14/10/21

Programación de outubro a decembro de 2021

Filmoteca de Galicia

Sesións dos mércores

Ciclo de outono en Ribadavia

Festival AMAL en ruta


Na nova normalidade obrigada pola evolución da pandemia, simplificamos os horarios habituais para fornecer un espazo seguro e ventilado, limitamos o aforo ao 50% (a pesar de que a norma o estende ao 90%). Queremos así garantir como até agora, unha seguridade e confianza que pouco a pouco, consonte a evolución e as normas de protección fronte ao COVID, modificaremos ou non. Segue vixente o noso protocolo de protección fronte ao COVID, así como o funcionamento paralelo do Clube de cine Nós en compañia da nosa benequerida Biblioteca pública. Tamén seguen "on-line" as follas de sala que sirven de contexto e información de cada filme; de momento as seguiremos colgando na sala de máquinas do cineclube. A única variación consitirá na entrada, horarios e asentos dispoñibles.

En canto á programación, aparte da habituais sesións dos luns de filmoteca (grazas ao convenio de colaboración co AGADIC para proxección da programación descentralizada do CGAI) e de ciclo dos mércores que de seguido detallamos máis abaixo, contamos en anunciar en breve a programación do Ciclo de outono en Ribadavia, que realizaremos co Museo etnolóxico de Ribadavia, os sábados de novembro (nesta ocasión especialmente adicado a Ourense). Remataremos en ruta, de novo coa programación do Festival Internacional de Cine Euroárabe Amal, grazas á colaboración da Fundación Araguaney e da Deputación de Ourense.





«outubro-decembro 2021»· cartel realizado por Leo Sousa (cineclupePF)


Coma sempre, na canle de «You Tube», tedes o avance visual [.mp4 • 20'7 MB] deste ciclo, seguido dos filmes que o compoñen. Agradecemos moitísimo a vosa axuda á difusión da programación, así como da participación e comentarios.



Sesións dos mércores de outubro a decembro de 2021

Proxéctanse os mércores de outubro a decembro de 2021, no salón de actos da Casa da cultura de Ourense, onde estaba a Biblioteca (rúa Concello núm. 11) os seguintes filmes:



Sesións de filmoteca de outubro a decembro de 2021

Grazas á colaboración coa Axencia galega de industrias culturais (AGADIC); dentro da programación descentralizada da Filmoteca de Galicia (CGAI), proxectamos para remate do ano no salón de actos da Casa de Cultura (Rúa Concello núm. 11) de Ourense, o filmes que seguen…


(Atención aos horarios únicos destes meses e ao aforo limitado)


Ciclo de outono en Ribadavia 2021

En breve detallaremos a programación para os sábados de novembro en Ribadavia

03/08/21

Cine de verán 2021

Anuncio suspensión

Contestación ao concello


03/08/2021. Anuncio suspensión


Lamentamos comunicar que, ante da contestación da administración municipal esixindo o pago de taxas para a realización do Cinema de Verán (unha actividade pública e gratuíta), o Cineclube Padre Feijoo tomou a decisión de suspender a súa programación para os vindeiros mércores de agosto na Praza da República, entre o Arquivo e a Biblioteca Pública Nós.

Entendemos que non existe sequera unha mínima dilixencia en favorecer a programación de actividades culturais: non estamos a referirnos ás inexistentes da propia institución municipal, senón ás dos propios colectivos culturais e sociais da capital.

Nesta situación resúltanos imposible, cos déficits que supón manter unha programación estable con capacidade reducida e ante os custos que xera, asumir o pagamento dunha taxa pola utilización de uso público para unha entidade que non vai ter ningún tipo de lucro (a diferencia doutros sectores que si foron exentos de pagala neste ano e no seguinte).

A reivindicación dunha exención de taxas para os colectivos culturais e a modificación da ordenanza fiscal que as regula tratouse desde vai anos en distintos plenos do Concello e no inoperante Consello Municipal da Cultura. Malia o paso do tempo e as boas palabras, nunca se acadaou unha solución.

O Cineclube Padre Feijoo quere expresar a súa repulsa á falta de políticas culturais na cidade: a propia institución municipal discrimina á terceira cidade de Galicia mentres que noutras vilas, aldeas e cidades se programan e realizan actos culturais coas oportunas cautelas normativas ante a COVID e con total normalidade.



