Cincuenta anos desde o inicio de todo na escola de maxisterio Padre Feijoo e cincuenta filmes para festexar medio século de existencia. A selección dolorosamente deixa moitas películas inesquecíbeis e abre unha luz sobre outras …grandes e oportunas para que as gocedes en pantalla grande (como debe ser).
Para que non perdas ningunha, podes descargar o seguinte arquivo [.
ics · 98 kB] 
e despois, terás que abrilo coa aplicación de calendario que dispoñas no teu trebello móbil (ou computadora).
Tamén tes a opción de descargar en PDF o listaxe completo [.pdf · 88 kB]
«50anos, 50 filmes» [ir.gl/50ccpf] cartaz deseñado por Leo Sousa (cineclupePF)
Dadas as particularidades deste magno ciclo festivo, pregamos unha atención especial aos días e horas de proxección, que se interpoñen ademais con outros ciclo previstos; Filmoteca do CGAI, o documental do mes e o ciclo de outono no Museo etnolóxico de Ribadavia, dos cales daremos cumprida información da programación mes a mes, tan axiña como sexa posible.
Deseguido o detalle da programación…
22
set.
2020
mar.
«El sur» O sur
Víctor Erice · (España, 1983) 93 min. [A] VOE
“A Gaivota” é un caserón situado nos arredores dunha cidade do norte de España. Nela viven Agustín, médico e zahorí; a súa muller, mestra represaliada polo franquismo, e a súa filla Estrella. A nena, desde a súa infancia, sospeita que o seu pai oculta un segredo.
Premios
1983: Festival de Cannes: Nomeada á Palma de Ouro (mellor película)
1983: Festival de Chicago: Hugo de Ouro - Mellor película
"A fermosura do filme é indefinible. (...) a historia e a súa maxistral visualización sitúannos no bordo do inefable, máis aló das palabras. (...) un filme de tan singular beleza, que se esquecen e deixan pasar o seu precipitado final"
(Ángel Fernández Santos, EL PAÍS)
SESIÓN:
COTA:
18:00 e 21:00 h. (CUT+1)
De balde
setembro
23
set.
2020
mér.
« M » M, o vampiro de Düsseldorf
Fritz Lang · (Alemaña, 1931) 111 min. [+13] VOSE
Un asasino de rapazas ten atemorizada toda a cidade. A policía búscao desesperadamente, detendo a calquera persoa sospeitosa. Pola súa banda, os xefes do crime, furiosos polas redadas que están a sufrir por culpa do asasino, deciden buscalo eles mesmos.
Premios
1933: National Board of Review (NBR): Top películas estranxeiras
"O magnífico thriller de Fritz Lang fascina"
(Peter Bradshaw, THE GUARDIAN)
SESIÓN:
COTA:
18:00 e 21:00 h. (CUT+1)
De balde
24
set.
2020
xov.
«Mystery train»
Jim Jarmusch · (EUA, 1989) 105 min. [A] VOSE
A cidade de Memphis é o escenario das tres historias que conforman esta película. Lonxe de Yokohama segue a dous mozos xaponeses cuxo soño é visitar Graceland, a casa de Elvis Presley. En Unha pantasma, unha italiana fácil de convencer vese estancada nesa cidade esperando o avión que lles leve a casa a ela e ao cadáver do seu marido. E en Perdidos no espazo, tres homes son perseguidos pola lei como consecuencia de actos realizados baixo efectos do alcol. Tres historias que teñen máis que ver entre si do que parece a primeira vista.
Premios
1989: Festival de Cannes: Nomeada á Palma de Ouro (mellor película)
1989: Premios Independent Spirit: 7 nominacións incluíndo mellor película
"A súa grandeza reside nos seus finais abertos. É unha viaxe cun xeneroso guion que lle dá o mesmo status a todos os seus personaxes"
(Lesson Thomson, THE WASHINGTON POST)
SESIÓN:
COTA:
18:00 e 21:00 h. (CUT+1)
De balde
outubro
7
out.
2020
mér.
«Some like it hot» Con saias e a rachar
Época da Lei Seca. Joe e Jerry son dous músicos que se ven obrigados a fuxir tras testemuñar un axuste de contas entre dúas bandas rivais. Como non atopan traballo e a mafia os persegue, deciden vestirse de mulleres, Josephine e Daphne, e tocar nunha orquestra feminina. Para conquistar a Sugar Kane, a cantante do grupo, Joe finxe ser un magnate impotente; mentres tanto, a Jerry faille as beiras un millonario.
Premios
1959: Oscar: Mellor Vestiario
1959: Globos de Ouro: Mellor Película (Comedia), Actor (Jack Lemmon) e Actriz (Marilyn Monroe)
1959: Premios BAFTA: Mellor actor estranxeiro (Lemmon)
"Unha obra mestra imperecedera cuxo delirante diálogo final pon broche a un filme en verdade perfecto."
(Pablo Kurt, FILMAFFINITY.COM)
SESIÓN:
COTA:
18:00 e 21:00 h. (CUT+1)
De balde
8
out.
2020
xov.
«Nosferatu,eine symphonie des grauens» Nosferatu
F.W. Murnau · (Alemaña, 1922) 91 min. [A] VOSE
En 1838, Hutter, un axudante de notario, é enviado até Transilvania para concluír unha venda co dono dun castelo dos Cárpatos. Despois de atoparse con funestos presaxios ao longo do camiño, Hutter é recibido polo estraño conde Orlock. Ao día seguinte, Hutter érguese cunhas marcas no pescozo, que interpreta como picaduras de mosquito. Unha vez asinado o contrato, descobre que o conde é a reencarnación do vampiro Nosferatu. Ao velo partir cara ao seu novo fogar, Hutter teme pola súa esposa Ellen.
"Moitos elementos chave do xénero xurdiron de aquí xa totalmente formados (...) ‘Nosferatu’ mantense profundamente perturbadora"
(Tom Huddleston, TIME OUT)
SESIÓN:
COTA:
18:00 e 21:00 h. (CUT+1)
De balde
9
out.
2020
ven.
