12/01/22

Sesións de filmoteca de xaneiro e febreiro de 2022

Dentro das habituais sesións de filmoteca dos luns, detallamos a continuación os filmes que proxectaremos durante xaneiro e febreiro de 2022, no salón de actos da Casa de Cultura (Rúa Concello núm. 11 de Ourense).


(Podes consultar e descargar as follas de sala, aquí) [Abre outra xanela]



(xaneiro)



24 Xan. 2022
Lun.

«Ya Kuba» Son Cuba

· (URSS, 1964) 141 min. B&N. Mono. RA 1.37:1 [ND] E/VOSE

A través de catro historias descríbese a lenta evolución de Cuba, do réxime de Batista á revolución de Fidel Castro. Son catro narracións que reforzan o ideal comunista fronte ao capitalismo. Comezada a filmar apenas unha semana despois da 'crise dos mísiles cubanos', unha singular coprodución soviético-cubana na que, ao longo destes catro episodios, Cuba libérase das súas dependencias políticas para reafirmar a súa identidade, singular e independente, coas súas contradicións e esperanzas. A película foi "redescubierta" e dada a coñecer ao mundo polos mestres Martin Scorsese e Francis Ford Coppola nos anos noventa.

"Apaixonante rareza (...) non tanto polo que conta como pola beleza plástica, a inmortalidade das súas imaxes, entre as máis belas xamais filmadas"
(M. Torreiro, El País)


SESIÓN:
COTA:
  20:30h. (CUT+1)
  socios/as de balde - 2.5  (consultar non asociados/as).



31 Xan. 2022
Lun.

«Schastye» A felicidade

· (URSS, 1935) 95 min. B&N. Mono/Muda. RA 1.33:1 [ND] VOSE

Narra as vicisitudes dun campesiño incapaz de conseguir unha boa colleita. Unha acción valerosa reconciliarao consigo mesmo e cos demais.

"Non gustou ás autoridades soviéticas. A discrepancia non estaba na “política práctica” senón na estratexia estética. 'Felicidade' recorre a un humor grotesco, hiperbólico, delirante, caricaturesco, con trazos de slapstick e absurdo."
(Guilherme de Alencar Pinto, La Diaria)


SESIÓN:
COTA:
  20:30h. (CUT+1)
  socios/as de balde - 2.5  (consultar non asociados/as).



(febreiro)



7 Feb. 2022
Lun.

«Letyat Zhuravli» Cando Pasan as Cegoñas

· (URSS, 1957) 94 min. B&N. Mono. RA 1.37:1 [ND] VOSE

Veronica e Boris son dous namorados de Moscova que ven obrigados a separarse cando estala a Segunda Guerra Mundial e Boris é recrutado como soldado para ir á fronte a loitar.

Premios
1958: Festival de Cannes: Palma de Ouro á mellor película.

"Grazas á dirección de Kalatozov e á excelente actuación de Tatyana Samoilova, un absorbe un sentimento tremendo de simpatía da película"
(Bosley Crowther, The New York Times)


SESIÓN:
COTA:
  20:30h. (CUT+1)
  socios/as de balde - 2.5  (consultar non asociados/as).


14 Feb. 2022
Lun.

«Les dames du bois de Boulogne» As damas do bosque de Bolonia

· (Francia, 1945) 90 min. B&N. Mono. RA 1.37:1 [ND] VOSE

Historia de amor, traizón e vinganza, a dunha muller que perde ao seu amante e emprega a unha moza de dubidosa reputación para vingarse.

"María Casarès interpreta a Hélène. Sorprende, porque a actriz tiña só vinte e un anos cando fixo a película....A publicación recente da correspondencia amorosa entre Albert Camus e Maria Casares trae tamén un novo nivel de lectura. Os dous namorados comezaron a súa paixón na noite do 6 de xuño de 1944, día D do desembarco. A actriz estaba polo tanto nun proceso de personificar a Hélène. Vela xogar ao amor machucado e á vinganza por despecho, mentres fóra vive unha apaioxada relación. A súa interpretación desprende traxedia e testemuña o seu gusto polas declamacións solemnes"
(Olivier Pélisson, Bande-a-part.fr)


SESIÓN:
COTA:
  20:30h. (CUT+1)
  socios/as 2  (consultar non asociados/as).


21 Feb. 2022
Lun.

«The last picture show» A última película

· (EUA, 1971) 118 min. B&N. Mono. RA 1.85:1 [+18] VOSE

Década dos 50, nunha pequena cidade de Texas. Os mozos amigos Sonny, Duane e a guapa Jacy son tres adolescentes insatisfeitos e aburridos, espectadores das súas propias vidas nunha localidade encerrada en si mesma na que non hai moito que facer. Todo é un soño inmóbil que se desenvolve entre un vello cinema, un salón de billar e un café aberto toda a noite.

Premios
1971: 2 Óscar: Mellor actor secundario (Johnson) e actriz sec. ( Leachman). 8 nom.
1971: Globo de Ouro: Mellor secundario (Johnson). 6 nomeamentos incluíndo drama

"Mírela por onde a mires segue a ser unha obra mestra (...) A banda sonora de Hank Williams e outros é marabillosa. Non a podes perder"
(Peter Bradshaw, The Guardian)


SESIÓN:
COTA:
  20:30h. (CUT+1)
  socios/as 2  (consultar non asociados/as).






ADVERTENZAS: Segue a ser obrigatorio o uso da máscara dentro da sala. Non se permite o acceso á sala unha vez comenzada a sesión. Tampouco se permite o uso do teléfono móbil unha vez comezada a proxección *; sendo motivo en caso contrario de expulsión da sala, sen dereito á reclamación. (En caso de socio/-a será proposto de expulsión da asociación).

(*) Agás para os filmes con audiodescripción, así sinalizados [ AD))) ].

Os símbolos son; VO; Versión orixinal, VOS (Versión orixinal subtitulada, en castelán VOSE, en galego VOSG), VD; versión dobrada cos mesmos patróns E/G.

A calificación por idades de cada filme sigue o seguinte patrón; [A] apta para todos os públicos, [+7] recomendado para maiores de 7 anos, [+12] recomendado para maiores de 12 anos, [+16] recomendado para maiores de 16 anos, [+18] recomendado para maiores de 18 anos, [SC] Sen clasificación por idades.



----------
(*) A audiodescripción estará disponible mediante a aplicación gratuita da fundación ONCE; "AUDESCMOBILE".

(Non é preciso software o hardware adicional. O/A usuario/a tan só ten que instalar a aplicación no seu móbil, descargar a audiodescripción da película que quere ver e unha vez na sala de cine, conectar os cascos e reproducir o arquivo. A audiodescripción comenzará e se sincronizará automáticamente coa película)




Horarios CUT+1




Ningún comentario: