Programación de outubro a decembro de 2023

VIII Ciclo Colexio de médicos

Sesións de ciclo dos mércores

Luns de Filmoteca CGAI

Sesións especiais

Cine de outono en Ribadavia

Sede benvidos/as á ultima parte de tempada do cineclube, ao cinema nun cuarto escuro que precisa acubillar espectadores/as desexosos de recibir emocións coma ti.

Pregamos atención ás últimas citas co ciclo do Colexio de Médicos, ao Ciclo de Outono en Ribadavia e as sesións especiais que se programan en días e horarios distintos aos habituais.

«out-dec 2023»· cartel realizado por Olalla Esquimal (cineclupePF)

Na canle de «You Tube» tedes o avance visual ^{[.mp4 • 20'7 MB]}, que resume a programación destes dous meses e medio.

Antes do detalle da programación, lembramos que tedes á vosa disposición as follas de sala de cada proxección no seguinte enlace [Abre outra xanela].

Sesións no Teatro principal de outubro a decembro 2023

Durante os meses de outubro, novembro e decembro de 2023 proxectaremos no Teatro principal de Ourense (Rúa da Paz, 9) as seguintes sesións de ciclo lembrando, que podedes consultar e descargar as follas de sala, aquí [Abre outra xanela]

Filmoteca de outubro a decembro de 2023

Grazas á colaboración coa Axencia galega de industrias culturais (AGADIC); dentro da programación descentralizada da Filmoteca de Galicia (CGAI), proxectaremos durante os luns de outubro, novembro e decembro de 2023, os seguintes filmes na Casa de Cultura (Rúa Concello núm. 11 de Ourense).

Podes consultar e descargar as follas de sala, aquí
[Abre outra xanela]

XI Miradas etnográficas. Quenes somos e de onde vimos

Nalgún apartado recuncho do universo, espallado de innumerables e escintilantes sistemas solares, houbo unha vez un astro no que animais astutos inventaron o coñecer. Foi o minuto máis soberbio e máis falaz da historia universal, pero, a final de contas, só un minuto.

Tras un par de respiracións da natureza, o astro entumeceuse e os animais astutos tiveron que perecer. Alguén podería inventar unha fábula como esta e, con todo, non ilustraría suficientemente, como de lamentable, escuro, estéril e arbitrario é o aspecto que ten o intelecto humano dentro da natureza; houbo eternidades nas que non existiu, cando de novo acábese todo para el, non sucedería nada. Porque non hai para ese intelecto ningunha misión ulterior que conduza máis aló da vida humana.

Neste tempo de retos e grandes encrucilladas, onde a intelixencia artificial semella tocar o ceo e as estrelas e talvez abra paso a unha nova humanidade, debería ser oportuno resolver antes do dilema de cara a onde imos,o intempestivo saber “Quen somos? e de onde vimos?.

Entre a néboas do outono percorreremos na memoria do cotián catro camiños para escintilar a arbitrariedade do saber quenes somos e de onde vimos.

XII Marxes Fílmicas: Ucraína

A Rus de Kiev, unha federación de tribos eslavas orientais, converteuse no Estado máis grande e poderoso de Europa dos séculos IX a XI. Ese territorio foi pasando a mans de diferentes potencias invasoras: primeiro foron os mongoles, despois austrohúngaros, otománs, os tsares rusos, até que no 1917 se converte nunha das Repúblicas fundadoras da URSS.

Desde 1991 Ucraína é un país independente. Prové de cereal a medio mundo, malia que a xente non goza da prosperidade económica prometida. O ucraíno e o ruso conviven como linguas de uso cotiá. Politicamente, sofre a inestabilidade dos seus gobernos: un dos seus presidentes sufriu un intento de envelenamento, producíronse manifestacións e algaradas de índole europeísta e nacionalista -o Euromaidán-, e o seu actual dirixente, Volodímir Zelenski, saltou á fama a través dunha serie de televisión na que encarnaba o mesmo presidente do país. Pero se hai un rasgo definitorio na condición ucraína, e a súa “condenada” posición xeopolítica estratéxica, entre os cantos de serea das potencias occidentais -a UE, a OTAN- e os da veciña Rusia.

Esta encrucillada é un reflexo da súa produción cinematográfica, que se caracterizou a miúdo por un debate sobre a súa identidade propia e sobre o nivel de influencia rusa e europea. Entre os seus grandes cineastas cómpre salientar os nomes de Kira Murátova -directora, guionista e actriz-, Aleksandr Dovzhenko -pioneiro da teoría da montaxe-, Dziga Vértov -autor, entre outros, de O home da cámara e do primeiro documental ucraíno sonoro: Entusiasmo. Sinfonía do Donbass- ou Serguéi Paradzhánov -cuxo cinema poético se afastou dos dogmas do realismo socialista-.