«Rear window» A ventá indiscreta
Un reporteiro fotográfico vese obrigado a permanecer en repouso cunha perna escaiolada. A pesar da compaña da súa noiva e da súa enfermeira, procura escapar ao tedio observando desde a xanela do seu apartamento cuns prismáticos o que ocorre nas vivendas de en fronte. Debido a unha serie de estrañas circunstancias, empeza a sospeitar que un veciño é un asasino que matou á súa muller.
Premios
1954: 4 nominacións ao Oscar: Mellor director, son, fotografía e guión
1954: Premios BAFTA: Nomeada a Mellor película
"A ventá indiscreta' é un espectáculo redondo de suspense, un dos mellores thrillers de Alfred Hitchcock"
(William Brogdon, VARIETY)
SESIÓN:
COTA:
18:00 e 21:00 h. (CUT+1)
De balde
11
out.
2020
dom.
«The godfather.» O padriño
Francis Ford Coppola · (EUA, 1972) 175 min. [+16] VOSE
Anos 40. Don Vito Corleone é o respectado e temido xefe dunha do cinco familias da mafia de Nova York. Ten catro fillos: Connie, o impulsivo Sonny, o pusilánime Fredo e Michael, que non quere saber nada dos negocios do seu pai. Cando Corleone, en contra dos consellos de Tom Hagen, se nega a participar no negocio das drogas, o xefe doutra banda ordena o seu asasinato. Empeza entón unha violenta e cruenta guerra entre as familias mafiosas.
Premios
1972: 3 Oscars: Mellor película, Actor (Marlon Brando), Guión adaptado
1972: 5 Globos de Ouro: Película (Drama), Director, Actor (Brando), Guión e BSO
"De obrigada visión"
(Peter Bradshaw, THE GUARDIAN)
SESIÓN:
COTA:
18:00 h. (CUT+1)
De balde
13
out.
2020
mar.
«Cléo de 5 à 7» Cleo de 5 a 7
Agnès Varda · (Francia, 1962) 90 min. [ND] VOSE
Cleo, unha cantante, decide vagar dúas horas por París á espera dos resultados dunha biopsia. O temor a ter cancro asáltalle a mente unha e outra vez. Tratando de ocupar o seu tempo, crúzase coa súa adiviña, toma café, visita a unha amiga e coñece un soldado a piques de partir para loitar na contenda de Alxeria, ao que confía o seu temor á morte.
Premios
1962: Festival de Cannes: Nomeada á Palma de Ouro (mellor película)
"Obra mestra (...) Exquisita"
(Tim Robey, TELEGRAPH)
SESIÓN:
COTA:
18:00 e 21:00 h. (CUT+1)
De balde
14
out.
2020
mér.
«Ta'm e guilass» O sabor das cereixas
Abbas Kiarostami · (Irán, 1997) 98 min. [+13] VOSE
Badii é un home canso da vida, quere suicidarse pero non pode porque vive nun país no que está moi mal visto. A súa única preocupación é atopar alguén que lle enterre. Badii ponse a buscar quen o faga a cambio dunha gran suma de diñeiro. O único que se ofrecerá será un taxidermista que necesita os cartos para curar ao seu fillo.
Premios
1997: Festival de Cannes: Palma de Ouro - mellor película (ex-aequo)
"Excepcional"
(Ángel Fernández Santos, EL PAÍS)
SESIÓN:
COTA:
18:00 e 21:00 h. (CUT+1)
De balde
15
out.
2020
xov.
«Plácido»
Luís García Berlanga · (España, 1961) 85 min. [A] VOE
Nunha pequena cidade provinciana, a unhas burguesas ociosas ocórreselles a idea de organizar unha campaña do Nadal cuxo lema é: "Sente un pobre á súa mesa". Trátase de que os máis necesitados compartan a cea de Noiteboa con familias acomodadas e gocen da calor e o afecto que non teñen.
Premios
1961: Nomeada ao Oscar: Mellor película de fala non inglesa
1962: Festival de Cannes: Nomeada á Palma de Ouro (mellor película)
"Unha dos mellores xeitos de enviar mensaxes subversivos nunha cultura reprimida foi sempre disfrazándoos de humor (...) Quita o humor e atoparás unha crítica rigorosa á cultura española baixo o mandato de Franco"
(Stephen Holden, THE NEW YORK TIMES)
SESIÓN:
COTA:
18:00 e 21:00 h. (CUT+1)
De balde
16
out.
2020
ven.
«Mononoke-hime» A princesa Mononoke
Hayao Miyazaki · (Xapón, 1997) 133 min. [+7] VOSE
No século XV, o bosque xaponés, protexido noutro tempo por animais xigantes, está a ser arrasado por culpa dos humanos. Un xabaril transformado nun demo destrutor ataca de súpeto a aldea de Ashitaka, futuro xefe do clan Emishi. Ferido polo xabaril ao que matou, Ashitaka vese obrigado a partir na procura do deus Cervo para que levante a maldición que lle gangrenou o brazo.
Premios
1997: Premios da academia xaponesa: Mellor película e premio especial
1999: Premios Annie: Nomeada a mellor dirección
"Miyazaki recrea a natureza cunha habilidade que corta a respiración"
(Andy Seiler, USA TODAY)
SESIÓN:
COTA:
18:00 e 21:00 h. (CUT+1)
De balde
18
out.
2020
dom.
«Il gattopardo» O gatopardo
Luchino Visconti · (Italia, 1963) 186 min. [A] VOSE
En 1860, na época da unificación de Italia, a vida de Don Fabrizio, Príncipe de Salina, e da súa familia vese alterada tras a invasión de Sicilia polas tropas de Garibaldi. Para afastarse dos disturbios, a familia refúxiase na casa de campo que posúen en Donnafugata en compañía de Tancredi, sobriño predilecto de Don Fabrizio e simpatizante do movemento de Garibaldi.
Premios
1963: Festival de Cannes: Palma de Ouro
1963: Globos de Ouro: Nomeada nova promesa masculina (Delon)
1963: Nomeada ao Oscar: Mellor vestiario
"Obra fundamental do cine europeo dos anos sesenta, e un dos films máis importantes e encomiados do gran Luchino Visconti. Unha película baseada na novela homónima (1958) de Giuseppe Tomasi dei Lampedusa. Como curiosidade é unha das 10 películas favoritas de Martin Scorsese de toda a historia do cine. "Non é só a mellor película de Visconti, senón unha obra que transcende ao seu creador, logrando unha sensibilidade e unha intelixencia que non están nas súas outras películas"
(Dave Kehr, CHICAGO READER)
SESIÓN:
COTA:
18:00 h. (CUT+1)
De balde
20
out.
