programación novembro 2016

«Próxima estación: Islandia»

O cinema islandés non amosa os arquetipos que flúen na nosa cabeza cando relacionamos ao cinema realizado no extremo noroeste de Europa, foxen das melopeas eternas e o suicidio dos seus irmáns finlandeses, tampouco teñen preocupacións existenciais como o cinema nórdico; o cinema insular practica un discurso (tanto político como económico) afastado das influencias xerais que se desenvolven no continente.

Analizamos moi sucintamente, o estado de graza da súa recente filmografía, pola que obtiveron loureiros no Festival de San Sebastián ou na Seminci de Valladolid

«Próxima estación: Islandia» · cartaz deseñado por Iñaki Nóvoa (cineclupePF)

Completamos a programación de novembro, coa programación do Centro Galego de Artes da Imaxe (CGAI) os luns ás 20:30 e 23 h. agás para o filme de Abbas Fahdel «Homeland (Iraq Year Zero)» no que só teremos unha única sesión (20:30 h) dividida en dúas xornadas (días 21 e 28 de novembro).

Embarca connosco nesta viaxe a historias inauditas, cheas de imaxinación como a banda sonora de «Of Monsters and Men» do noso avance ^{[.mp4 • 20'2 MB]} e goza dunhas fermosísimas paraxes, incólumes…

ciclo «próxima estación: Islandia»

Proxéctase durante o mes de novembro na Casa de Cultura, salón de actos da Biblioteca Pública de Ourense (rúa Concello 11), os mércores ás 18, 20:30 e 23 h. os seguintes filmes …

Sesións de Filmoteca · novembro 2016

Proxéctase durante o mes de novembro e decembro de 2016 na Casa de Cultura, salón de actos da Biblioteca Pública de Ourense (rúa Concello 11), os luns ás 20:30 e 23 h. agás os días 21 e 28 de novembro no que só temos unha única sesión, ás 20:30 h, os seguintes filmes …

programación setembro—outubro 2016

«Tránsito: Asia»

«Miradas Etnograficas» ⁴

Neste tempo moderno e individualista, onde as historias de amor, ciumes, morte, sexo e traizóns, ademais dos paradoxos da vida e as súas debilidades conforman unha levidade do ser, insoportábel e pesado.
Nesta lixeireza, de amor e sentimentos, con todo, ten que tratar cun mundo que é duro como unha pedra. O xénero, drasticamente novo, do cinema contemporáneo é basicamente un intento de atopar un xeito de tratar con esa pesada carga no amor e sentimentos individuais, ou simplemente a carga sobre a súa existencia.

Dende fai uns anos, o cinema asiático amosa unha radical renovación no linguaxe visual, diante da supremacía da estética e ideoloxía occidental, Asia ten unha visión e un xeito moi preciso e particular, que ven desde unha inicial fase orientalista na que se interpretaba a dito cinema como de «contraste», pasou a ser unha zona emerxente de cultura cinematográfica incuestionábel xa para todo o mundo.

«Tránsito: Asia» 2016 · cartaz deseñado por Iñaki Nóvoa (cineclupePF)

Está é unha pequena mostra, que seguramente ampliaremos no futuro con máis etapas, un primeiro tránsito que agardamos gocedes connosco, coas mesmas premisas que nos derradeiros exercizos, os mesmos horarios e días: luns de filmoteca coa programación do Centro Galego de Artes da Imaxe (CGAI) ás 20:30 e 23 h. e os mércores (ciclo «Tránsito: Asia») ás 18, 20:30 e 23 h, as mesmas cotas (os descontos son exclusivamente para aos socios/as) e as nosas teimas (puntualidade e móbiles apagados).

Sede pois, benvidos/a s a nova tempada do cineclube, ao cinema nun cuarto escuro (como a situación política actual), que precisa acubillar espectadores/as desexosos de recibir emocións coma ti.

O noso primeiro avance ten unha banda sonora, talvez demasiado alfúfaros, despois dunha orxía degustativa de sake, pretende revelar visualmente ^{[.mp4 • 27'89 MB]} os filmes que compoñen este ditoso ciclo, que de seguido podedes ollar xunto cos outros filmes da programación…

ciclo «tránsito: Asia»

Proxéctase durante os meses de setembro e outubro de 2016 na Casa de Cultura, salón de actos da Biblioteca Pública de Ourense (rúa Concello 11), os mércores ás 18, 20:30 e 23 h. os seguintes filmes …

Miradas Etnográficas

En catro xornadas do mes de outubro 2016, proxectaremos nunha única sesión, venres e sábado ás 20:30 h, no Museo Etnolóxico de Ribadavia, de balde grazas a colaboración¹ do Museo, ademais da Asociación de Amigos do Museo Etnolóxico e do Conxunto Histórico de Ribadavia, Xunta de Galicia e «Feciga», nas datas que de seguido vos reflectimos, os seguintes filmes…

Sesións de Filmoteca · setembro—outubro 2016

Proxéctase durante os meses de setembro e outubro de 2016 na Casa de Cultura, salón de actos da Biblioteca Pública de Ourense (rúa Concello 11), os luns ás 20:30 e 23 h. os seguintes filmes …

Cinema na praza

Como sempre por estas datas, volta cinema na praza, máis imaxinativo, refrescante e estimulante para as noites de verán nunha única sesión, este ano será os luns de agosto ás 22 h, acceso de balde na praza de San Marcial de Ourense.