Coa lembranza das cruentas imaxes de Eisenstein na escalinata de Odesa -O acoirazado Potemkin, 1925-, as Marxes Fílmicas 2023 poñen o foco na Ucraína contemporánea, a que vive o drama da guerra: máis de 60.000 persoas mortas e outras tantas feridas, así como 17 millóns de persoas obrigadas a desprazarse lonxe das súas casas. Catro noites de cine ao abeiro do patio do Museo Etnolóxico para reflexionar, coa colaboración do Instituto Francés, a través de diferentes xéneros fílmicos -documental, drama, comedia, musical- sobre as consecuencias da política internacional e da violencia sobre a poboación civil ucraína.

Enfocamos a vida da Ucrania recente desde varias perpectivas e experiencias para reflexionar sobre as consecuencias da política internacional e da violencia que afecta á poboación causada pola guerra.

«MF:Ucraína-2023»· cartel realizado por Gael Carballo (cineclupePF)

Co acollemento organizativo e hospitalario do Museo etnoloxóxico, proxectaremos desta vez na cuarta e quinta semana do mes de xuño, luns e martes, os días 19, 21, 26 e 28 de xuño do 2023 nunha única sesión, ás 22:00 h., en VOSE (acceso de balde); no patio do Museo Etnolóxico de Ribadavia

Programación maio e xuño de 2023

VIII Ciclo Colexio de médicos

Filmoteca CGAI

Ciclo Esperanzas

Sesións Maxistrais

Contan que os obreiros da Comuna de París percorrían as rúas de maio disparando aos reloxos como símbolo último da parcelación da vida, da explotación, da submisión. En boa medida, hai un cinema cuxo maior empeño é destruír o tempo. Neste tempo de resistencias, non pretendemos esgotarnos con voraces promesas e inífugos resultados. Ofrecemos un ciclo que dota de sentido ao tempo, coa convicción de que algo vai a saír ben, independentemente de cómo resulte o subversivo cronómetro que nos empuxa.

Apelamos á relativización do que nas nosas vidas pode e debe ser relativizado, como así propón tamén Carlâo no «avance da programación» ^{[.mp4 • 20'7 MB]} que xa podes asubiar e cantar

Fronte á desfeita vivida nestes últimos catro anos a nivel municipal, necesitamos conciencia e responsabilidade, pero tamén necesitamos lixeireza e esperanza. O noso traballo está feito coa programación que de seguido detallamos. Agardamos da vosa resposta para ter tamén algunha esperanza nas políticas de verdadeiro apoio á cultura de base en Ourense.

«maio-xuño 2023»· cartel realizado por Gael Carballo (CCPF)

Á vosa disposición temos coma sempre, no seguinte enlace as follas de sala. [Abre outra xanela].

Pregamos atención á sesión maxistral, exclusiva para socios/as, co sensacional primeiro filme de Pasolini. ( Se non eres socio/a, aínda estás a tempo. O futuro do cineclube, ao non recibir axudas municipais depende máis ca nunca de ti...e sen esquecer; tamén do que votes! )

Ciclo Esperanzas

Durante o mes de maio e xuño de 2023 proxectaremos no Teatro principal de Ourense (Rúa da Paz, 9) o ciclo Esperanzas que a continuación detallamos e lembrando, que podedes consultar e descargar as follas de sala, aquí [Abre outra xanela]

Filmoteca de maio e xuño de 2023

Durante os luns de maio e xuño de 2023, proxectaremos os seguintes filmes na Casa de Cultura (Rúa Concello núm. 11 de Ourense).

Podes consultar e descargar as follas de sala, aquí
[Abre outra xanela]

Programación abril 2023

Sesión especial

VIII Ciclo do colexio de médicos

Primavera Musical

Filmoteca CGAI

Días incertos e noites frescas anúncianse para unha nova primavera. Abrigamos no solpor dos días cinco propostas coa música de fondo, onde recuperamos a programación da Filmoteca de Galicia - CGAI con Márta Mészáros a ritmo Beat, os ritmos urbanos de Lisboa, o punk; coas variantes electrónicas e rebeldes dos Sleaford Mods ou das influenzas Queer, mesturando todo ademais cunha viaxe sensorial e humorística de Matthew Herbert. Cremos provocar así o suficiente contraste como do calor do mediodía ás noites de chaqueta. Este é o tempo da primavera...e da música, do que agardamos gocedes co adianto en vídeo ^{[.mp4 • 15'3 MB]} que preparamos.

«PM-2023»· cartel realizado por Gael Carballo (cineclupePF)

Pregamos unha atención particular á Sesión especial coa que colaboramos nos actos dos Amigos da república e como sempre coa programación do Colexio de médicos.