2020
mar.
«Ladri di biciclette» Ladrón de bicicletas
Na Roma da posguerra, Antonio, un obreiro en paro, consegue un sinxelo traballo pegando carteis a condición de que posúa unha bicicleta, xa que ten que percorrer grandes distancias. Dese xeito, a duras penas consegue mercar unha, pero no seu primeiro día de traballo róubanlla. Antonio denuncia os feitos ás autoridades pero estas non fan nada por axudalo, de modo que Antonio e o seu fillo Bruno comezan a procura por recuperar a súa bicicleta.
Premios
1949: Oscar: Mellor película estranxeira
1949: Globos de Ouro: Mellor película estranxeira
1949: Premios BAFTA: Mellor película
""Unha película brillante e devastadora"
(Bosley Crowther, THE NEW YORK TIMES)
SESIÓN:
COTA:
18:00 e 21:00 h. (CUT+1)
De balde
21
out.
2020
mér.
«Rashômon» Rashomon
Akira Kurosawa · (Xapón, 1950) 88 min. [+13] VOSE
IXapón, século XII. En Kioto, baixo as portas do derruido templo de Rashomon, gorécense da torrencial choiva un leñador, un sacerdote budista e un peregrino. O tres discuten sobre o xuízo a un bandido, acusado de dar morte a un señor feudal e violar á súa esposa. Os detalles do crime son narrados desde o punto de vista do bandido, da muller, do señor feudal (coa axuda dun médium) e do leñador, única testemuña dos feitos.
Premios
1951: Festival de Venecia: León de Ouro
1951: Oscar: Mellor película estranxeira
"A primeira obra mestra de Kurosawa, dun poder sobrecolledor"
(Javier Rioyo, CINEMANÍA)
SESIÓN:
COTA:
18:00 e 21:00 h. (CUT+1)
De balde
22
out.
2020
xov.
«The Piano» O piano
1851. Ada, que é muda desde nena, acaba de enviuvar. Un matrimonio concertado polo seu pai obrígaa a deixar a súa Escocia natal e viaxar a Nova Zelandia, acompañada da súa filla Flora, coa que se comuncia por lingua de signos, e do seu piano. Alí coñece a Alistair, o seu futuro marido, un próspero granxeiro que a obriga a abandonar o piano na praia e posteriormente llo vende a un veci-o, George Baines. Este establecerá un estraño pacto con Ada: el deixaralle tocar o piano a cambio de que ela se deixe tocar. Entre eles, sen mediar palabra, empeza a xurdir unha conexión especial.
Premios
1993: Festival de Cannes: Palma de Ouro, mellor actriz
1993: Oscar: premios mellor actriz, actriz secundaria, guión orixinal
1993: Globos de Ouro: mellor actriz (drama)
1993: BAFTA: premios mellor actriz, vestiario, deseño de produción
1993: César: premio mellor película estranxeira
"Evocadora, poderosa e extraordinariamente bela (...) a tensión erótica que xera Campion é case insoportable"
(Hal Hinson, THE WASHINGTON POST)
SESIÓN:
COTA:
18:00 e 21:00 h. (CUT+1)
De balde
23
out.
2020
ven.
«Fantasia» Fantasía
Ben Sharpsteen , James Algar , Samuel Armstrong , Ford Beebe , Norman Ferguson , Jim Handley, T. Hee , Wilfred Jackson, Hamilton Luske , Bill Roberts , Paul Satterfield · (EUA, 1940) 114 min. [A] VOE
Colección de interpretacións animadas de grandes obras de música clásica. N'O aprendiz de bruxo (P. Du-kas), Mickey Mouse métese nun gran envurullo, pois os seus coñecementos de maxia son moi limitados. A consagración da primavera (Stravinsky) conta a historia da evolución, desde os seres unicelulares até a extinción dos dinosauros. A danza das horas (Ponchielli) é un fragmento dun ballet cómico interpretado por elefantes, hipopótamos, crocodilos e avestruces. Unha noite no Monte Pelado (Mussorgsky) e Ave Maria (Schubert) describen o enfrontamento entre a escuridade e a luz.
Premios
1941: Oscar: premios honoríficos á música e sonn
"É unha obra atrevida que busca educar á xuventude sobre a música clásica. Mais tamén é xoguetona e marabillosamente imaxinativa "
(Sameer Rahim, TELEGRAPH)
SESIÓN:
COTA:
18:00 h. (CUT+1)
De balde
25
out.
2020
dom.
«Limelight» Luces de escena
Charles Chaplin · (EUA, 1952) 145 min. [A] VOSE
Londres, Primeira Guerra Mundial. Un vello pallaso ve como a súa carreira está en decadencia por mor da situación que vive o país. Despois de evitar o suicidio dunha moza bailarina con depresión, acóllea na súa casa e ocúpase de ensinarlle todo o que sabe do mundo do teatro para facela triunfar.
Premios
1952: Premios BAFTA: Mellor promesa (Claire Bloom). Nomeada a mellor película
1972: Oscar: Mellor banda sonora
"Hai momentos sublimes e profundamente conmovedores e para os que pensan que Chaplin é unha das principais figuras da cultura popular do século XX"
(Philip French, THE GUARDIAN)
SESIÓN:
COTA:
18:00 h. (CUT+1)
De balde
27
out.
2020
mar.
«Cabaret»
Berlín, anos 30. O partido nazi domina unha cidade onde o amor, o baile e a música mestúranse na animada vida nocturna do Kit Kat Club. Un refuxio máxico onde a moza Sally Bowles e un divertido mestre de cerimonias fan esquecer as tristezas da vida.
Premios
1972: Oscar: premios mellor dirección, actriz, montaxe, actor secundario, fotografía, deseño de produción, canción orixinal e son
1972: Globos de Ouro: mellor comedia/musical, actriz comedia/musical, actor secundario
1972: BAFTA: premios mellor película, dirección, actriz, fotografía, banda sonora, dirección artística
"É culta, obscena, sofisticada, sensual, cínica, tenra e reflexiva de maneira perturbadora"
(VARIETY)
SESIÓN:
COTA:
17:00 e 28:00 h. (CUT+1)
De balde
28
out.