06/03/2021. Contestación ao concello


En relación á información vertida polo Concello de Ourense en contestación á suspensión desta edición do Cinema de Verán, o Cineclube Padre Feijoo ten que manifestar o seguinte:

1.- Non é certo que o Concello apoie o Cineclube no 2021 cunha achega de 6.000 euros, tal como se manifesta na devandita contestación: a Xunta de Goberno local de 22 de outubro de 2020 retiroulle a subvención nominativa de 6.000 euros que esta entidade tiña en 2020, outorgándolle unicamente unha ao Liceo, pola mesma contía. Nese mesmo acordo eliminouse tamén a subvención ao Ateneo.

> Pode verificarse aquí: https://www.pap.hacienda.gob.es/bdnstrans/GE/es/planestrategico/156

O Concello de Ourense segue sen aboar a día de hoxe a última subvención concedida ao Cineclube, en 2020.

> Pode verificarse na base de datos nacional de subvencións (Ver foto); nesta outra ligazón, a xustificación de todas as subvencións obtidas polo Cineclube: https://salademaquinas.wordpress.com/transparencia/

En canto ao resto de aseveracións da nota do Concello sobre a ordenanza fiscal, o Cineclube só ten que que engadir que agarda que a institución municipal amose a mesma dilixencia para modificala como fixo coa exención de taxas á hostalaría (3 meses). Deste xeito non só se cumpriría por fin un acordo plenario por unanimidade, sen aplicar desde 2018, senón que tamén favorecería a organización de actividades culturais por parte da cidadanía e dos colectivos culturais e sociais ourensáns.

O futuro desta actividade do Cineclube, suspendida, e doutras moitas que se realizaban no espazo público, depende unicamente da vontade do Concello de Ourense.




Diante da terrible situación de abandono que nos últimos anos a cultura vén padecendo no noso concello existe un berro colectivo que podes apoiar e compartir #EmerxenciaCulturalOurense



24/06/21

X Marxes fílmicas (2021): Perú

A pesar de celebrar en varios anos consecutivos, un período de gran crecemento económico, (nos 90, chegou a ser comparado cos tigres de Asia) Perú sigue a sufrir a desigualdade e a inxustiza social.

Desde a segunda metade dos 90, podemos distinguir no cinema peruano, cinco campos: o primeiro dedicado a fórmulas comerciais que atraian ao público masivo; o segundo, que tamén busca a difusión pública pero sen pretensións de audiencia masiva e con temáticas ligadas ao cinema de autor; o terceiro, formado por cintas autoxestionadas que se estrean en espazos alternativos; o cuarto, relacionado co xénero documental e o quinto formado polas curtametraxes realizadas en universidades e institutos.

A selección realizada, busca un híbrido representativo sobre os diferentes campos mencionados, con autoras emerxentes e consagradas/os. É posible identificar unha tendencia para presentar personaxes que como consecuencia da expansión dunha economía neoliberal, vense obrigados a lidar coa cultura de transgresión que se fortaleceu no país durante os últimos vinte e cinco anos e que non atopan un lugar no sistema. Nos filmes seleccionados, existe unha énfase na informalidade e na constante violación ás normas que ten lugar no país e se condicen coas propostas académicas que indican que no Perú estendeuse unha cultura de transgresión pola ausencia dun Estado que impoña a lei. Pódese sinalar que contrapóñense ao discurso que indica que o ingreso do Perú ao mundo globalizado, realizado a través da implantación do modelo neoliberal, está a brindarlle oportunidades a todos os sectores sociais. Hai unha evidencia que diferentes segmentos da sociedade non se están a beneficiar do progreso que prometía o libre mercado. Pola contra, a tendencia é a sinalar que o modelo está a xerar individuos máis que cidadáns debido a que a cultura de transgresión empuxa ás persoas ao individualismo (evidentemente, isto sucede en máis países). Finalmente, en base á selección destas catro cintas poderíase dicir que o cinema peruano de autor está a manter a tradición de poñer en evidencia os problemas da sociedade e non se encola ao discurso do mercado.

Os filmes proxéctanse na segunda e terceira semana do mes de xullo, os luns e mércores, os días 5, 7, 12 e 14 de xullo do 2021 nunha única sesión, ás 22:00 h. en VOE e acceso de balde.