Primavera musical 2023

Chega a sétima edición da Primavera musical aos bares habituais nos que programan concertos. Aparte da proxección na casa da cultura de Ourense (rúa Concello 11), hai música (e cine) no Café cultural Auriense, Café Pop Torgal e El Pueblo café cultural.

Programación marzo 2023

Ciclo Discordancias

Sesións maxistrais

Filmoteca CCPF

VIII Ciclo Colexio de médicos

Sesións extraordinarias [Abre outra xanela]

Antes que a luz asedie á primavera e se proclamen novas fantasías de promesas quiméricas a incumprir, temos que convidar á emoción da escuridade na sala de cine. Baixaremos aos sotos da historia, nunha sesión maxistral que inauguramos exclusivamente para socios/as.

Prometemos non clausurar a xanela de angurias cun filme premonitorio dunha pandemia na nova colaboración co Colexio de médicos. Podemos e debemos prometer un subidón de contos... ou unha tranquila viaxe desde a filmoteca dos luns (na Casa da cultura).

Nos filmes seleccionados do ciclo (no Teatro principal) tomamos como punto de partida a razón humana, a cal inevitablemente cae en discordancia.

O mundo ten un principio (un límite) no tempo e no espazo, aínda que tamén é infinito no tempo e no espazo.
Ese mundo componse do simple (indivisible), mais sabemos que non hai nada simple, todo é complexo.
Existen causas libres ou non existe ningunha liberdade, pois todo é natureza (ou sexa, necesidade).
Na serie das causas universais hai algún ser necesario ou pola contra non hai nada necesario, todo é casual.

«marzo 2023»· cartel realizado por Gael Carballo (CCPF)

Conclúese así que unha tese é tan demostrable loxicamente como a antítese. Kant afirmaba que a razón é contraditoria. Dos 4 filmes que presentamos nos albores desta primavera conformamos evidentes discordancias que fan sospeitar que talvez o inverno nunca nos abandonará ... Pode a verdade ser contraditoria? Pode un actor cómico asustarnos tanto ou un retrato agónico darnos tanta vida repleta de emocións? Pode unha sinple resonancia magnética nuclear (RMN) facer unha radiografía da complexa deriva da Europa actual?
Podemos ver neste ciclo virtudes e miserias? ...como na vida mesma.

Á vosa disposición temos un avance en vídeo na canle de «You Tube» ^{[.mp4 • 20'7 MB]} e as oportunas follas de sala [Abre outra xanela].

Pregamos atención á singularidade dalgunhas sesións programadas (en martes e xoves).

Ciclo Discordancias

Durante o mes de marzo de 2023 proxectaremos no Teatro principal de Ourense (Rúa da Paz, 9) o ciclo Discordancias que a continuación detallamos; pregando atención ao 16 de marzo (xoves) distinto día dos habituais e lembrando, que podedes consultar e descargar as follas de sala, aquí [Abre outra xanela]

Filmoteca de marzo 2023

Durante os luns de marzo de 2023, proxectaremos os seguintes filmes na Casa de Cultura (Rúa Concello núm. 11 de Ourense).

Podes consultar e descargar as follas de sala, aquí
[Abre outra xanela]

Programación xaneiro - febreiro de 2023

50 anos das Xornadas de cine de Ourense

Filmoteca CCPF

Ciclo Desvelos

Recibimos un novo ano, sen abandonar de todo as celebracións, xa que debemos lembrar e festexar os 50 anos da inicial "Semana de cine en Ourense", que albergaría as posteriormente Xornadas do cine das nacionalidades e rexións.

Houbo un tempo de incerteza, de baleiro e soños coutados nos que o fundido a negro enchía todo. Foi aí cando un fato de mozos e mozas de Ourense apostaron por crear unhas xornadas de cine que reivindicaban un lugar ao audiovisual galego, lonxe dos estereotipos e folclorismos da época: Por que non se ía poder facer aquí o que se estaba a realizar noutros lugares? E así foi como as Xornadas de Cine de Ourense, que se celebraron entre 1973 e 1978, se converteron nun dos alicerces da historia do cine e do audiovisual galego.

Como non íamos recordalo hoxe, 50 anos despois?

Neste inicio anual da programación regular, coincidimos co Ciclo Desvelos en recuperar algúns recordos da infancia e adolescencia, da inocencia e dos temores sociais que nos reprimen e oscurecen. Na filmoteca dos luns, hai un trazo común co ciclo e transversal, como é a educación que se recibe, precisamente desde a infancia, desde o inicio deste ano, como estratexia fundamental e inspiracional do ben común e cara aos bos propósitos deste ano.


Lembramos a convocatoria de Asemblea ordinaria aos/ás socios/as e pregamos atención aos diferentes espazos, nos que se desenvolverá nesta ocasión a programación; inaugurándose co Ciclo Desvelos un novo espazo, do que antigamente tamén foi sala de cine como é o Teatro principal de Ourense e que nos permite coa infraestrura alí instalada pola Deputación provincial con ocasión do Festival de cine, acceder a filmes distribuídos en DCP, do que ata agora tiñamos que renunciar por carecer dese sistema na Casa da cultura.

«xan-feb 2023»· cartel realizado por Gael Carballo (CCPF)

Na canle de «You Tube» tedes o avance visual ^{[.mp4 • 20'7 MB]}, que resume a programación e as follas de sala de cada proxección no seguinte enlace [Abre outra xanela].

ATENCIÓN aos espazos de proxección: nesta ocasión a filmoteca dos luns son na casa da cultura ás 20: 30 horas (Rúa Concello,11) e as sesións de ciclo dos mércores son no Teatro principal ás 18 e 21 horas (Rúa da Paz, 9).

50 anos das Xornadas de cine de Ourense das nacionalidades e rexións

Neste xaneiro do ano 2023 cúmprense 50 anos, en que o cine galego adquiríu a consciencia da nada. A orixe das xornadas sitúase entre os días 8 e 13 de xaneiro de 1973 cando se celebrou a "I Semán do Cine en Ourense".

Nesa primeira edición, a temática central destas xornadas e das vindeiras xiraron en torno as palabras de Xosé Lois López Cid... "Ya es alentador que se hable de nuestro cine inexistente, de nuestros directores alienados, de lo que podría filmarse, de lo que ya se filma, de planteamientos para un futuro. El cine gallego es la conciencia de su nada: ya es algo" (Programa da I Semán do Cine de Orense).

O compromiso claro das Xornadas era buscar un conciencia, unha procura pola independencia económica e política do cine. Pasaron 50 anos e debería seguir vixente aquel slogan dunha das edicións...o pobo non é mudo. Seguimos máis ou menos coas mesmas tensións autonomistas e autodeterministas...e "O cine debería seguir sendo o mellor vehículo para cadaún dos pobos nacionalidades e rexións que conforman o estado español", como así ben dicía Luis Álvarez Pousa

Talvez o cine galego teña máis conciencia ou non de ser...Talvez aínda siga perenne unha necesaria oportunidade á reflexión, a liberarnos dos vaivéns colonizadores e alienantes. Naquela época de fortes convulsións políticas, pasaron por Ourense realizadores, ensaistas, xornalistas, críticos e estudosos do cine en xeral, que discutiron sobre as diferentes alternativas ao cine marxinal das nacionalidades, ao cine político coas diferentes ponencias presentadas...entre moitos participaron; Elias Querejeta, José Luis Borau, Diego Galán, Juan María Bandrés, Pilar Miro, Enrique Rodríguez Baixeras, Euloxio Rodríguez Ruibal, Carlos Piñeiro, Eduardo Blanco Amor, Carlos Casares, Ramón Piñeiro, Antonio Román, Carlos Velo, Miguel Castelo, Miguel Gato, Eloy Lozano, Xosé Manuel Pereiro, Manuel Rivas (Galicia), Fernando Lara (Madrid) Llorenç Soler e Julio Pérez Perucha (Valencia), Alberto Sánchez Millán e Luis Urbez (Aragón), Miguel Alcobendas (Andalucia), e Josep Miguel Martí i Ron (Catalunya). A formula reflexiva das Xornadas xiraba arredor de coloquios e proxeccións, que incluso se estenderon fóra da provincia de Ourense en varios puntos de Galicia e que tiveron repercursión en toda España con artigos de prensa, manifestos públicos e incluso unha carta dirixida ao entón ministro de cultura.

«50 anos»· cartel deseñado por Celsiuspictor (CCPF)

Os actos do 50 aniversario das xornadas, comezarán este sábado 14 de xaneiro de 2023 a partir das 11; 00 horas, na Casa da Cultura de Ourense (rúa Concello 11), espazo en que o Cineclube Padre Feijoo mantén a pantalla de cine aberta ao público da cidade cunha programación ininterrompida desde 1970. A asistencia é aberta e gratuíta.

Ciclo Desvelos en xaneiro e febreiro de 2023 no Teatro principal

Durante os mércores de xaneiro e febreiro de 2023 proxectaremos no Teatro principal de Ourense (Rúa da Paz, 9) o ciclo Desvelos que a continuación detallamos; lembrando, que podedes consultar e descargar as follas de sala, aquí [Abre outra xanela]

Filmoteca de xaneiro e febreiro de 2023 na Casa da cultura

Durante os luns de xaneiro e febreiro de 2023, proxectaremos os seguintes filmes na Casa de Cultura (Rúa Concello núm. 11 de Ourense).

Podes consultar e descargar as follas de sala, aquí
[Abre outra xanela]