«Cinema na Praza: agosto 2016» deseño de Iñaki Nóvoa (cineclupePF)

Marxes Fílmicas

Ofrecémosvos o necesario antídoto cultural á vaga deportiva que nos asoballa, será no patio do Museo Etnolóxico de Ribadavia, como aperitivo do elixir da Mostra Internacional de Teatro.

Nesta edición das «Marxes Fílmicas» presentámosvos unha escolma do cinema brasileiro, grazas á colaboración da Embaixada de Brasil (Embaixada do Brasil) en Madrid, onde poderás ollar filmes que doutro xeito serían inaccesibles pola distribución convencional.

«Marxes Fílmicas 2016» deseño de Iñaki Nóvoa (cineclupePF)

As fitas proxéctanse na primeira e segunda semana do mes de xullo, os luns e mércores, os días 4, 6, 11 e 13 de xullo do 2016 nunha única sesión, ás 22:30 h. en VOSE e acceso de balde.

De seguido o detalle da programación:

ciclo «Petit Cinéma»

Voltamos, de novo, a presentar un cinema especial para os máis cativos (e tamén para toda a familia).
O cineclube Padre Feijoo, a Biblioteca Pública de Ourense e o Centro Galego de Artes da Imaxe (CGAI) organizan un miniciclo de cinema, con 2 perlas da mellor animación tradicional feita en Brasil e Irlanda.

programación maio—xuño 2016

«Mosaico»

Extra · II ciclo de Cine e Medicina · Ociourense 2016

A piques de rematar a primeira parte do ano, o facemos cun conxunto de teselas fílmicas no que ademáis inserimos a programación do Centro Galego de Artes da Imaxe (CGAI) e sesións especiais, un mosaico de diversidade que agardamos emocione o espíritu cautivo das musas.

Talvez sexamos esixentes demais, Talvez… como expoñía Prince soñamos si podemos, cun xardín, un océano de floridas violetas… neste mundo máis desabrigado, agora si, é cando choran as pombas; como non podía ser menos, a nosa banda sonora corresponde ao avance visual ^{[.mp4 • 18'1 MB]} deste mosaico, rinde tributo ao xenio de Minnesota.

«Mosaico» 2016 · cartaz deseñado por Iñaki Nóvoa (cineclupePF)

Por último, lembrar que podedes opinar sobre as propostas fílmicas presentadas, en cada evento de Google+ tedes unha ligazón cara a enquisa e tamén, na nosa páxina específica para avaliar os vosos gustos. ¹
Interésanos coñecer tamén, o que pensas do traballo que desenvolve este cineclube (ou calquera dos cineclubes de Galicia ao que podas asistir), polo que che pregamos dediques un anaquiño do teu tempo en realizar a enquisa da Federación de Cineclubes de Galicia «Feciga», de contado, moitísimas grazas por facer o cineclubePF connosco.

«Mosaico»

Proxéctase durante o mes de maio e xuño de 2016 na Casa de Cultura, salón de actos da Biblioteca Pública de Ourense (rúa Concello 11), os mércores ás 18, 20:30 e 23 h. os seguintes filmes …

Sesións de Filmoteca · maio—xuño 2016

Proxéctase durante o mes de maio e xuño de 2016 na Casa de Cultura, salón de actos da Biblioteca Pública de Ourense (rúa Concello 11), os luns ás 20:30 e 23 h. os seguintes filmes …

Proxección solidaria

Grazas a colaboración da Federación de Cineclubes de Galicia «Feciga» e Paco Poch distribución é posible a programación do filme «Ma'a al-Fidda» (Silvered Water, Syria Self-Portrait) co obxectivo de recadar fondos para a campaña de refuxiados (Siria) que desenvolven as organizacións ACNUR e MSF. A cota de acceso para todos os cineclubes que participan nesta proxección solidaria é de 6 euros, e destínase íntegramente e a partes iguais, entre ditas organizacións.

Se non podes asistir a nosa proxección, no seguinte enderezo www.ir.gl/proxeccionSolidaria  tedes máis información dos cineclubes participantes; tamén tes a posibilidade de facer unha doazón á fila 0.

