Sesións de filmoteca
Sesións de ciclo dos mércores
Sesións especiais [+]
Sesión vermú
Primavera musical
IX Ciclo Colexio de médicos
Amal en ruta
Case a piques de rematar a primeira tempada do ano e antes de que cheguen as Marxes fílmicas ao patio do Museo etnolóxico de Ribadavia (adicadas este ano a Palestina), presentámosvos o intenso programa que preparamos para celebrar esta primavera, que como ben din os Sonoro maxín, ten que ser nosa.
«Maio 2024»· cartel realizado por Gael Carballo (cineclupePF)
Se vos presta ollar, ver e bailar, temos este avance visual [.mp4 • 24'3 MB], e xa sabedes que tamén temos á vosa dispoción, aquí as follas de sala de cada filme.
A continuación o detalle da programación que se estenderá ata primeiros de xuño, co prego de atención do horario das sesións extraordinarias (10, 14 e 17 de maio), á Primavera musical e ao Amal en Ruta.
Filmoteca
6
Mai.
2024
Lun.
«Der Himmel über Berlin» O ceo sobre Berlín
Wim Wenders · (Alemaña-Francia, 1987) 128 min. Cor/B&N. Dolby dixital. AR 1,66:1 [A] VOSE
Dous anxos vadían polo Berlín da Guerra Fría. Só son visibles para os nenos e as persoas de corazón puro e non poden cambiar o curso dos acontecementos; mais reconfortan a todas as almas solitarias e deprimidas que coñecen. Despois de moitos séculos, un deles, infeliz coa súa inmortalidade, desexa converterse en humano. O seu feitizo por unha moza trapecista faille cobizar unha vida onde poida sentir a felicidade e o amor.
Premios
1987: Festival de Cannes: Mellor director
1987: 2 Premios do cine Alemán: Mellor película e fotografía
1988: Premios del Cine Europeo: Mellor director
"Wenders (...) crea este precioso retrato dun Berlín dividido xusto uns poucos anos antes da caída do Muro e segue sendo unha obra cinematográfica bela, literaria e culta"
(Ian Nathan, Empire)
SESIÓN:
COTA:
20:30h. (CUT+1) «Casa da cultura - CCPF» de Ourense
De balde socios/as (2,5 euros non asociados/as; consultar cotas).
Sesións de ciclo dos mércores
8
Mai.
2024
Mérc.
«La estrella azul»
Javier Macipe · (España-Arxentina, 2023) 129 min. Cor. AR 2,35:1 [+12] VOE
Anos 90. Mauricio, un famoso rockeiro español percorre Latinoamérica buscando reencontrarse coa súa vocación. Alí coñece a Don Carlos, un ancián músico en horas baixas que, a pesar de ser autor dalgunhas das cancións máis famosas do folclore do seu país, apenas consegue pagar as súas facturas. Carlos acolle con xenerosidade ao estraño visitante facendo as veces de mestre Miyagi musical. Do seu encontro nace un extravagante dúo quixotesco, con todos os visos de ser un absoluto fracaso comercial.
Premios
2023: SSIFF; Premio mellor filme do xurado novo
"En 'A estrela azul' conviven o humor e a morriña. Un retrato armado desde a admiración, que desdibuxa os límites da ficción e reflexiona sobre o valor da creación, xa sexa esta musical ou cinematográfica"
(Cristina Aparicio, Caimán)
Filmoteca
13
Mai.
2024
Lun.
«In weiter Ferne, so nah!» Tan lonxe, tan cerca!
Wim Wenders · (Alemaña-Francia, 1993) 146 min. Cor/B&N. Dolby dixital. AR 1,66:1 [+16] VOSE
Dous anxos da garda voan sobre Berlín. Son invisibles e actúan con benevolencia, mais non poden intervir na vida da xente. Fartos desta situación, deciden que Cassiel, o anxo das lágrimas, se converta en humano para observar como as persoas senten e perciben o mundo. Secuela de Cielo sobre Berlín.
Premios
1993: Festival de Cannes: Gran premio do xurado
1993: Premios do cinema Alemán: Mellor fotografía
"As mensaxes poéticas finais da película sobre os anxos, as persoas e o amor, son innegablemente atractivos; é o centro sincero da película."
