07/11/19

Programación novembro e decembro de 2019

Miradas etnográficas

Oriente/Occidente

O documental do mes

Filmoteca CGAI

Sesión especial: 25-N en negro


O esquema spengleriano ("A decadencia de Occidente" de Oswald Spengler), definía unha serie de trazos distintivos que se manifestaban en todas as culturas por igual enmarcándoas aos acontecementos particulares. Con base a ese esquema e aplicando un método que el chamou a “morfoloxía comparativa das culturas”, Spengler proclamou que a cultura occidental atopábase na súa etapa de vellez ou a punto do final.

A evolución no tempo da cultura oriental con reflexo e influecias entre si, fai predicir o mesmo camiño de enfermidade. Ambas conviven nunha desaforada carreira ao precipicio, que en occidente identificamos como capitalismo e no outro lado denominan "reforma económica". En calquera caso, tomando prestada a estrutura de Spengler, observamos na primeira película do ciclo, a evolución de China a través de dous matrimonios. Tamén veremos o amor e desamor, os salarios de miseria e xornadas de escravitude polo ben común ou polo do capital.

Todo avanza, a tecnoloxía, a vida, o amor...vivimos unha estraña viaxe desde a inexistencia á inexistencia, como a democracia; esa feliz máscara do capitalismo mundial que pode viaxar de oriente a occidente a golpe de click ou en incómodas escalas en apretados artefactos voadores.




«Oriente/Occidente»· cartel deseñado por Iñaki Nóvoa (cineclupePF)


Desta vez, o avance visual [.mp4 • 20'7 MB] que adianta a programación reflexiona precisamente sobre o paso do tempo, algo substancial para nós precisamente no ano que pechamos, a piques de cumprir medio século de vida.


(Atención ao horario do 13 de novembro e ás sesións do 25 e 28 de novembro.)




Miradas etnográficas


  9 Nov. 2019
Sáb.

«A viaxe de Ruth»

e · (España, 2018) 55 min.
Entre os anos 1924 e 1926 a fotógrafa americana Ruth Matilda Anderson viaxou dúas veces a Galicia, acompañada do seu pai Alfred que tamén era fotógrafo. Ruth realizou durante a súa estadía unhas 5.500 fotografías dunha gran calidade, o que a xuízo dalgúns entendidos, non ten parangón con ningún traballo da época. No documental trátase de realizar unha toma similar de moitas destas fotografías para comprobar canto cambiou Galicia dende aqueles anos ata hoxe.



SESIÓN:
COTA:
  20:00 h. (CEST) «Museo Etnolóxico de Ribadavia», Ourense
 De balde




Oriente/Occidente


  13 Nov. 2019
Mérc.

«Di jiu tian chang» Deica sempre, meu fillo

· (China, 2019) 185 min. [R>12] VOSE
Dous matrimonios adáptanse aos grandes cambios sociais e económicos que teñen lugar na China desde a década de 1980 até o presente. O abatido matrimonio cae nos recordos, mentres espera unha única cousa: facerse o suficientemente maiores como para esquecer a dor do pasado.

Premios
2019: Festival de Berlin: mellor actor e actriz

"Uns actores inspirados en estado de graza, unha sublime montaxe e uns flash- backs impecables, que explican a situación no instante adecuado da narración, a película de Wang Xiaoshuai gózase como un inesquecible momento cinematográfico"
(Carlos Loureda, FOTOGRAMAS)

SESIÓNS:
COTA:
 18 e 21:30 h. (CUT+1)
  socios/as 4  (consultar non asociados/as). Posibilidade de desconto




O documental do mes


14 Nov. 2019
Xov.

«What Waala wants»

· (Canadá - Dinamarca, 2018) 86 min. [SC] VOSE
Walaa é unha adolescente que vive no campo de refuxiados de Balata, na cidade de Nablus (Palestina). É valente e teimosa e decidiu incorporarse ás forzas da Autoridade Nacional Palestina. As probas para ingresar no corpo policial son moi duras, pero se o consegue, converterase nunha das poucas policías femininas en Cisxordania. Aínda é nova e inmadura, pero a renuncia non forma parte do seu vocabulario.


Premios
2018; Nominación ao Mellor documental "Glashütte Original", Berlinale - Alemaña
2018; Premio especial do xurado ao mellor documental canadense, Hot Docs - Canadá


(Organizado pola oficina cultural da Vicerreitoría do campus de Ourense da Universidade de Vigo)

 
 
SESIÓN:
COTA:
  19:30 h. (CUT+1)
  De balde




Miradas etnográficas


  16 Nov. 2019
Sáb.

«A imaxe reb/velada»

· (España, 2015) 65 min.
En febreiro de 2008, a familia de Carmen e Toño recibe un correo electrónico moi sorprendente. Un lonxano familiar voltaba a poñerse en contacto con eles tras corenta anos de silencio.