«Marxes Fílmicas 2021» realizado por Gael Carballo (cineclupePF)

Coma sempre antes do teatro da MIT, agardamos veros no patio do de

15/06/21

Sesións extraordinarias de xuño

A petición da comisión organizadora do Orgulho 2021 e do Colexio de médicos de Ourense, proxectaremos extraordinariamente dous filmes para tratar sobre a Lei de liberdade sexual e sobre a eutanasia (está última, vaise debatir en poucos días no Congreso). Atención aos días e horarios únicos, e diferentes, do acostumado.



28/05/21

Programación de xuño

Ciclo Primavera musical

Filmoteca de Galicia


Aventuramos neste fin de tempada, apretado polas emerxencias da cidade, unha efervescencia de endorfinas que florezan emocións coa poesía punk,os ritmos afroamericanos e o rock sensible e visceral das propostas coas que dicimos adios á primavera.





«Xuño 2021»· cartel realizado por Gael Carballo (cineclupePF)


Coma sempre, calquera que sexa o vento que sopra, na canle de «You Tube», tedes o avance visual [.mp4 • 20'7 MB] deste ciclo, seguido dos filmes que o compoñen. Agradecemos moitísimo a vosa participación e comentarios. Tede coidado e afouteza para sair desta, que desta vai.

Atención ao horario único e versión da sesión infantil programada coa Filmoteca de Galicia, dun filme cunha mensaxe dirixida aos seres humanos, guiados polo egoísmo e os aires de superioridade crense co dereito de tratar aos demais como produtos que poden utilizar e refugar... mensaxe que incluso algún ser humano, con bastón de mando pode aproveitar para reflexionar.



Primavera musical 2021

Proxéctanse durante o mes de xuño no salón de actos da Casa da cultura de Ourense, onde estaba a Biblioteca (rúa Concello núm. 11) os seguintes filmes dentro do ciclo da primavera musical:



Programación de xuño da Filmoteca de Galicia en Ourense

Grazas á colaboración coa Axencia galega de industrias culturais (AGADIC); dentro da programación descentralizada da Filmoteca de Galicia (CGAI), proxectamos durante o mes de xuño no salón de actos da Casa de Cultura (Rúa Concello núm. 11) de Ourense, o filme que segue…


(Atención ao horario diferente e a versión (dobrada) da película, dirixida principalmente ao público infantil.


30/04/21

Programación de maio 2021

Filmoteca CGAI

Ciclo Wong Kar-Wai


A arte e a cultura non son un espello para reflectir a realidade, senón un martelo para darlle forma.

Na forxa do mes de maio temos principalmente 3 estilos, rubricados polas destacables figuras de Éric Rohmer e Wong Kar- Wai, xunto á novidade narrativa de Luís López Carrasco, premio Goya ao mellor documental, que pertence ao colectivo artístico Los Hijos.

O primeiro, caracterízase polo traballo con equipos domésticos, actores non profesionais, diálogos agudos e o naturalismo con que se presentan os problemas cotiáns, sobre todo afectivos, da xente moza.

O segundo, Wong Kar- Wai, é un cineasta de Hong Kong, recoñecido internacionalmente polo seu traballo altamente estilizado e emocionalmente resoante. As súas películas a miúdo presentan protagonistas que arelan o romance no medio dunha vida incompleta e digresiva. Wong Kar- Wai foi o primeiro director chinés en gañar o Premio ao Mellor Director do Festival de Cinema de Cannes.





«Maio 2021»· cartel realizado por Gael Carballo (cineclupePF)


Mentres a realizade é cincelada entre trincheiras, con algún necio gobernando e outros consentindo a morte cultural da cidade, sairemos sempre adiante, sairemos...da escura sala cantando por enriba dos sombríos tempos que estamos a vivir. A música que acompaña o avance visual [.mp4 • 20'7 MB] deste mes, fala das agradables sombras que dan as maltratadas ábores. Sempre nos quedará a primavera, o vento e a poesía...xan ven o maio, de frores cuberto.