Será na Biblioteca Pública o 10 de maio de 2016…

Proxeccións especiais

Proxectaremos na Biblioteca Pública no mes de maio de 2016…

Primavera musical

Chega a primavera, (aínda que na política sigamos en inverno) e como di unha canción dos «The Killer»

Estou saíndo da miña gaiola
E estouno facendo moi ben
Conseguindo estar abaixo
Porque o quero todo…

…e así agardamos, que o teñades. Que gocedes do cinema, da música e das amizades, que xa estamos a preparar cunha escolma de teselas para que cheguedes ao verán con gañas.
A música do avance visual ^{[.mp4 • 20'3 MB]} que adianta este ciclo, é dos «Undercast», versionando «Mr Brigtside» dos «Killer».

programación marzo—abril 2016

ciclo «Viaxes e Procuras II»

Extra: II ciclo de Cine e Medicina · Ociourense 2016

Paradoxalmente, unha vez pasada a chamada «Semana Santa» dun estado laico e aconfesional, un grupo de europeos, homes e mulleres de distintas idades, clases e posicións viaxaron con evidentes incomodidades para preservar a súa «seguridade». A bo seguro que moitos dos que quedaron «in-/voluntariamente» procuran outro significado verdadeiro de «Europa» (ou «España»), porque estamos nun tempo no que o balbordo da situación política, estaticamente empreñada, viaxa cara á deshumanización e á insolidaridade.

A proposta, que lles presentamos percorre distintos estadios, de procuras e viaxes moi actuais; como a inmigración de «Dheepan», a insolidaridade de «O Capital Humano», a loita contra o patriarcado en Turquía, a vellez en Italia, ou a simple historia que nos deixou o nazismo, que nunca deberíamos esquecer.

Acompáñenos tamén coas propostas de Filmoteca dos Luns, e estén atentos ás proxeccións extras das xornadas de agroecoloxía, igualdade, Colexio de Médicos e Ociourense.

Cartaz do ciclo «Viaxes e Procuras II» deseño de Iñaki Nóvoa (cineclupePF)

«Vamos acender unha cacharela, cando chegue a noite, e esperar as palabras, nun azul xeado… para construir un novo abrigo de prata» como di Sigur Rós en «Varúô» a música do noso avance visual, sede benvidos/as a nosa proposta, ao cinema en versión orixinal subtítulada (VOS), tanto na Biblioteca Pública de Ourense como no Espazo Lusquiños. No canle de «You Tube», teñen a posibilidade de ollar o noso avance visual ^{[.mp4 • 2 MB]} deste ciclo e de seguido, os filmes que o compoñen. Agradecemos moitísimo a vosa participación e comentarios.

ciclo «Viaxes e Procuras» II

Proxéctase durante o mes de marzo e abril de 2016 na Casa de Cultura, salón de actos da Biblioteca Pública de Ourense (rúa Concello 11), os mércores ás 18, 20:30 e 23 h. os seguintes filmes …

Sesións de Filmoteca · marzo—abril 2016

Proxéctase durante o mes de marzo e abril de 2016 na Casa de Cultura, salón de actos da Biblioteca Pública de Ourense (rúa Concello 11), os luns ás 20:30 e 23 h. os seguintes filmes …

programación febreiro—marzo 2016

ciclo «Tránsito: Europa II»
Extra: II ciclo de Cine e Medicina · Ociourense 2016

Fai 70 anos, despois das consecuencias da segunda guerra mundial, Winston Churchill pronunciou un histórico discurso na Universidade de Zurich, no que alentaba á creación dos Estados unidos de Europa, non cun obxectivo mercantil, do que é tristemente en exclusiva agora, se non para mellorar o nivel de vida dos cidadáns e a cooperación entre os estados da vella Europa.

En pleno baño sanguinario no Kurdistán e Siria, …Europa non ten respostas a este mundo bipolar, non existe solidaridade nen dereitos humanos; a estratexia europea, viaxa polos camiños da desregulación e privatización do público, en sendeiros de desemprego e deflación salarial, e incluso con pontes de restricción economicista, que alcanza cotas de esperpento en España incluso, coa liberdade de expresión ou decisión (tanto individual como colectiva).

Este é o asfalto da situación actual que, cons distintas estacións, visitamos nesta segunda parte do tránsito europeo; unha guerra de independencia, a soidade e despersonalización do individuo, e temas tan universais como o amor, a cobiza e a corrupción, que xunto coas propostas da filmoteca dos luns, agroman historias que cremos necesarias… agardemos que a sátira xudicial actual, se ausente, por adulterio coa liberdade.

ciclo «tránsito: Europa II» deseño de Iñaki Nóvoa (cineclupePF)

Coma sempre, unha fermosa voz ilustra a nosa banda sonora do avance visual ^{[.mp4 • 30'4 MB]} do ciclo, sabendo que podemos ser malos por un día (e heroes), porén sempre saberemos que nos falta algo, tristes á vez polo que xa perdimos.

ciclo «tránsito: Europa» II

Proxéctase durante o mes de febreiro e marzo do 2016 na Casa de Cultura, salón de actos da Biblioteca Pública de Ourense (rúa Concello 11), os mércores ás 18, 20:30 e 23 h. os seguintes filmes …

Sesións de Filmoteca · febreiro—marzo 2016

Proxéctase durante o mes de febreiro e marzo do 2016 na Casa de Cultura, salón de actos da Biblioteca Pública de Ourense (rúa Concello 11), os luns ás 20:30 e 23 h. os seguintes filmes …