Primavera musical 2026

Sesións extraordinarias [+]

Sesión naxistral de filmoteca

Sesión vermú

Sesión de filmoteca

Sesións de ciclo

Chega a décima edición da Primavera musical aos bares habituais nos que se programan concertos. Aparte da proxección na casa da cultura de Ourense (rúa Concello 11), hai música (e cine) no Café cultural Auriense, El Pueblo café cultural e Café Pop Torgal.

«Primavera musical 2026»· (cineclupePF)

Aquí, podes ver o avance en vídeo da programación musical.
De seguido o detalle da programación, non sen antes lembrar dúas citas previas, extraordinarias e gratuítas; (12 de maio) "Travelling para un arpa" no que colaboramos co Festival Pórtico do Paraíso e (19 de maio) "A terra por gañar" unha proxección conmemorativa dos 50 anos de ADEGA.

Programación de abril a xuño de 2025

Sesións de filmoteca

Sesións de ciclo dos mércores

Primavera musical

X Ciclo Colexio de médicos

Sesión extraordinaria [+]

Sesión especial

Renace a pesar de todo, a natureza e os corazóns das persoas. Mentres as flores agroman nunha especie de oda á renovación, propoñemos varios filmes para festexar con música e ao mesmo tempo rescatamos outras que, gostaríanos chegaran antes. En calquera caso, benvidos ao caos, positivo, que xera a primavera e que agardemos nos renove a todos un pouco.

«Abril-Xuño 2025»·(cineclupePF)

Se vos presta ollar, ver e bailar, temos este avance visual ^{[.mp4 • 24'3 MB]}, e xa sabedes que tamén temos á vosa dispoción, aquí as follas de sala de cada filme.

A continuación o detalle da programación que se estenderá ata primeiros de xuño, co prego da atención ás distintas ubicacións da Primavera musical.

Programación de maio e xuño de 2024

Sesións de filmoteca

Sesións de ciclo dos mércores

Sesións especiais [+]

Sesión vermú

Primavera musical

IX Ciclo Colexio de médicos

Amal en ruta

Case a piques de rematar a primeira tempada do ano e antes de que cheguen as Marxes fílmicas ao patio do Museo etnolóxico de Ribadavia (adicadas este ano a Palestina), presentámosvos o intenso programa que preparamos para celebrar esta primavera, que como ben din os Sonoro maxín, ten que ser nosa.

«Maio 2024»· cartel realizado por Gael Carballo (cineclupePF)

Se vos presta ollar, ver e bailar, temos este avance visual ^{[.mp4 • 24'3 MB]}, e xa sabedes que tamén temos á vosa dispoción, aquí as follas de sala de cada filme.

A continuación o detalle da programación que se estenderá ata primeiros de xuño, co prego de atención do horario das sesións extraordinarias (10, 14 e 17 de maio), á Primavera musical e ao Amal en Ruta.

Primavera musical 2024

Chega a oitava edición da Primavera musical aos bares habituais nos que programan concertos. Aparte da proxección na casa da cultura de Ourense (rúa Concello 11), hai música (e cine) no Café Pop Torgal, El Pueblo café cultural e Café cultural Auriense.

Programación abril 2023

Sesión especial

VIII Ciclo do colexio de médicos

Primavera Musical

Filmoteca CGAI

Días incertos e noites frescas anúncianse para unha nova primavera. Abrigamos no solpor dos días cinco propostas coa música de fondo, onde recuperamos a programación da Filmoteca de Galicia - CGAI con Márta Mészáros a ritmo Beat, os ritmos urbanos de Lisboa, o punk; coas variantes electrónicas e rebeldes dos Sleaford Mods ou das influenzas Queer, mesturando todo ademais cunha viaxe sensorial e humorística de Matthew Herbert. Cremos provocar así o suficiente contraste como do calor do mediodía ás noites de chaqueta. Este é o tempo da primavera...e da música, do que agardamos gocedes co adianto en vídeo ^{[.mp4 • 15'3 MB]} que preparamos.

«PM-2023»· cartel realizado por Gael Carballo (cineclupePF)

Pregamos unha atención particular á Sesión especial coa que colaboramos nos actos dos Amigos da república e como sempre coa programación do Colexio de médicos.

Primavera musical 2023

Chega a sétima edición da Primavera musical aos bares habituais nos que programan concertos. Aparte da proxección na casa da cultura de Ourense (rúa Concello 11), hai música (e cine) no Café cultural Auriense, Café Pop Torgal e El Pueblo café cultural.