2020
mér.
«Chelovek s kino-apparatom» O home da cámara
Dziga Vertov · (Unión Soviética, 1929) 67 min. [A] VOSE
Dziga Vertov amósanos neste filme con ton documental a vida do día a día na cidade de San Petersburgo. A través da súa cámara, que actúa coma o propio ollo, Vertov capta a esencia do escenario, querendo plasmar as relacións sociais dos cidadáns a través dunha análise marxista. Como única trama, o director tenta plasmar a rutina dun operador de cámara soviético que ten que filmar a cidade desde que amence ata que se oculta o sol.
"Do resultado dunha enquisa de críticos, é a oitava mellor película do mundo"
(SIGHT AND SOUND)
SESIÓN:
COTA:
17:00 e 20:00 h. (CUT+1)
De balde
29
out.
2020
xov.
«La historia oficial» A historia oficial
Luis Puenzo · (Arxentina, 1985) 110 min. [+13] VOE
Bos Aires, 1983. Nos últimos anos da ditadura militar arxentina, Alicia, unha acomodada profesora de historia comeza a tomar conciencia do ocorrido nese período. As súas sospeitas sobre os escuros asuntos do seu marido e unha Avoa de Praza de Maio que busca á súa neta son os motivos que a levan a reformularse "a historia oficial".
Premios
1985: Festival de Cannes: Premios do xurado ecuménico e mellor actriz
1985: Festival de Toronto: premio mellor película (Premio do Público)
1985: Oscar: Mellor película de fala non inglesa
1985: Globos de Ouro: Mellor película de fala non inglesa
1986: David di Donatello: Mellor actriz estranxeira
1986: Festival de Berlín: premio Interfilm - Premio Otto Dibelius Film
"Non só é unha obra mestra, unha película modélica, de progresión dramática implacable, de inaudita combatividade e de firme compromiso político. É tamén unha película que desborda emotividade e lirismo..."
(Miguel Ángel Palomo, EL PAÍS)
SESIÓN:
COTA:
17:00 e 20:00 h. (CUT+1)
De balde
30
out.
2020
ven.
«Les triplettes de Belleville» Benvidos a Belleville
Sylvain Chomet · (Francia, 2003) 78 min. [A] VOSPt
A idea xenial da Señora Souza de regalar unha bicicleta ao seu sobriño Champion excedeu as súas expectativas. Cun rigoroso adestramento, Champion está preparado para participar na carreira ciclista máis famosa do mundo: o Tour de Francia. Con todo, durante a competición dous misteriosos homes vestidos de negro o secuestran. A Señora Souza e o seu fiel can Bruno emprenden a súa procura, que os leva á enorme cidade de Belleville, onde as famosas Trixemelgas deciden acollelos baixo a súa protección. Poderán combater os diabólicos plans da mafia francesa?
Premios
2003: Premios Cesar: mellor música. 3 nominacións
"Unha pequena xoia de animación"
(Brigitte Baudin, LE FIGARO)
SESIÓN:
COTA:
17:00 e 20:00 h. (CUT+1)
De balde
novembro
1
nov.
2020
dom.
«Da hong Deng long Gao gao Gua» A lanterna vermella
Zhang Yimou · (China, 1991) 125 min. [+13] VOSE
China, anos 20. Tras a morte do seu pai, a moza de 19 anos Songlian vese forzada a casar con Chen Zouqian, o señor dunha poderosa familia. El é un home de 50 anos e ten xa tres esposas, cada unha das cales vive nunha casa independente dentro dun gran castelo. Songlian deberá facerse forte para conseguir competir contra elas. Todas as noites, o vello Zuoqian elixe con cal vai pasar a noite. A elixida sabe que é ela cando ve na súa casa unha vella lanterna vermella acesa.
Premios
1991: Festival de Venecia: León de Prata - Mellor Dirección
1991: David di Donatello: Mellor película estranxeira
1992: BAFTA: Mellor película de fala non inglesa
"Yimou gravou o filme para que a riqueza das súas cores e a atmosfera claustrofóbica encaixasen á perfección coa historia (...) Unha obra marabillosamente estruturada, moi imaxinativa e ben interpretada""
(Derek Malcom, THE GUARDIAN)
SESIÓN:
COTA:
17:00 h. (CUT+1)
De balde
3
nov.
2020
mar.
«Persona»
Ingmar Bergman · (Suecia, 1966) 81 min. [+12] VOSE
Elisabeth, unha importante actriz teatral, é hospitalizada tras perder a voz durante unha representación de Electra. Despois de someterse a unha serie de probas, o diagnóstico é bo. Con todo, como segue sen falar, debe permanecer na clínica. Alma, a enfermeira encargada de coidala, tenta romper o seu mutismo falándolle sen parar. A irrupción do marido de Elisabeth complicará a relación das dúas mulleres.
Premios
1967: Premios Guldbagge (Suecia): mellor película e actriz (Bibi Andersson)
"Expandiu as posibilidades do cine en termos de montaxe abstracto e xuxtaposición de rostros humanos"
(Mike D'Angelo, AV CLUB)
SESIÓN:
COTA:
17:00 e 20:00 h. (CUT+1)
De balde
4
nov.
2020
mér.
«Trois couleurs: Bleu» Tres cores: Azul
Krzysztof Kieślowski · (Francia, 1993) 100 min. [+12] VOSE
Nun accidente de coche, Julie perde ao seu marido Patrice, un prestixioso compositor, e á súa filla Anna. Ao recuperarse das súas lesións, decide comezar unha nova vida, independente, solitaria e anónima, afastada dos privilexios que antes gozaba. Olivier, o axudante de Patrice, namorado dela desde hai moitos anos, tenta sacala do seu illamento, e acaba convencéndoa para que remate o «Concerto para Europa», unha ambiciosa obra inacabada de Patrice.
Premios
1993: Festival de Venecia: León de Ouro (mellor película), mellor actriz (Binoche) e fotografía
1993: Premios César: 3 Premios.
"A triloxía das cores de Kieslowski é un fascinante, pesimista e á vez esperanzado tratado metafísico sobre a banalidade de tres grandes conceptos: Liberdade, Igualdade e Fraternidade"
(Luís Martínez, EL MUNDO)
SESIÓN:
COTA:
17:00 e 20:00 h. (CUT+1)
De balde
5
nov.
