Ciclo Primavera musical
Filmoteca de Galicia
Aventuramos neste fin de tempada, apretado polas emerxencias da cidade, unha efervescencia de endorfinas que florezan emocións coa poesía punk,os ritmos afroamericanos e o rock sensible e visceral das propostas coas que dicimos adios á primavera.
«Xuño 2021»· cartel realizado por Gael Carballo (cineclupePF)
Coma sempre, calquera que sexa o vento que sopra, na canle de «You Tube», tedes o avance visual [.mp4 • 20'7 MB] deste ciclo, seguido dos filmes que o compoñen. Agradecemos moitísimo a vosa participación e comentarios. Tede coidado e afouteza para sair desta, que desta vai.
Atención ao horario único e versión da sesión infantil programada coa Filmoteca de Galicia, dun filme cunha mensaxe dirixida aos seres humanos, guiados polo egoísmo e os aires de superioridade crense co dereito de tratar aos demais como produtos que poden utilizar e refugar... mensaxe que incluso algún ser humano, con bastón de mando pode aproveitar para reflexionar.
Filmoteca de Galicia (maio)
31
Mai.
2021
Lun.
«Le rayon vert» O raio verde
Éric Rohmer · (Francia, 1986) 94 min. [A] VOSE
Delphine é unha nova secretaria parisiense sen plans para as súas vacacións despois de que a súa amiga as cancelase no último minuto. Soa e triste, ela está decidida a viaxar. No camiño coñece a unha moza sueca que tenta animala pero que só consegue acentuar a súa sensación de soidade, ata que o seu destino de súpeto dá un xiro inesperado.
Premios
1986: Festival de Venecia: León de Ouro á mellor película. Premio FIPRESCI
"Unha dos cumes do cinema mundial"
(Guillermo Altares, EL PAÍS)
Ciclo Primavera musical
2
Xuñ.
2021
Mérc.
«PJ Harvey: A dog called money»
Seamus Murphy · (Irlanda, 2019) 93 min. [SC] VOSE
Nas súas viaxes, a cantante británica PJ Harvey recolle material inspirador que despois converte en cancións. Seamus Murphy documenta o seu proceso creativo e traduce a busca dese material pola artista nunha montaxe poética sen desposuír a Harvey da súa enigmática aura.
"Murphy nunca quere facer un ensaio explícito sobre o xenio e o proceso creativo de PJ Harvey, pero sen querelo triunfa"
(Irene Crespo, CINEMANÍA)
SESIÓNS:
COTA:
18:00 e 20:30 h. (CUT+1)
7
Xuñ.
2021
Lun.
«Africa mia»
1964. En plena Guerra Fría, 10 destacados músicos novos de Malí son enviados a Cuba para estudar música e mellorar o vínculo entre os dous réximes socialistas. Alí contemplan o nacemento dun novo xénero: a música afrocubana e convértense no emblemático grupo "Las Maravillas de Mali". Na véspera de finais do ano 2000, Richard Minier, un produtor francés, coñece a un ex membro do grupo en Bamako e decide facer todo o posible para que a banda volva xuntarse.
(Filme grazas á colaboración do Instituto Francés)
SESIÓN:
COTA:
20:30 h. (CUT+1)
De balde
9
Xuñ.
2021
Mérc.
«Crock of gold» Crock of gold; Bebendo con Shane MacGowan
Julien Temple · (Reino Unido, 2020) 124 min. [+7] VOSE
Combinando imaxes de arquivo inéditas da banda e da propia familia de MacGowan, xunto con animacións, entre outros, do ilustrador Ralph Steadman, "Crock of Gold" é unha celebración do poeta punk irlandés Shane MacGowan, cantante e compositor de The Pogues.
Premios
2020 : Festival de San Sebastián: Premio especial do xurado
"A película incrible (...) ten a virtude de divertirse, a efectividade do movemento e a metralla suficiente para ver a ferida, a dor e a poesía do derrotado"
(Oti Rodríguez Marchante, ABC)
SESIÓNS:
COTA:
18:00 e 20:30 h. (CUT+1)
Filmoteca de Galicia
14
Xuñ.
2021
Lun.
«L'extraordinaire voyage de Marona» As vidas de Marona
Anca Damian · (Francia-Romania-Bélxica, 2019) 92 min. [A] VDE
Despois de sufrir un accidente, un can recorda e recorda os diferentes amos que tivo ao longo da súa vida. Coa súa infatigable empatía, Marona encheu de luz e inocencia todos os fogares nos que viviu.
"Unha fermosa homenaxe á súa mascota [a de Damian] e un formidable exercicio de liberdade cinematográfica e profundo humanismo. (...) xoia animada"
(Paula Arantzazu Ruiz, CINEMANÍA)
Os símbolos son; VO; Versión orixinal, VOS (Versión orixinal subtitulada, en castelán VOSE, en galego VOSG), VD; versión orixinal ou dobrada cos mesmos patróns E/G.
A calificación por idades de cada filme sigue o seguinte patrón; [A] apta para todos os públicos, [+7] recomendado para maiores de 7 anos, [+12] recomendado para maiores de 12 anos, [+18] recomendado para maiores de 18 anos, e [ND] Non dispoñible ou [SC] sen clasificación
ADVERTENZAS: Non se permite o acceso á sala unha vez comenzada a sesión. Tampouco se permite o uso do teléfono móbil unha vez comezada a proxección * ou a asistencia na sala sen máscara de protección fronte ao COVID; sendo motivo en caso contrario de expulsión da sala, sen dereito á reclamación (En caso de socio/-a será proposto de expulsión da asociación).
(*) Agás para os filmes con audiodescripción, así sinalizados [ AD))) ].
----------
(*) A audiodescripción estará disponible mediante a aplicación gratuita da fundación ONCE; "AUDESCMOBILE".
(Non é preciso software o hardware adicional. O/A usuario/a tan só ten que instalar a aplicación no seu móbil, descargar a audiodescripción da película que quere ver e unha vez na sala de cine, conectar os cascos e reproducir o arquivo. A audiodescripción comenzará e se sincronizará automáticamente coa película)
Horarios CUT+1
Ningún comentario:
Publicar un comentario