Ciclo Wong Kar-Wai

Proxéctanse os mércores de maio de 2021 (grazas ao convenio subscrito co AGADIC para recuperar a programación descentralizada do CGAI), no salón de actos da Casa da cultura de Ourense, onde estaba a Biblioteca (rúa Concello núm. 11) os seguintes filmes:



Sesións de filmoteca de maio do 2021

Grazas á colaboración coa Axencia galega de industrias culturais (AGADIC); dentro da programación descentralizada do Centro Galego das Artes da Imaxe (CGAI - Filmoteca de Galicia), proxéctanse os luns durante o mes de maio (aparte do ciclo de Wong Kar-Wai dos mércores) no salón de actos da Casa de Cultura (Rúa Concello núm. 11) de Ourense, os seguintes filmes…


(Atención ao horario diferente da primeira película co resto e das únicas sesións deste mes, ocasionado polas restriccións horarias da normativa sanitaria para facer fronte á pandemia do COVID)


01/04/21

Os Goya en abril


Sesións dos luns

Sesións dos mércores



Tralo parón forzoso para facer fronte ás obras de reparación de pingueiras que asolaban a un corredor e almacén dunha esquina do escenario e do oportuno descanso despois do intenso último trimestre do ano pasado, comezamos tempada cunha selección dos filmes protagonistas da pasada edición dos premios Goya.

O resultado da selección enfia unha serie de cuestións pendentes aínda, coma poden ser a educación, as relacións afectivo-sexuais e sociais, tratadas abundantemente polos medios de comunicación de xeito partidista e incluso ás veces pueril.

O vídeo que amosa brevemente a programación, o podes ver aquí. [Abre outra xanela]






«Os Goya. Abril 2021»· cartel realizado por Gael Carballo


Pregamos atención aos días e horarios motivados polas restriccións normativas a causa da pandemia. Conservamos as sesións dos luns, mais extraordinariamente por unha cuestión económica e do reducido aforo, as adicamos ao ciclo dos Goya. As sesións de filmoteca voltarán en maio.

Estaremos media hora antes de cada sesión para a renovación de cotas e inscripción de novos socios/as. ( + Información sobre as cotas de sostenemento da actividade, aquí) [Abre outra xanela]

Este ano como novidade, presentamos o clube de cine Nós #CCPF, que contamos desenvolver os martes arredor da Biblioteca pública Nós.

O ano pasado, tralas estrictas medidas de protección adoptadas fronte ao COVID; con aforo limitado ao 36% do total (só 40 butacas) fumos capaces de asegurar cero contaxios nas 170 proxeccións realizadas. Agardamos nesta tempada, seguir facendo bo o termo da #cultura segura, pregando non descoidar as recomendacións sanitarias. Pode consultarse o protocolo de seguridade adoptado polo cineclube, aquí [Abre outra xanela]



30/03/21

Clube de cine Nós #CCPF


O Cineclube Padre Feijoo presenta unha nova actividade en colaboración coa Biblioteca Pública Nós.

O clube de cinema, á semellanza dos clubes de lectura, é un sistema sinxelo e efectivo de fomentar o cine, orientado neste caso por parte do Cineclube a determinadas filmografias, estilos ou mesmo directores/as da historia da sétima arte.

O funcionamento baséase na visión dun filme de xeito individual por parte dun colectivo ou grupo de persoas interesadas e convocadas arredor das instalacións da Biblioteca.

Estas persoas reuniranse periodicamente para comentar, valorar a obra e intercambiar as súas impresións. A posta en común serve para a aprendizaxe sobre o filme comentado, podendo trasladarse mediante a escritura, vídeo ou presentación do filme estudado, nas instalacións do Cineclube para unha audiencia xeral.

Deste xeito créase unha sinerxia de colaboración e aprendizaxe educativa comúns, insertas nos propios principios fundacionais do Cineclube.

A nosa intención é comezar o 27 de abril con esta actividade, nunha xuntanza fundacional na Biblioteca pública Nós.

De estares interesado/a, podes escribir á conta de correo do Cineclube e/ou da Biblioteca pública (*).



(*) Contas de correo:
[ cineclubepf (arroba) gmail (punto) com]
[biblio (punto) publica (punto) ourense (arroba) xunta (punto) gal]


O funcionamento previsto temporalízase arredor dun filme por mes; cunha discusión e proposta do filme que explorar, tempo para a visión individual e a posterior xuntanza para a reflexión colectiva e difusión pública do filme e dos resultados do debate.