2020
xov.
«El ángel exterminador» O anxo exterminador
Luis Buñuel · (México, 1962) 90 min. [ND] VOE
Despois dunha cea na mansión dos Nóbile, os convidados descobren que, por razóns inexplicables, non poden saír do lugar. Ao prolongarse a situación durante varios días, a cortesía no trato deixa paso ao máis primitivo e brutal instinto de supervivencia. Unha parábola sobre a descomposición dunha clase social encerrada en si mesma.
"Absolutamente inesquecible (...) Unha película magnífica"
(Joseph Morgenstern, NEWSWEEK)
SESIÓN:
COTA:
17:00 e 20:00 h. (CUT+1)
De balde
6
nov.
2020
ven.
«The Man Who Shot Liberty Valance» O home que matou a Liberty Valance
Ransom Stoddard, un ancián senador do Congreso dos Estados Unidos, explica a un xornalista por que viaxou coa súa muller para asistir ao funeral do seu vello amigo Tom Doniphon. A historia comeza moitos anos antes, cando Ransom era un novo avogado do Leste que se dirixía en dilixencia a Shinbone, unha vila do Oeste, para exercer a avogacía e impor a lei. Pouco antes de chegar, foi atracado e golpeado brutalmente polo temido pistoleiro Liberty Valance.
"É, ao mesmo tempo, o western máis romántico e a máis grandiosa película política americana"
(Richard Brody, THE NEW YORKER)
SESIÓN:
COTA:
17:00 e 20:00 h. (CUT+1)
De balde
8
nov.
2020
dom.
«O Thiassos» A viaxe dos comediantes
Theodoros Angelopoulos · (Grecia, 1975. Cor, 230, 1975) 230 min. [+13] VOSE
Durante a Segunda Guerra Mundial, Grecia sofre a ocupación das tropas nazis. Nesas circunstancias, unha compañía teatral realiza unha xira polo país, aínda que as súas representacións se ven continuamente interrompidas polos conflitos políticos. Por outra banda, unha das actrices tenta vingarse da súa nai á que responsabiliza da morte do seu pai. O seu irmán, un partisano, axudaraa a satisfacer os seus propósitos.
Premios
1975: Festival de Cannes: Premio FIPRESCI
"A viaxe dos comediantes é unha obra monumental que fascina cando entendemos todo o alcance da súa proposta, contada en varios niveis, cunha maneira próxima, bela e emotiva."
(Mario Salazar, NENUFARESEFERVESCENTES.BLOGSPOT.COM)
SESIÓN:
COTA:
17:00 h. (CUT+1)
De balde
10
nov.
2020
mar.
«En construcción»
José Luis Guerín · (España, 2001) 125 min. [A] VOSE
Documental que plasma o cambio producido nun emblemático barrio popular de Barcelona tras aprobarse un novo plan urbanístico. A película fai un paralelismo entre a transformación física do lugar e os cambios que se producen en varias persoas que viven alí: un vello mariñeiro que anda dun lado para outro buscando pensión para durmir, unha prostituta que vive co seu noivo neste barrio e un grupo de marroquís que traballan no distrito e que seguen fielmente o Islam.
Premios
2001: Festival de San Sebastián: premio especial do xurado. premio FIPRESCI
2001: Premios Goya: mellor documental
"Admirable película"
(Carlos Boyero, EL MUNDO)
SESIÓN:
COTA:
17:00 e 20:00 h. (CUT+1)
De balde
11
nov.
2020
mér.
«La nuit américaine» A noite americana
François Truffaut · (Francia, 1973) 115 min. [+18] VOSE
Un director de cinema loita para completar a súa película mentres fai fronte a unha infinidade de dificultades, persoais e profesionais, dos actores e os membros do equipo técnico.
Premios
1973: Oscar: premio mellor película de fala non inglesa
1973: BAFTA: premio mellor película, dirección e actriz secundaria
"Marabilloso homenaxe ao cine e á fascinación por crear historias (...) Unha obra inesquecible"
(Miguel Ángel Palomo, EL PAÍS)
SESIÓN:
COTA:
17:00 e 20:00 h. (CUT+1)
De balde
12
nov.
2020
xov.
«Ordet» Ordet (A palabra)
Carl Theodor Dreyer · (Dinamarca, 1955) 125 min. [+13] VOSE
Cara a 1930, nunha aldea de Iutlandia, vive o vello granxeiro Morten Borgen. Ten tres fillos: Mikkel, Johannes e Anders. Mikkel está casado con Inger, ten dúas fillas e espera o nacemento do seu terceiro fillo. Johannnes estudou Teoloxía e, por imbuírse das ideas de Kierkegaard e identificarse con Xesucristo, é tomado por un tolo. Anders está namorado da filla do xastre, líder intransixente dun sector relixioso rival. Tal circunstancia revitaliza a discordia que sempre existiu entre as dúas familias, xa que ningunha ve con moi bos ollos que os seus fillos contraian matrimonio.
Premios
1955: Festival de Venecia: León de ouro (mellor película)
1955: Globos de Ouro: premio mellor película estranxeira
"É simplemente unha obra mestra"
(David Parkinson, RADIO TIMES)
SESIÓN:
COTA:
17:00 e 20:00 h. (CUT+1)
De balde
13
nov.
2020
ven.
«Grey gardens»
Grey Gardens é unha mansión mercada en 1923 por Phelan e Edith Bouvier Beale, tios da famosa Jackie Kennedy. Tras unha serie de circunstancias, Edith foi desherdada e abandonada polo seu marido. Nos anos 70, Edith nai ten 80 anos e Edith filla 60, e levan décadas vivindo na mansión destruída, na máis secreta reclusión e na marxinalidade social, ata que uns xornais amosan a vida decadente destas dúas mulleres.
"Extraordinario documental onde amósase a patolóxica dependenza emocional da parella"
(Elvira Lindo, EL PAÍS)
SESIÓN:
COTA:
17:00 e 20:00 h. (CUT+1)
De balde
15
nov.
2020
dom.