(Desson Howe, The Washington Post)
SESIÓN:
COTA:
20:30h. (CUT+1) «Casa da cultura - CCPF» de Ourense
De balde socios/as (2,5 euros non asociados/as; consultar cotas).
Presentación libro
14
Mai.
2024
Mar.
«Os trasnos da lanterna»
Valentín Barreiros · (Ourense, 1976)
Presentación do libro Os trasnos da lanterna.
O autor é cineasta e autor de varios libros divulgativos arredor do cine, especialmente en Ourense; sitúa co seu último libro Os trasnos da lanterna o valioso traballo desenvolvido polo movemento cineclubista ourensán dende os anos cincuenta até a actualidade.
"Editado polo CCPF por Difusora de letras, artes e ideas"
(191 páxinas, Oferta: 15 euros)
Sesións de ciclo dos mércores
15
Mai.
2024
Mérc.
«The zone of interest» A zona de interese
Jonathan Glazer · (Reino Unido-EUA-Polonia, 2023) 106 min. Cor. Dolby dixital. AR: 1,78:1 [+12] VOSE
O comandante de Auschwitz Rudolf Höss e a súa esposa Hedwig esfórzanse en construír unha vida de ensoño para a súa familia nunha casa con xardín preto do campo.
Premios
2024: Oscar; Premio mellor película estranxeira e mellor son
2023: Festival de Cannes; Premio do xurado
2023: EFA; Premio ao mellor son
2023: LAFCA;Premio á mellor actriz (Sandra Hüller)
"Jonathan Glazer e a súa maxistral disección da banalidade do mal nazi (...) Para quen pensa que o cinema pode ser un templo da memoria"
(Manu Yáñez,Fotogramas)
Sesión vermú
17
Mai.
2024
Ven.
«Materiais para unha historia do cine en Galicia»
No día das letras galegas inauguramos unha nova sesión vermú, coa sección de materiais para unha historia do cine en Galicia, dixitalizado e restaurado pola Filmoteca de Galicia.
La tragedia de Xirobio
José Signo (España, 1930) 44 min. Silente. [SD]
Adaptación libre dunha das narracións do libro Cousas, de Alfonso R. Castelao, a que comeza “Xa van alá moitos anos…”, La tragedia de Xirobio é a primeira longametraxe de ficción de produción galega. Foi dirixida polo periodista José Signo Garcés e rodada integramente en Vigo en 1930. Promovida por Vicus Films, a súa estrea estaba prevista para 1931, pero esta non se levou finalmente a cabo.
Dividida en cinco partes, a película está ambientada en Vigo no Entroido de 1930, cando o boticario Xirobio recibe a visita do seu amigo Moreno, compañeiro de andanzas nocturnas do protagonista coa proposta dunha “bacanal carnavalesca”.
Un viaje por Galicia
Manuel Aris (España, 1958) 55 min. [SD] VO
O emigrado a Montevideo Manuel Arís filmou esta película entre 1953 e 1958 nas súas continuas viaxes a Galicia. Supón un percorrido polas catro provincias, de fondo valor patrimonial, moi apreciado polos emigrados de ultramar, que podían ver o que acontecía no seu fogar e como estaba a mudar grazas ás filmacións en 16mm de Arís. Proba do seu éxito foi a explotación durante dezaoito semanas seguidas no Gran Cine Mitre de Bos Aires.
Primavera musical
20
Mai.
2024
Lun.
«Stop making sense»
Stop Making Sense é considerado o mellor 'concert film' da historia e que a prestixiosa produtora A24 resucitou para reivindicar a incónica banda. Estreada en 1984, o director filmou con sete cámaras e durante catro noites os concertos da banda composta por David Byrne, Tina Weymouth, Chris Frantz e Jerry Harrison no Teatro Pantages de Hollywood Boulevard no Nadal de 1983.
Premios
1984: National Society of Film Critics (NSFC): Mellor documental.
SESIÓNS:
COTA:
20:30 h. (CEST) no CCPF - Casa da cultura, Ourense
De balde socios/as (2,5 euros non asociados/as; consultar cotas).
21 Mai. 2024
Mar
«La importancia de llamarse Ernesto y la gilipollez de llamarse Eric»
As historias en paralelo do granadino Ernesto Jiménez Linares e do seu alter ego musical Eric, batería de Lagartija Nick e Os Planetas. A Falanxe, os pasos de Semana Santa, o punk, unha voda adolescente, atracóns de drogas e Enrique Morente desfilan entre moito humor canalla polo periplo dun tipo que durante 40 anos golpeou a batería como a vida golpeoulle a el, con todas as súas forzas.
SESIÓN:
COTA:
20:30 h. (CEST) no Café Pop«Torgal», Ourense
De balde
22
Mai.
2024
Mér.
«Sister with transistors»
Lisa Rovner · (Reino Unido, 2020) 86 min. B/N - Cor, RA 1.33:1 [ND] VOSE
Unha forma diferente de entender a historia da música ao través das pioneiras da electrónica, compositoras que adoptaron as máquinas para transformar por completo a forma en que producimos e escoitamos música. Entre as súas moitas expoñentes, o documental mostra o pasado de Laurie Anderson ou Wendy Carlos, a artista transxénero compositora dos filmes de Stanley Kubrick.
SESIÓNS:
COTA:
20:30 h. (CEST) no Café Cultural «El Pueblo», Ourense
De balde
23 Mai. 2024
Xov
«The second act of Elliott Murphy»
F. Scott Fitzgerald dixo que non había segundos actos nas vidas americanas, pero aquí está Elliott Murphy para refutalo: o lendario cantautor, convertido en artista de culto en moitos países europeos, lévanos de xira mentres aproveita para reflexionar sobre o éxito, o fracaso e o relativo de ambos os conceptos.
Elliott Murphy publicou máis dunha trintena de álbums e dá preto de cen concertos ao ano. Ironicamente, a súa música de raíz americana sempre conectou mellor coas audiencias europeas, que lle converteron nun artista de culto. Considerado un “novo Dylan” polos críticos musicais norteamericanos dos 70, Elliott Murphy nunca alcanzou a sona comercial doutros contemporáneos seus como Bruce Springsteen, Tom Petty ou Jackson Browne.
"O seu estilo de escritura seguiu sendo complexo ata estes días; esa é a súa beleza. A súa linguaxe é preciosa e segue sendo poética. Non creo que nunca escribise unha mala canción. Nunca me crucei cunha canción de Elliott Murphy que me fixese pensar “non funciona”, e fixo moita música. E moita música actual que, para min, é tan boa como o seu material antigo. Aínda está na súa mellor forma" (Bruce Springsteen)
Elliott Murphy publicou máis dunha trintena de álbums e dá preto de cen concertos ao ano. Ironicamente, a súa música de raíz americana sempre conectou mellor coas audiencias europeas, que lle converteron nun artista de culto. Considerado un “novo Dylan” polos críticos musicais norteamericanos dos 70, Elliott Murphy nunca alcanzou a sona comercial doutros contemporáneos seus como Bruce Springsteen, Tom Petty ou Jackson Browne.
"O seu estilo de escritura seguiu sendo complexo ata estes días; esa é a súa beleza. A súa linguaxe é preciosa e segue sendo poética. Non creo que nunca escribise unha mala canción. Nunca me crucei cunha canción de Elliott Murphy que me fixese pensar “non funciona”, e fixo moita música. E moita música actual que, para min, é tan boa como o seu material antigo. Aínda está na súa mellor forma" (Bruce Springsteen)
SESIÓN:
COTA:
20:30 h. (CEST) no Café Cultural «Auriense», Ourense
De balde
Filmoteca
27
Mai.
2024
Lun.
«Taht alshajra» Entre as figueiras
Erige Sehiri · (Tunisia, 2021) 92 min. Cor. AR 2,35:1 [+7] VOSG
No noroeste de Tunisia, Sana, Fidé, Melek e Abdou traballan recollendo figos. Baixo o testemuño das árbores, desenvolven novos sentimentos, discuten, encóntranse e evítanse, coquetean e intentan entenderse. Ao longo do día, a horta convértese nun teatro de emocións, onde se representan os soños e as esperanzas de cada un deles.
Especialmente recomendada para o fomento da igualdade de xénero.
"Un solvente debut que demostra unha sensibilidade moi persoal para captar o detalle emocional que non por iso deixa de lado unha mirada política marcada pola perspectiva de xénero"
(Jara Yañez, Caimán)
SESIÓN:
COTA:
20:30h. (CUT+1) «Casa da cultura - CCPF» de Ourense
De balde socios/as (2,5 euros non asociados/as; consultar cotas).
