGAI, detallamos a continuación os filmes que proxectaremos durante abril e maio de 2022, no salón de actos da Casa de Cultura (Rúa Concello núm. 11 de Ourense).


(Podes consultar e descargar as follas de sala, aquí) [Abre outra xanela]


25/02/22

Programación de marzo e abril de 2022

Ciclo Andrómeda

Filmoteca

Sesións especiais 8M

VII Ciclo do colexio de médicos


Na antiga Grecia o oráculo aconsellou ao rei sacrificar a súa filla. Así Andrómeda foi encadeada nun cantil na beira do mar para ser devorada por un monstro mariño, mais Perseo, o sobriño do rei da cidade de Argos, namorou dela e matou o monstro para liberala... Talvez esta lenda ou mito poida dar razón do nome doutras mulleres que coñecidas como andrómedas son quen de enfrontarse a todo. Talvez poidan as andrómedas aplacar os cantos amargos dos cabalos sagrados profetizando un novo idus de marzo, antes da grande colisión coa galaxia de Andrómeda que cara á vía láctea viaxa coa indesprezable velocidade de 300 km por segundo... En 3000 millóns de anos non sabemos se poderemos anunciar unha programación como a deste mes; cun novo ciclo do Colexio de Médicos, con dúas sesións extraordinarias dentro das actividades arredor do 8M que organiza o Centro de Información Municipal as Mulleres (CIMM) de Ourense, coas habituais sesións de Filmoteca (nas que entre outros interesantes traballos, incluímos un documental sobre buracos negros) e o novo ciclo Andrómeda, con moitas mulleres como protagonistas exclusivas dos filmes programados.




«mar-ab-2022»· cartel realizado por Gael Carballo (cineclupePF)


Como diría Shakespeare na obra Xulio César: coídense dos idus de marzo... e engadimos unha alerta á perigosa adicción que produce o vídeo [.mp4 • 20'7 MB] que anuncia a programación.

Por último, lembrar que tedes á vosa disposición as follas de sala de cada proxección no seguinte enlace [Abre outra xanela].



Ciclo Andrómeda

Durante os mércores de marzo e primeira semana de abril de 2022, proxectaremos co título Andrómeda o ciclo de filmes que a continuación detallamos; lembrando, que podedes consultar e descargar as follas de sala, aquí [Abre outra xanela]



Filmoteca de marzo de 2022

Dentro das habituais sesións de filmoteca dos luns, detallamos a continuación os filmes que proxectaremos durante marzo de 2022, no salón de actos da Casa de Cultura (Rúa Concello núm. 11 de Ourense).


(Podes consultar e descargar as follas de sala, aquí) [Abre outra xanela]


12/01/22

Programación de xaneiro e febreiro de 2022

Ciclo Abisal

Filmoteca

Sesión especial Club alpino ourensán


Existe unha profundidade sen fondo á que a vida se ve arrastrada coma un Maelstrom, en cuxo vórtice podemos abanear o amor, a familia, a amizade, a confianza e mesmo a memoria. Desde esa profundidade, abisal, seleccionamos as historias do ciclo dos mércores; coa esperanza de non obviar os procelosos estados que gobernan a sección de Filmoteca, dedicada principalmente neste caso a recuperar pequenas xoias case esquecidas da URSS (agora que xa pasaron tres décadas da súa desaparición) e a lembrar a interpretación de María Casares, xa que en 2022 cúmprese o centenario do seu nacemento. Tamén, sen pretendelo, homenaxearemos á xenialidade dun director cinéfilo, produtor e historiador, coa maxistral The Last Picture Show, xa contratada previamente á triste desaparición de Peter Bogdanovich o pasado 6 de xaneiro.






«xan-feb 2022»· cartel realizado por Gael Carballo (cineclupePF)


Na canle de «You Tube» tedes o avance visual [.mp4 • 20'7 MB], que resume a programación destes dous meses. Sempre é tempo de lembrar aos/ás bos/boas amigos/as, a música...e ás imaxes inesquecibles que alimentan o corazón.

Por último, lembrar que tedes á vosa disposición as follas de sala de cada proxección no seguinte enlace [Abre outra xanela] e pregamos atención especial; á cita para as persoas socias das asembleas do luns 17 de xaneiro (+info.;aquí) [Abre outra xanela], tamén á sesión especial do xoves 27 de xaneiro e ao horario único (18 h) da última proxección do ciclo do mércores 23 de febreiro.



Ciclo abisal

Durante os mércores de xaneiro e febreiro de 2022, proxectaremos co título Abisal o ciclo de filmes que a continuación detallamos; lembrando, que podedes consultar e descargar as follas de sala, aquí [Abre outra xanela]

Atención ao horario único da proxección do 23 de febreiro (Drive my car), motivado pola duración do filme.



Sesións de filmoteca de xaneiro e febreiro de 2022

Dentro das habituais sesións de filmoteca dos luns, detallamos a continuación os filmes que proxectaremos durante xaneiro e febreiro de 2022, no salón de actos da Casa de Cultura (Rúa Concello núm. 11 de Ourense).


(Podes consultar e descargar as follas de sala, aquí) [Abre outra xanela]