«Rabat» (ciclo AMAL)

Para rematar o ciclo adicado ao Festival Euroárabe Amal nas sesións de «Filmoteca» de xaneiro, un filme que tiñamos pensado proxectar o luns da pasada semana e, que por un erro na información que tiñamos sobre a súa duración, (a súa ficha dicía 62 minutos, cando nas probas de cabina, o monitor amosa a duración de hora e media), agardando pois sepades desculparnos por este contratempo.

O luns 3 de febreiro, na Casa de Cultura (salón de actos da biblioteca nodal) de Ourense, rúa Concello 1, as 20:30 e 23  h. (horario CUT+1) e con entrada de balde:

luns 3 de febreiro do 2014

«Rabat»

Ano: 2011
País: Bélxica | Marrocos
Director: Jim Taihuttu e Victor Ponten
Guión: Jim Taihuttu e Victor Ponten

Música: Mark van den Oever
Fotografía: Lennart Verstegen e Alex Wuijts
Reparto: Achmed Akkabi, Mohamed Benbrahim, Jacqueline Bir, Stéphane Caillard…
Duración: 90 min.
Produtores: Daniel Ashes, Kees de Koning… Hicham El Ghorfi
Exhibición: Dixital HD Br · Cor · Ratio 2.35:1 · Dolby dixital
Idioma: Francés, árabe e holandés · VOSE (versión orixinal subtitulada ao castelán)

«No» · Non

no salón de actos da biblioteca nodal de Ourense (rúa Concello 1), en sesións de 18, 20:30 e 23  h. e cunha cota xeral de entrada socios de 4 € 

Velo avance do filme: You Tube ^{[. mp4 • 6'8 Mb]}

Título: «No» · (Non)
Ano: 2012
País: Chile
Director: Pablo Larraín
Guión: Pedro Peirano
Música: Carlos Cabezas
Fotografía: Sergio Armstrong
Reparto: Gael García Bernal, Alfredo Castro, Luis Gnecco, Antonia Zegers, Néstor Cantillana…
Duración: 116 min.
Productora: Fabula production | Participant Media | Funny Balloons
Distribuidora: Golem
Exhibición: Dixital 1'9 (BR/DVD) · Cor · Ratio 2.35:1 · Dolby dixital
Idiomas: castelán · VO (versión orixinal)

«Díaz: Non pulire questo sangue» · Díaz: Non limpedes esta sangue

no salón de actos da biblioteca nodal de Ourense (rúa Concello 1), en sesións de 18, 20:30 e 23  h. e cunha cota xeral de entrada socios de 4 € 

Velo avance do filme: You Tube ^{[. mp4 • 21'4 Mb]}

Título: «Díaz: Non pulire questo sangue» · Díaz: No limpiéis esta sangre (Díaz: Non limpedes esta sangue)
Ano: 2012
País: Italia
Director: Daniele Vicari
Guión: Daniele Vicari, Laura Paolucci, Alessandro Bandinelli i Emanuele Scaringi
Música: Teho Teardo
Fotografía: Gherardo Gossi
Reparto: Claudio Santamaria, Jennifer Ulrich, Elio Germano, Davide Iacopini, Ralph Amoussou…
Duración: 120 min.
Productora: Fandango | Le Pacte | Mandragora Movies
Distribuidora: Vértigo
Exhibición: Dixital 1'9 (BR/DVD) · Cor · Ratio 2.35:1 · Dolby dixital
Idiomas: italiano, alemán, francés, inglés e castelán · VOSE (versión orixinal subtitulada ao castelán)

Programación xaneiro 2014

Abrimos o ano con importantes novidades: a piques de asinar por fin, un convenio co Centro Galego de Artes da Imaxe (CGAI). Deste xeito podemos ver un vello soño cumprido, que os cidadáns de Ourense poidan desfrutar tamén —como os de Coruña—, da programación que a institución galega dispón.
Asemesmo grazas ao apoio da Fundación Araguaney (quen organiza o Festival Euroárabe Amal), é posible proxectar neste mes de xaneiro, os filmes gañadores en pasadas edicións.

Pensamos proxectar todos estos filmes, os luns as 20:30 e 23 h. (horario CUT+1) e que lle dimos por chamar «sesións de Filmoteca», e todo esto sen que vos custe un peso, que xa sabemos que a costa de xaneiro é empinada, por iso este mes é de balde.

Tamén informarvos, que no nadal estivemos traballando a reo para sustituir as vellas butacas por unhas novas, deste xeito teredes un mellor acomodo para as vosas costas e con espazo suficiente para estirar as pernas; esto foi grazas ao valioso apoio e decidido da Biblioteca Pública (nunca nos cansaremos de repetilo), ao compromiso de colaboración da Xunta de Galicia (por medio da Federación de cineclubes de Galicia «Feciga»), e por último, salientar a profunda decepción que nos causa a Deputación Provincial e a concellería de Cultura do concello de Ourense, polas súas promesas —incumpridas— e a súa falta de apoio, a pesares da devandita capitalidade cultural do Eixo Atlántico.

Deste xeito o aforo reducíuse a 112 butacas polas melloras implementadas para o voso confort (antes había 144); a pesares deso, a cota xeral de socios para este ano de crise mántense en 4 Euros, e polo momento, non podemos aplicar descontos nin ofrecer a venda anticipada e lembrade, que non se permite a entrada unha vez comezada a proxección.

ciclo «Erro do sistema»

Os mércores de xaneiro, proxéctase na Casa de Cultura, salón de actos da biblioteca nodal de Ourense (rúa Concello 1), as 18, 20:30 e 23 h. (horario CUT+1), cunha cota xeral de socios de 4 € …

Sesións de Filmoteca · xaneiro 2014

Os luns de xaneiro e primeira semana de febreiro, proxéctase na Casa de Cultura, salón de actos da biblioteca nodal de Ourense (rúa Concello 1), as 20:30 e 23  h. (horario CUT+1), con entrada de balde os seguintes filmes:

Ensemble · Le thé ou l’electricité · Eid · Blague à part? · Rabat