IX Ciclo Colexio de médicos
28
Mai.
2024
mar.
«Bigger than Life» Máis poderoso ca vida
Nicholas Ray · (EUA, 1956) 95 min. Cor. RA 2,55:1 [+13] VOSE
Ed Avery, un profesor de escola, é diagnosticado cunha rara enfermidade, así que acepta un tratamento experimental con cortisona. Pero isto provocaralle adicción e alteracións mentais que repercuten no seu traballo e nas súas relacións familiares. Toda a estabilidade da súa vida vese en perigo polos efectos psicolóxicos que o tratamento provoca.
A obra mestra de Nicholas Ray, protagonizada polo aclamado James Mason, é unha reflexión sobre os límites da ética medica nunha sociedade capitalista. Unha das 10 películas que Godard engadiu á lista de mellores películas estadounidenses con son.
+ [ INFO. do resto do ciclo ]
Amal en ruta
29
Mai.
2024
Mér.
«Mayor»
David Osit · (EUA-Reino Unido, 2020) 89 min. Cor. AR: 2,35:1 [ND] VOSE
Musa Hadid, alcalde de Ramallah, capital de facto e centro cultural do Estado Palestino, trata de deseñar e construír a cidade do futuro sen perder de vista a súa misión final: poñer fin á ocupación de Palestina
Premios
2020: Emmy; mellor documental
"O documental de David Osit combina comedia negra e suspenso inquietante para ofrecer unha mirada fascinante á vida baixo a ocupación."
(Eric Kohn, Indiewire.com)
SESIÓN:
COTA:
20:30h. (CUT+1) «Casa da cultura - CCPF» de Ourense
De balde socios/as (3 euros non asociados/as; consultar cotas).
30
Mai.
2024
Xov.
«Farha»
Darin J. Sallam · (Xordania, 2021) 92 min. Cor. AR: 2,35:1 [ND] VOSE
Inspirada en feitos reais. 1948. Farha é unha adolescente que vive nun pobo de Palestina. Inseparable da súa mellor amiga Farida, soña con poder ir á escola, pero a vida no pobo, e en toda Palestina, está a piques de cambiar. Co acordo de Nacións Unidas para a partición do Mandato Británico de Palestina empeza a guerra entre israelís e árabes. O pai de Farha decide encerrala nun pequeno alpendre coa promesa de regresar. Nos días seguintes, Farha vivirá unha experiencia que cambiará a súa vida, obrigándoa a deixar atrás a súa infancia.
Premios
2022: Festival árabe de Malmö; Gran premio do xurado
"Farha é unha historia sobre o amor, a esperanza e a determinación dunha moza por sobrevivir. A través dunha dirección experta e actuacións emocionantes, esta película é imprescindible"
(Cruz Morey, Intoscreens.com)
SESIÓN:
COTA:
20:30h. (CUT+1) «Casa da cultura - CCPF» de Ourense
De balde socios/as (3 euros non asociados/as; consultar cotas).
31
Mai.
2024
Ven.
«Gaza mon amour»
Issa, un pescador de sesenta anos, está secretamente namorado de Siham, unha muller que traballa no mercado coa súa filla Leila. Cando descobre unha antiga estatua fálica de Apolo nas súas redes de pesca, Issa escóndea, sen saber que facer con este misterioso e poderoso tesouro. Con todo, no fondo, sente que este descubrimento cambiará a súa vida para sempre. Curiosamente, a súa confianza comeza a crecer e finalmente decide achegarse a Siham.
Premios
2020: Seminci; Espiga de prata e mellor guion
2020: Festival de Toronto: Premio NETPAC - Mellor filme asiático
"Unha comedia conmovedora (...) Ten toques de Jarmusch e Kaurismäki (...) É unha historia absurda ambientada nun mundo aínda máis absurdo, pero un mundo que existe en moitos aspectos"
(Jordan Mintzer, The Hollywood Reporter)
SESIÓN:
COTA:
20:30h. (CUT+1) «Casa da cultura - CCPF» de Ourense
De balde socios/as (3 euros non asociados/as; consultar cotas).
3
Xuñ.
2024
Lun.
