Outubro de 2017

Sesións de outubro

Filmoteca CGAI

A Revolución rusa é un dos acontecementos máis importantes do século XX, non só polo que supuxo para o Imperio ruso, que pasou a ser a URSS, senón pola transformación radical da economía e a sociedade soviética.

Detemos a mirada, en tres filmes sobre a historia rusa, xunto cos últimos filmes cataláns e unha xoia, recuperada do cine checo de ciencia ficción.

«Outubro 1917-2017» · cartel deseñado por Iñaki Nóvoa (cineclupePF)

Persuadidos da situación doente e case revolucionaria actual, concordamos con Manu Chao, na letra de "Outro mundo"...soñei outro mundo tan lonxe e tan preto...e serve de ambientación musical, ao avance visual ^{[.mp4 • 20'7 MB]} da programación que vos presentamos, que ocupará o mes de outubro ata o OUFF, e que volverá oportunamente, despois do mesmo.

(Atentos, aos horarios do 17 e 19 de outubro)

Agardamos gocen.

Sesións de filmoteca de outubro de 2017

Dentro da programación descentralizada do Centro Galego das Artes da Imaxe (CGAI - Filmoteca de Galicia), proxéctase durante os seguintes luns de outubro ás 20:30 e 23 h. os seguintes filmes …

Cine termal e mobilidade

Semana da mobilidade

Cine nas termas

Nas habituais citas de setembro, e antes do comezo da programación regular, que reiniciaremos en outubro, presentamos dentro das actividades municipais de Termatalia, dous filmes termais; a proxectar na explanada das Burgas (se o tempo o permite, e se non sería na Biblioteca pública) e unha proxección especial co gallo da Semana da mobilidade, en colaboración con "Amigos da terra" e "Masa crítica" de Ourense, na Biblioteca pública.

Agardámosvos.

«Cine nas termas» · cartel deseñado por Iñaki Nóvoa (cineclupePF)