En catro xornadas do mes de outubro 2016, proxectaremos nunha única sesión, venres e sábado ás 20:30 h, no Museo Etnolóxico de Ribadavia, de balde grazas a colaboración¹ do Museo, ademais da Asociación de Amigos do Museo Etnolóxico e do Conxunto Histórico de Ribadavia, Xunta de Galicia e «Feciga», nas datas que de seguido vos reflectimos, os seguintes filmes…
«Cinema de Outono · Miradas Etnográficas 4» deseño de Iñaki Nóvoa (cineclupePF)
«Asolagados»
Documental sobre a xente e os seus pobos (Abideira, Porto, Castro Candaz, Santa Marta, Pincelo, Ponte fortes, A Samugueira, San Paio, Mourulle, Portomeñe, A Hermida, Ribó…), alagados polo encoro de Belesar en 1963. Imaxes e sons da Ribeira Sacra e do río Miño; dos restos das casas, das adegas, das árbores… e especialmente, do dez testemuños que viviron nestes lugares antes da construción do salto e que se viron obrigados a deixalo todo.
Comparte o evento ❯❯
De balde até completar o aforamento (50 persoas
aprox.)
«Sanxia Haoren» · Natureza Morta
Tras a construción da presa das Tres Gargantas (China) a aldea de Fengjie foi alagada e os seus habitantes reacollidos nun novo emprazamento. O mineiro Han Sanming regresa a Fengjie, despois de 16 anos de ausencia, na procura da súa muller. Tamén a enfermeira Shen Hong está na procura do seu home na aldea.
Comparte o evento ❯❯
De balde até completar o aforamento (50 persoas
aprox.)
«Os Días Afogados»
En 1992, a construción do encoro do Lindoso (Portugal) alagou para sempre as aldeas de Aceredo e Buscalque (Ourense, Galicia). Os seus habitantes nada puideron facer para salvar as súas terras nin os seus fogares. Sabendo que todo estaba a piques de perderse, varios veciños colleron as súas cámaras domésticas e comezaron a gravar. As súas imaxes, gravadas desde mediados dos anos 60, constitúen un valioso documento histórico e etnográfico, filtrado pola subxectividade e as vivencias familiares. Son, ao mesmo tempo, un acto de fe en en as posibilidades do cinema doméstico para dar conta do tempo histórico que nos toca vivir. Máis aló do íntimo, revélanse como un retrato dos mecanismos cos que actúa o Poder. A tensión entre o existencial e o político, e entre o tempo pasado e a realidade presente, condicionan unha historia que se proxecta en múltiples sentidos máis aló de se mesma.
Comparte o evento ❯❯
De balde até completar o aforamento (50 persoas
aprox.)
«Proshchanie» · Adeus a Matiora
Matiora é unha illa situada na parte central de Rusia, no medio dun gran río, que será alagada para facilitar a construción dun encoro. Esta é a historia dos seus habitantes, que han de despedirse do seu fogar.
Comparte o evento ❯❯
De balde até completar o aforamento (50 persoas
aprox.)
Por último, insistir unha vez máis, que podedes opinar sobre as propostas fílmicas presentadas, agradecemos que visites a axenda da «Feciga», onde podes atopar o listaxe dos filmes que botamos e avalialos, nos axuda a coñecer os teus gustos, ademáis de ter ao voso dispor, os comentarios deste blogue ou as redes sociais nas que participamos, onde podes expor as túas inquedanzas xerais sobre o traballo que desenvolve o cineclube e as impresións que vos suscitan os filmes programados, apreciamos moitísimo os vosos comentarios.
Gustaríanos coñecer tamén, o que pensas sobre o traballo que desenvolven, en xeral, os cineclubes, polo que che pregamos dediques un anaquiño do teu tempo en realizar a enquisa da Federación de Cineclubes de Galicia «Feciga», de contado, moitísimas grazas polo teu tempo.
Nos vemos no Museo Etnolóxico (rúa Santiago 10 - Ribadavia).
Ningún comentario:
Publicar un comentario