«The reports on Sarah and Saleem» Os informes sobre Sarah e Saleem
Muayad Alayan · (Palestina-Alemaña-Países Baixos-México, 2018) 127 min. Cor. AR: 2,35:1 [ND] VOSE
Historia dunha relación adúltera de Sarah, unha muller israelí que dirixe un café no oeste de Xerusalén, e Saleem, un palestino de Xerusalén leste que traballa como repartidor. Cando as súas parellas coñecen os enganos, Saleem sitúase no punto de mira das forzas de seguridade de Israel.
Premios
2018: Festival de Rotterdam: Premio especial do xurado
"Drama psicolóxico tenso con elementos de thriller político que transmite con habilidade as tensións, físicas e mentais, que existen entre o oeste e o leste de Xerusalén"
(Jay Weissberg, Variety)
SESIÓN:
COTA:
20:30h. (CUT+1) «Casa da cultura - CCPF» de Ourense
De balde socios/as (3 euros non asociados/as; consultar cotas).
4
Xuñ.
2024
Mar.
«Little Palestine, diary of a siege»
Abdallah Al-Khatib · (Libano-Francia-Qatar, 2021) 89 min. Cor. AR: 1,85:1 [ND] VOSE
O distrito de Yarmouk, en Damasco (Siria), foi o campo de refuxiados palestinos máis grande do mundo ata 2018. O réxime de Bashar Ao-Assad considerábao un refuxio para rebeldes e terroristas e comezou unha campaña de asedio sobre o territorio para partir do ano 2013. Neste escenario entra en xogo Abdallah Ao-Khatib que, cos seus amigos, documentaron a vida cotiá dos habitantes asediados, dando lugar a esta película.
Premios
2021: Festival de Hamburgo: Premio do público
2021: Festival de Sâo Paulo: Gran premio do xurado
2021: Visions du réel, Nyon: Mellor filme
"Este estremecedor documental segue a vida dos famentos palestinos do campo de Yarmouk mentres a guerra civil siria fai estragos ao seu ao redor"
(Peter Bradshaw, The Guardian)
SESIÓN:
COTA:
20:30h. (CUT+1) «Casa da cultura - CCPF» de Ourense
De balde socios/as (3 euros non asociados/as; consultar cotas).
Pregamos puntualidade.
Lembramos usar a máscara de protección dentro da sala, en caso de síntomas catarrais, de gripe ou con sospeitas de COVID...que aínda sigue!.
Os símbolos desta web son; VO; Versión orixinal, VOS (Versión orixinal subtitulada, en castelán VOSE, en galego VOSG), VD; versión orixinal ou dobrada cos mesmos patróns E español /G galego / CAT catalán / EUS euskera / E-Aame español americano / Pt portugués.
A calificación por idades de cada filme sigue o seguinte patrón; [A] apta para todos os públicos, [+7] recomendado para maiores de 7 anos, [+12] recomendado para maiores de 12 anos, [+18] recomendado para maiores de 18 anos, e [ND] Non dispoñible ou [SC] sen clasificación no ICAA.
Tamén podes consultar aquí... a programación extraordinaria na que colabora o cineclube, o blog Sala de máquinas (que da acceso tamén ás follas de sala, organigrama e transparencia), clube de cine Nós #CCPF, a web da Biblioteca pública Nós, os cineclubes de Ourense (que da acceso tamén á Federación de cineclubes de Galicia), á base de datos do ICAA ou ás base de datos de filmaffinity e IMDB.
ADVERTENZAS:
Non se permite o acceso á sala unha vez comenzada a sesión. Tampouco se permite o uso do teléfono móbil unha vez comezada a proxección * sendo motivo en caso contrario de expulsión da sala, sen dereito á reclamación. (En caso de socio/-a será proposto de expulsión da asociación).
(*) Agás para os filmes con audiodescripción, así sinalizados [ AD))) ].
----------
(*) A audiodescripción estará disponible mediante a aplicación gratuita da fundación ONCE; "AUDESCMOBILE".
(Non é preciso software o hardware adicional. O/A usuario/a tan só ten que instalar a aplicación no seu móbil, descargar a audiodescripción da película que quere ver e unha vez na sala de cine, conectar os cascos e reproducir o arquivo. A audiodescripción comenzará e se sincronizará automáticamente coa película)
Horarios CUT+1
Ningún comentario:
Publicar un comentario