Programación de outubro a decembro de 2021

Filmoteca de Galicia

Sesións dos mércores

Cine de outono en Ribadavia

Festival AMAL en ruta

Sesións extraordinarias [>+]

Na nova normalidade obrigada pola evolución da pandemia, simplificamos os horarios habituais para fornecer un espazo seguro e ventilado, limitamos o aforo ao 50% (a pesar de que a norma o estende ao 90%). Queremos así garantir como até agora, unha seguridade e confianza que pouco a pouco, consonte a evolución e as normas de protección fronte ao COVID, modificaremos ou non. Segue vixente o noso protocolo de protección fronte ao COVID, así como o funcionamento paralelo do Clube de cine Nós en compañia da nosa benequerida Biblioteca pública. Tamén seguen "on-line" as follas de sala que sirven de contexto e información de cada filme; de momento as seguiremos colgando na sala de máquinas do cineclube. A única variación consitirá na entrada, horarios e asentos dispoñibles.

En canto á programación, aparte da habituais sesións dos luns de filmoteca (grazas ao convenio de colaboración co AGADIC para proxección da programación descentralizada do CGAI) e de ciclo dos mércores que de seguido detallamos máis abaixo, contamos tamén coa programación de outono en Ribadavia, que realizaremos co Museo etnolóxico de Ribadavia, os sábados de novembro (nesta ocasión especialmente adicado a Ourense). Remataremos en ruta, de novo coa programación do Festival Internacional de Cine Euroárabe Amal, grazas á colaboración da Fundación Araguaney e da Deputación de Ourense.

«outubro-decembro 2021»· cartel realizado por Leo Sousa (cineclupePF)

Coma sempre, na canle de «You Tube», tedes o avance visual ^{[.mp4 • 20'7 MB]} deste ciclo, seguido dos filmes que o compoñen. Agradecemos moitísimo a vosa axuda á difusión da programación, así como da participación e comentarios.

Programación febreiro 2014

Dicía Aristóteles (no seu Libro I) que «Todos temos un desexo natural ao saber. O placer que nos causan as percepcións dos nosos sentidos son unha proba desta verdade. Agrádanos por sí mesmas, independentemente da súa utilidade, sobre todo as da vista…». En efecto, non só temos intención de obrar, coa percepción das imaxes que vos propomos os mércores de febreiro, senón que ademáis, transitamos nas procuras, dos e das protagonistas deste ciclo, que dimos por chamalo «Viaxes e Procuras».

Deseño do cartaz: Iñaki Nóvoa (cineclupePF)

Talvez non exista ningún obxecto práctico ou metafísico visible, pero compleméntase perfectamente nas idas e voltas da nosa memoria, coas viaxes que propomos os luns de filmoteca; rematamos a ollada ao festival Amal, cunha road-movie, a visita introspectiva aos inicios da transición de Joaquim Jordá, os inicios do director polaco Roman Polanski, ou, a estrea dun documental inédito (pola censura), sobre a vida de Lou Reed.

Agardamos nos acompañedes nesta experiencia, coa atención ás novidades e avisos que sinalamos de seguido…

Sesións:
Os luns as 20:30 e 23 h. — Cota de entrada única: 2 €*
* agás o luns 3 de febreiro, ciclo «Amal», que é de balde
Os mércores as 18, 20:30 e 23 h* — Cota de entrada única: 4 €
* agás o mércores 26 de febreiro, que será as 18 e 21 h.

Lugar:
Biblioteca pública (casa da Cultura), rúa Concello 11

Proxeccións en VOS e filmes non recomendados para menores de 16 anos. Lembrade por favor, que Non se permite a entrada unha vez comezada a proxección.

Velaquí tedes os filmes deste mes…

«Rabat» (ciclo AMAL)

Para rematar o ciclo adicado ao Festival Euroárabe Amal nas sesións de «Filmoteca» de xaneiro, un filme que tiñamos pensado proxectar o luns da pasada semana e, que por un erro na información que tiñamos sobre a súa duración, (a súa ficha dicía 62 minutos, cando nas probas de cabina, o monitor amosa a duración de hora e media), agardando pois sepades desculparnos por este contratempo.

O luns 3 de febreiro, na Casa de Cultura (salón de actos da biblioteca nodal) de Ourense, rúa Concello 1, as 20:30 e 23  h. (horario CUT+1) e con entrada de balde:

luns 3 de febreiro do 2014

«Rabat»

Ano: 2011
País: Bélxica | Marrocos
Director: Jim Taihuttu e Victor Ponten
Guión: Jim Taihuttu e Victor Ponten

Música: Mark van den Oever
Fotografía: Lennart Verstegen e Alex Wuijts
Reparto: Achmed Akkabi, Mohamed Benbrahim, Jacqueline Bir, Stéphane Caillard…
Duración: 90 min.
Produtores: Daniel Ashes, Kees de Koning… Hicham El Ghorfi
Exhibición: Dixital HD Br · Cor · Ratio 2.35:1 · Dolby dixital
Idioma: Francés, árabe e holandés · VOSE (versión orixinal subtitulada ao castelán)

Programación xaneiro 2014

Abrimos o ano con importantes novidades: a piques de asinar por fin, un convenio co Centro Galego de Artes da Imaxe (CGAI). Deste xeito podemos ver un vello soño cumprido, que os cidadáns de Ourense poidan desfrutar tamén —como os de Coruña—, da programación que a institución galega dispón.
Asemesmo grazas ao apoio da Fundación Araguaney (quen organiza o Festival Euroárabe Amal), é posible proxectar neste mes de xaneiro, os filmes gañadores en pasadas edicións.

Pensamos proxectar todos estos filmes, os luns as 20:30 e 23 h. (horario CUT+1) e que lle dimos por chamar «sesións de Filmoteca», e todo esto sen que vos custe un peso, que xa sabemos que a costa de xaneiro é empinada, por iso este mes é de balde.

Tamén informarvos, que no nadal estivemos traballando a reo para sustituir as vellas butacas por unhas novas, deste xeito teredes un mellor acomodo para as vosas costas e con espazo suficiente para estirar as pernas; esto foi grazas ao valioso apoio e decidido da Biblioteca Pública (nunca nos cansaremos de repetilo), ao compromiso de colaboración da Xunta de Galicia (por medio da Federación de cineclubes de Galicia «Feciga»), e por último, salientar a profunda decepción que nos causa a Deputación Provincial e a concellería de Cultura do concello de Ourense, polas súas promesas —incumpridas— e a súa falta de apoio, a pesares da devandita capitalidade cultural do Eixo Atlántico.

Deste xeito o aforo reducíuse a 112 butacas polas melloras implementadas para o voso confort (antes había 144); a pesares deso, a cota xeral de socios para este ano de crise mántense en 4 Euros, e polo momento, non podemos aplicar descontos nin ofrecer a venda anticipada e lembrade, que non se permite a entrada unha vez comezada a proxección.

Sesións de Filmoteca · xaneiro 2014

Os luns de xaneiro e primeira semana de febreiro, proxéctase na Casa de Cultura, salón de actos da biblioteca nodal de Ourense (rúa Concello 1), as 20:30 e 23  h. (horario CUT+1), con entrada de balde os seguintes filmes:

Ensemble · Le thé ou l’electricité · Eid · Blague à part? · Rabat