Programación maio - xuño de 2022

Filmoteca CGAI

Primavera Musical

VII Ciclo do colexio de médicos

Sesións extraordinarias + >[Abre outra xanela]

Tras dous anos complicados (e pandémicos) de ausencia do cine musical nos lugares habituais da música ao vivo da cidade, recuperamos a Primavera musical con cinco filmes en catro escenarios distintos.

Neste tempo de perdas e dificultades lembramos a un amigo da música (e dos músicos) no café Pop Torgal, xunto coa estrea de filmes inéditos, como a evolución da música da escena musical de Berlín, o punk galego e mesmo filmes de culto que dilapidan e profetizan un vendaval de recordos e sensacións.

«PM-2022»· cartel realizado por Gael Carballo (cineclupePF)

"Se ti tes pánico escénico, un ollo clínico
médico, un teste cínico-técnico
Que podes esperar?
Aínda que fose científico
máxico, esotérico, de México
o que quixera é facerche bailar"... (1)
como o adianto en vídeo ^{[.mp4 • 20'7 MB]} que anuncia a programación.

Non esquezan o último filme da tempada da filmoteca e as outras interesantes e extraordinarias propostas que se programan na sala do cineclube; aparte desta Primavera musical.
Por último, lembrar que tedes á vosa disposición as follas de sala de cada proxección no seguinte enlace [Abre outra xanela].

Programación de xuño

Ciclo Primavera musical

Filmoteca de Galicia

Aventuramos neste fin de tempada, apretado polas emerxencias da cidade, unha efervescencia de endorfinas que florezan emocións coa poesía punk,os ritmos afroamericanos e o rock sensible e visceral das propostas coas que dicimos adios á primavera.

«Xuño 2021»· cartel realizado por Gael Carballo (cineclupePF)

Coma sempre, calquera que sexa o vento que sopra, na canle de «You Tube», tedes o avance visual ^{[.mp4 • 20'7 MB]} deste ciclo, seguido dos filmes que o compoñen. Agradecemos moitísimo a vosa participación e comentarios. Tede coidado e afouteza para sair desta, que desta vai.

Atención ao horario único e versión da sesión infantil programada coa Filmoteca de Galicia, dun filme cunha mensaxe dirixida aos seres humanos, guiados polo egoísmo e os aires de superioridade crense co dereito de tratar aos demais como produtos que poden utilizar e refugar... mensaxe que incluso algún ser humano, con bastón de mando pode aproveitar para reflexionar.

Primavera musical 2021

Proxéctanse durante o mes de xuño no salón de actos da Casa da cultura de Ourense, onde estaba a Biblioteca (rúa Concello núm. 11) os seguintes filmes dentro do ciclo da primavera musical:

Primavera musical 2019

A música soa no mes de abril con cinco filmes en varios escenarios distintos e en VOS (Versión orixinal subtítulada).

Aparte do habitual, luns e mércores na Casa de Cultura; salón de actos da Biblioteca Pública de Ourense (rúa Concello 11), hai música (e cine) no Café cultural El Pueblo, Café Pop Torgal e Café cultural Auriense. Agardamos bailedes cos seguintes filmes … poderes consultar o avance en vídeo e a programación extra (O documental do mes) o 25 de abril.

Programación de abril de 2018

«Primavera musical»

«Filmoteca CGAI»

Despois da auga, chega por fin a primavera...e de novo un ano máis, coa música medrarán todas as pequenas cousas da vida.
O avance visual ^{[.mp4 • 20'3 MB]} que adianta este ciclo coa canción «Those little things» é de Ramón Mirabet.

Cartel «Primavera Musical» deseño de Iñaki Nóvoa (cineclupePF)

Atentos aos días e distintos lugares!

Primavera musical 2018

A música soa no mes de abril con cinco filmes en catro escenarios distintos e en VOS (Versión orixinal subtítulada).

Aparte do habitual, dos mércores na Casa de Cultura; salón de actos da Biblioteca Pública de Ourense (rúa Concello 11), hai música (e cine) no Café cultural El Pueblo, Café Pop Torgal e Café cultural Auriense. Agardamos bailedes cos seguintes filmes …

Programación abril 2017

«Primavera musical»

«Filmoteca CGAI»

Chega a primavera……e un ano máis, a música de novo.
A música do avance visual ^{[.mp4 • 20'3 MB]} que adianta este ciclo, é dos «Folk Grinder», versionando «The passenger» de «Iggy Pop».

Primavera musical 2017

A música soa no mes de abril con cinco filmes en catro escenarios distintos e en VOS (Versión orixinal subtítulada). Aparte do habitual, os mércores na Casa de Cultura, salón de actos da Biblioteca Pública de Ourense (rúa Concello 11), hai música (e cine) no Café cultural Auriense, Café cultural El Pueblo e Café Pop Torgal. Agardamos bailedes cos seguintes filmes …