«2001: A Space Odyssey» 2001: Unha odisea no espazo
Stanley Kubrick · (Reino Unido, 1968) 139 min. [A] VOSE
Hai millóns de anos, antes da aparición do "homo sapiens", uns primates descobren un monólito que os conduce a un estadio de intelixencia superior. Millóns de anos despois, outro monólito, enterrado nunha lúa, esperta o interese dos científicos. Por último, durante unha misión da NASA, HAL 9000, unha máquina dotada de intelixencia artificial, encárgase de controlar todos os sistemas dunha nave espacial tripulada.
Premios
1968: Oscar: mellores efectos visuais
1968: Premios David di Donatello: mellor produción estranxeira
1968: Premios BAFTA: mellor banda sonora, fotografía e dirección artística
"Sigue a ser visionaria despois de todos estos anos (...) [Un] clásico que influenciou a unha xeración de películas de ciencia ficción"
(Peter Bradshaw, THE GUARDIAN)
SESIÓN:
COTA:
17:00 h. (CUT+1)
De balde
17
nov.
2020
mar.
«Aguirre der Zorn Gottes» Aguirre, a cólera de Deus
Werner Herzog · (Alemaña, 1972) 94 min. [+18] VOSE
En 1560, unha tropa de conquistadores españois descende da montaña en busca de El Dorado. Pero parte do equipo sepárase nos pantanos. Constitúen unha expedición máis pequena, baixo o control de Pedro de Ursua e do seu segundo, Lope de Aguirre. Aguirre, aventureiro ambicioso e brutal, manipularao todo habilmente para proporlles aos seus compañeiros un novo xefe, Fernando de Guzmán.
Premios
1972: Premios do Cinema Alemán: mellor fotografía
"Si é verdade que hai que estar un pouco tolo para facer películas, Werner Herzog é todo un exemplo (...) Mestura paisaxes e persoaxes con tal forza que, unha vez vista, nunca a esquecerás"
(Derek Malcolm,LONDON EVENING STANDARD)
SESIÓN:
COTA:
17:00 e 20:00 h. (CUT+1)
De balde
18
nov.
2020
mér.
«Blue Velvet» Veludo azul
David Lynch · (EUA, 1986) 120 min. [+18] VOSE
Unha mañá despois de visitar ao seu pai no hospital, Jeffrey Beaumont atopa entre uns arbustos unha orella humana. Gárdaa nunha bolsa de papel e lévaa á comisaría. A súa amiga Sandy, filla do detective Williams, cóntalle detalles sobre unha muller sospeitosa chamada Dorothy que pode estar conectada co caso. Curioso, Jeffrey inicia a súa propia investigación.
Premios
1986: Festival de Sitges: mellor película e fotografía
1986: Festival de Montreal: mellor actor
"Un clásico de culto de forma instantánea (...) tan fascinante como extraña"
(Janet Maslin, THE NEW YORK TIMES)
SESIÓN:
COTA:
17:00 e 20:00 h. (CUT+1)
De balde
19
nov.
2020
xov.
«Saturday night and sunday morning» Sábado noite, domingo mañá
Karel Reisz · (Reino Unido, 1960) 89 min. [+13] VOSE
Arthur Seaton é un mozo inglés de carácter rebelde que traballa nunha fábrica de Nottingham. Trata de fuxir da súa rutineira e aburrida vida bebendo e divertíndose canto pode as fins de semana. Esa é a única meta da súa vida: pasalo o mellor posible. Ten un romance con Brenda, a muller dun compañeiro de traballo, e simultaneamente comeza unha relación con Doreen, unha muller solteira máis da súa quinta. Todo se complica cando queda embarazada.
Premios
1960: BAFTA: mellor filme británico, actriz británica e promesa
1961: Festival de Mar de Prata: mellor película
" O maior éxito do cine británico dos anos 60."
(FILMAFFINITY)
SESIÓN:
COTA:
17:00 e 20:00 h. (CUT+1)
De balde
20
nov.
2020
ven.
«La ley del deseo» A lei do desexo
Pedro Almodóvar · (España, 1987) 100 min. [+18] VOSE
Pablo e Tina son dous irmáns, dedicados ao mundo do espectáculo, que están marcados para sempre pola separación dos seus pais e, sobre todo, por un escuro segredo de Tina. A vida dos irmáns vivirá un cambio abrupto, e mesmo violento, cando Pablo coñeza a Antonio, un mozo atractivo e intenso con graves problemas psicolóxicos.
"A película é festiva. Non disfraza o seu narcisismo; o convirte nunha traxicomedia de cores brillantes"
(Pauline Kael, THE NEW YORKER)
SESIÓN:
COTA:
17:00 e 20:00 h. (CUT+1)
De balde
22
nov.
2020
dom.
«Per qualche dollaro in più» A morte tiña un prezo
Sergio Leone · (Italia, 1965) 132 min. [+12] VOSE
O Manco e o Coronel Mortimer son dous cazadores de recompensas que buscan ao mesmo home, un malfeitor alcumado o Indio. Deciden unir as súas forzas para atopalo e repartir a recompensa a partes iguais, aínda que as razóns que os moven son completamente diferentes.
"Unha obra de acción de primeiro nivel"
(VARIETY)
SESIÓN:
COTA:
17:00 h. (CUT+1)
De balde
24
nov.
2020
mar.
«Triumph des Willens» O triunfo da vontade
Leni Riefenstahl · (Alemaña, 1935) 110 min. [A] VOSE
Alemaña, 1934. Adolf Hitler acababa de chegar ao poder un ano antes. En Nuremberg, o partido nacionalsocialista celebra un triunfalista e patriótico congreso no que se exaltan os valores do pobo alemán e a raza aria.
"Velo hoxe sabendo o que supuxo o nacionalsocialismo na década seguinte xea o sangue. Repudiable pola ominosa mensaxe que escondía tanta orde e harmonía, pode afirmarse con todo que é o mellor documental de propaganda xamais rodado."
(Pablo Kurt, FILMAFFINITY)
SESIÓN:
COTA:
17:00 e 20:00 h. (CUT+1)
De balde
25
nov.
2020
mér.
«Fresa y chocolate» Amorodo e chocolate
David é un comunista convencido que estuda Socioloxía na Universidade da Habana. Diego é un artista homosexual acosado pola homofobia do réxime castrista. A pesar das abismais diferenzas que os separan, entre eles xorde unha profunda amizade.
Premios
1994: Goya: mellor película estranxeira de fala hispana
1994: Festival de Berlín: Oso de prata - Premio especial do xurado
1994: Festival de Chicago: Hugo de prata - mellor actor (Perugorría)
1995: Sundance: Premio especial do xurado (Mención especial: Gutiérrez Alea)
1993: Festival de La Habana: mellor película
"Sorprendente, honesta, deliciosa, triste e necesaria"
(Carlos Boyero, EL MUNDO)
SESIÓN:
COTA:
17:00 e 20:00 h. (CUT+1)
De balde
26
nov.
2020
xov.
«Dancer in the Dark» Bailar na escuridade
Selma Jezkova, inmigrante checa e nai solteira, traballa nunha fábrica da América rural e só atopa consolo na súa paixón pola música, especialmente nas cancións e coreografías dos musicais clásicos de Hollywood. Selma oculta un terrible segredo: está a perder a vista, e o seu fillo Gene correrá a mesma sorte se ela non consegue, a tempo, o diñeiro suficiente para pagarlle unha operación. Por riba, un veciño desesperado acusa falsamente a Selma de roubarlle os seus aforros.
Premios
2000: Festival de Cannes: Palma de ouro, mellor actriz (Björk)
2000: 2 Premios do Cine Europeo: Mellor película europea e actriz (Björk)
"Cautivadora e fermosa"
(Kim Newman, EMPIRE)
SESIÓN:
COTA:
17:00 e 20:00 h. (CUT+1)
De balde
27
nov.
2020
ven.
«Trainspotting»
Danny Boyle · (Reino Unido, 1996) 90 min. [+18] VOSE
Mark Renton, un mozo de Edimburgo, e os seus amigos son adictos á heroína, o que significa que viven fóra da realidade, nun mundo aparte. Todos eles teñen a intención de loitar na vida contra os terribles efectos das drogas, pero as tentacións son moi grandes e a súa forza de vontade un tanto escasa.
Premios
1995: BAFTA: premio mellor guión adaptado
"Un cóctel de encanto cutre, nervio e desesperanza que seduce e repugna en igual medida"
(Hal Hinson, THE WASHINGTON POST)
SESIÓN:
COTA:
17:00 e 20:00 h. (CUT+1)
De balde
29
nov.
2020
dom.
«The Thin Red Line» A delgada liña vermella
Terrence Malick · (EUA, 1998) 163 min. [+13] VOSE
1942. Na Segunda Guerra Mundial, os homes que compoñen a compañía Charlie deben participar na batalla de Guadalcanal, no Pacífico. Un exército xaponés combaterá cos Charlie para quedar cun estratéxico outeiro. Conseguirán derrotar os americanos ás tropas xaponesas?
Premios
1999: Festival de Berlín: Oso de ouro e mención de honra (John Toll)
"Unha obra mestra do cinema bélico, ou antibélico"
(Oti Rodríguez Marchante, ABC)
SESIÓN:
COTA:
17:00 h. (CUT+1)
De balde
decembro
1
dec.
2020
mar.
«La batalla de Chile (1): La insurrección de la burguesía»
Patricio Guzmán · (Chile, 1975) 100 min. [+18] VOE
Salvador Allende pon en marcha un programa de profundas transformacións sociais e políticas. Desde o primeiro día a dereita organiza contra el unha serie de folgas salvaxes mentres a Casa Branca o asfixia economicamente. A pesar do boicot (en marzo de 1973) os partidos que apoian a Allende obteñen o 43,4% dos votos. A dereita comprende que os mecanismos legais xa non lles serven. De agora en diante a súa estratexia será o golpe de estado.
"Abafador e admirable documental dun país que é lanzado ao caos coa inevitabilidade dunha traxedia grega"
(Kevin Thomas, LOS ANGELES TIMES)
SESIÓN:
COTA:
17:00 e 20:00 h. (CUT+1)
De balde
2
dec.
2020
mér.
«Citizen Kane» Cidadán Kane
Un importante magnate estadounidense, Charles Foster Kane, dono dunha importante cadea de xornais, dunha rede de emisoras e dunha inimaxinable colección de obras de arte, morre en Xanadú, o seu fabuloso castelo de estilo oriental. A última palabra que pronuncia antes de expirar, "Rosebud", cuxo significado é un enigma, esperta unha enorme curiosidade tanto na prensa como entre a poboación. Así, un grupo de xornalistas emprende unha investigación para desentrañar o misterio.
Premios
1941: Oscar: premio mellor guión orixinal
"Unha metáfora potente da traizón aos principios, a dexeneración do soño americano, e unha intelixente observación sobre a natureza corruptora do poder"
(David Wood, BBC)
SESIÓN:
COTA:
17:00 e 20:00 h. (CUT+1)
De balde
3
dec.
2020
xov.
«La ciénaga» O pantano
Lucrecia Martel · (Arxentina, 2001. Cor, 102, 2001) 102 min. [A] VOE
En febreiro, nos pantanos do noroeste de Arxentina, a sufocante calor mestúrase con choivas tropicais. Dúas familias (unha de clase media urbana e outra de produtores rurais en decadencia) entrecrúzanse no sopor provinciano dunha Salta caótica e inmutable, onde nada sucede pero todo está a piques de estalar. Un día todo cambia cando un accidente une estas dúas familias.
Premios
2001: Festival de Berlín: Premio Alfred Bauer
2001: Festival de Sundance: mellor guión
2001: Festival da Habana: mellor película
"Escuro brote de talento, de estraña e vigorosa secuencia. Filme duro, violento e brusco"
(Ángel Fernández Santos, EL PAÍS)
SESIÓN:
COTA:
17:00 e 20:00 h. (CUT+1)
De balde
4
dec.
2020
ven.
«Yol» O camiño
Cinco prisioneiros dun cárcere turco reciben permiso para viaxar ás súas casas durante unha semana. Cada un deles ten os seus propios problemas, preocupacións e nostalxias. Rigorosas leis, escritas e non escritas, e un sistema brutal son unha carga que pesa sobre eles. Sofren violencia e exercen violencia. As vacacións, comezadas con esperanza, terminan con dor.
Premios
1982: Cannes: Palma de ouro (ex-aequo) e Premio FIPRESCI
"YOL é a obra fundamental de Yılmaz Güney, probablemente o director máis importante da historia do cine turco. A produción de Yol é tan interesante como a propia película: preso durante a rodaxe, o cineasta delega a dirección en Şerif Gören, antes de escapar da prisión para completar a montaxe en Suíza. A aventura que precedeu ao estreo da película contribuíu certamente ao seu impacto, con todo, non pode ocultarse completamente a calidade desta película"
(Louis Rossier, DAILY MOVIES)
SESIÓN:
COTA:
17:00 e 20:00 h. (CUT+1)
De balde
6
dec.
2020
dom.
«8½ (Otto e mezzo)» Fellini, oito e medio
Federico Fellini · (Italia, 1963. B/N, 140, 1963) 1402 min. [+12] VOSE
Guido Anselmi é un prestixioso director de cinema que se atopa en metade dun proxecto imposible de acabar. O realizador está a atravesar unha crise de inspiración e a presión exercida polos que o rodean non lle axuda a saír do ensimismamento. Nesta situación, empeza a pasar revista aos feitos máis importantes da súa vida e a lembrar a todas as mulleres ás que amou.
Premios
1963: Oscar: premios mellor película de fala non inglesa e vestiario
"A alucinóxena obra mestra de Fellini é a máis película das películas (...) É unha obra que nunca deixa de recompensar e sorprender"
(Tara Brady, IRISH TIMES)
SESIÓN:
COTA:
17:00 h. (CUT+1)
De balde
18
dec.
2020
ven.
«Arrebato» Arroutada
Iván Zulueta · (España, 1979) 110 min. [+18] VOE
Tras finalizar a súa segunda longametraxe, o cineasta José Sirgado séntese profundamente insatisfeito coa súa vida ao entrar na trintena. Debátese entre a insatisfacción que lle causa a súa carreira cinematográfica, as secuelas da súa adicción á heroína e a nostalxia da súa relación con Ana, que fora a protagonista da ópera prima. Un día, ao volver a casa, atópase coas dúas tentacións, a heroína e Ana, á súa disposición. Tamén recibe un misterioso paquete enviado por Pedro, un personaxe inquietante, que lle manda unha película gravada en Super 8 onde José atopará tanto unha vía de escape como o camiño sen retorno ao maior dos infernos.
Premios
1981: Festival Fantasporto: Premio da Crítica, mellor actor e guión
"Film de culto, moderno e/ou posmoderno, concibido cun orzamento mínimo, (...) 'Arrebato' integra un acoutado grupo de películas españolas que marcaron un antes e un despois na historia do cinema"
(Gustavo Castagna, TIEMPO ARGENTINO)
SESIÓN:
COTA:
17:00 e 20:00 h. (CUT+1)
De balde
20
dec.
2020
dom.
«Rosemary's Baby» A semente do diaño
Guy e Rosemary Woodhouse, un matrimonio neoiorquino, múdanse a un edificio situado fronte a Central Park, sobre o cal, segundo un amigo, pesa unha maldición. Unha vez instalados, fanse amigos de Minnie e Roman Castevet, uns veciños que os colman de atencións. Ante a perspectiva dun bo futuro, os Woodhouse deciden ter un fillo; pero cando Rosemary queda embarazada, o único que lembra é facer o amor cunha estraña criatura que lle deixou o corpo cheo de marcas. Co paso do tempo, Rosemary empeza a sospeitar que o seu embarazo non é normal.
Premios
1968: Oscar: premio mellor actriz secundaria
1968: Globos de Ouro: premio mellor actriz secundaria
1968: David di Donatello: premios mellor dirección e actriz estranxeira
"Unha excelente versión da novela satánica de Ira Levin"
(VARIETY)
SESIÓN:
COTA:
17:00 h. (CUT+1)
De balde
22
dec.
2020
mar.
«Chun gwong tsa sit» Happy together
Wong Kar-Wai · (Hong Kong, 1997) 98 min. [+13] VOSE
Yiu-Fai e Po-Wing levan un tempo xuntos moi namorados e deciden viaxar desde Hong Kong a Arxentina para empezar unha nova vida de cero. A chegada ao novo país parece transformar as cousas e Po-Wing abandona a Yiu-Fai, que comeza a traballar nun bar de tango para conseguir o diñeiro dun billete de volta a casa. Un día Po-Wing reaparece, pero esta igual que sempre e Yiu-Fai busca estabilidade na súa vida.
Premios
1997: Festival de Cannes: premio mellor dirección
"Estraña e subxugante"
(Omar Khan, CINEMANÍA)
SESIÓN:
COTA:
17:00 e 20:00 h. (CUT+1)
De balde
Os acrónimos utilizados son: VO = versión orixinal, VOS = versión orixinal subtitulada, VOSE = versión orixinal subtitulada en castelán, VOSG = Versión orixinal subtitulada en galego, VDE = versión dobrada en castelán, VDG = versión dobrada en galego.
A calificación por idades de cada filme amósase con: [A] = apta para todos os públicos, [+N] = recomendado para maiores de N anos (onde N é a idade mínima recomendábel) e [SC]/[ND] = sen calificación ou non dispoñíbel.
ADVERTENZAS: O cineclube conta cun protocolo de medidas anti COVID, que obriga a unha entrada e saída diferentes da sala, aforo reducido, hixienización e ventilación entre sesións e obrigación do uso da máscara en todo momento. Non se permite o acceso á sala unha vez comenzada a sesión. Tampouco se permite o uso do teléfono móbil unha vez comezada a proxección *; sendo motivo o incuprimento das normas citadas, da expulsión da sala, sen dereito á reclamación (En caso de socio/-a será proposto de expulsión da asociación).
* Agás para os filmes con audiodescrición, así sinalizados [AD)))]
A audiodescrición é posíbel coa aplicación AudescMobile da Fundación ONCE para os sistemas operativos Android e iOS (de balde). Non é preciso máis software e/ou hardware adicional. O/A usuario/a coa aplicación instalada no seu trebello móbil, descarga a audiodescrición do filme que desexa ver e unha vez na sala, conecta os seus auriculares e inicia a aplicación co arquivo da audiodescrición; o arquivo sonoro sincronízase de xeito automático co filme.
Horarios CUT+1
Ningún comentario:
Publicar un comentario