SESIÓN:
COTA:
  20:00 h. (CEST) «Museo Etnolóxico de Ribadavia», Ourense
 De balde




Filmoteca CGAI


18 Nov. 2019
Lun.

«Jiao qu de niao» Suburban birds

· (China, 2018) 118 min. [SC] VOSE
Producíronse varios afundimentos de terra nunha área suburbana. Para investigar as causas, as autoridades enviaron un equipo de enxeñeiros, entre os que se atopa Hao. Tras días de vagabundaxe e pesquisa a transportar o seu pesado equipo, Hao entra nunha escola de primaria e encontra un diario que relata a historia dun cativo que se separa dos seus mellores amigos. En canto o inquérito segue o seu curso, Hao descobre que o diario pode conter profecías sobre a súa propia vida.

Premios
2019: Festival Novos cinemas; mellor longametraxe

"Qiu mostra unha facilidade notable, xa que pacientemente engade capa sobre capa a un misterio que quere permanecer un. Non se trata dun filme de crebacabezas, pero os seus extremos resultan evasivos. As súas observacións sobre a expansión das paisaxes urbanas de China lembran o traballo de Jia Zhangke ("A cinza é o branco máis puro") , mentres que o seu silencio case místico ten acentos que un recoñece nas películas de Apichatpong Weerasethakul. "
(Glenn Kenny, THE NEW YORK TIMES)


SESIÓN:
COTA:
  20:30 e 23 h. (CUT+1)
  socios/as 2  (consultar non asociados/as).




Oriente/Occidente


  20 Nov. 2019
Mérc.

«Els dies que vindran» Os días que virán

· (España, 2018) 110 min. [R>12] VO/SE
Vir (30) e Lluís (32) hai só un ano que saen xuntos, cando descobren que están “embarazados”. Durante 9 meses, seguiremos a aventura desta moza parella barcelonesa, o xiro enorme que dará a súa vida, os seus medos, alegrías, as súas expectativas e as realidades que, durante o seu embarazo, crecen diante deles, tentando aprender a ser tres cando nin sequera tiveran tempo de aprender a ser dous...

Premios
2019: Festival de Málaga: Biznaga de ouro, mellor actriz e mellor dirección

"Unha pequena gran película"
(Paula Arantzazu, CINEMANÍA)

SESIÓNS:
COTA:
 18, 20:30 e 23 h. (CUT+1)
  socios/as 4  (consultar non asociados/as). Posibilidade de desconto



Miradas etnográficas


  23 Nov. 2019
Sáb.

«Mar de terra»

Dirección de · (España, 2018) 60 min.

Visión personal e diferente dunha tradición, a do Entroido, que viaxa ao fondo das emocións. Percorre os entroidos de Laza, Xinzo, Verín, Manzaneda, Santiago de Arriba (Chantada) ou Viana do Bolo e mistúrase coa música do acordeón de Kepa Junkera.


SESIÓN:
COTA:
  20:00 h. (CEST) «Museo Etnolóxico de Ribadavia», Ourense
 De balde




Sesión especial


25 Nov. 2019
Lun.

«25-N en negro»

+ · (España, 2019) 14 + 22 min. [SC] VO/SE
(A programación inicialmente prevista de filmoteca trasládase ao xoves 28 de novembro. No seu lugar os Cineclubes de Galicia realizan unha programación especial arredor do 25 N.)

16 de decembro

Sábado. Cae a noite. O balón móvese rápido dun lado a outro. Os corpos buscan introducirse nos ocos que deixa a defensa. Lucía, vinte e cinco anos, sae de adestrar a balonmán e vai buscar ao seu irmán en moto baixo as luces dunha cidade que cre coñecer.

Suc de Síndria

Bárbara e Pol vanse uns días de vacacións. Rodeados de natureza e amigos, buscan pasalo ben e á vez atopar un espazo tranquilo para gozar da súa intimidade.
Co apoio de Pol, no medio da natureza, entre bágoas e risas, Bárbara aprende a soltarse, sanar vellas feridas e redefinir a súa sexualidade.



SESIÓN:
COTA:
  18 h. (CUT+1)
  De balde, até completar o aforamento (110 butacas) ).




Oriente/Occidente


  27 Nov. 2019
Mérc.

«Jiang hu er nv» A cinza é o branco más puro

· (China, 2018) 135 min. [R>12] VOSE
Cando Bin é atacado por unha banda rival, Qiao deféndese e dispara varias veces. É condenada a cinco anos de cárcere. Tras cumprir a súa pena, Qiao busca a Bin e tenta volver con el. Pero el non quere seguila. Dez anos máis tarde, en Datong, Qiao segue solteira e saíu adiante manténdose fiel aos valores da mafia. Pero Bin, cansado da vida, regresa buscándoa, á única persoa á que amou...

Premios
2018: Festival de Cannes: sección oficial

"É fermosa, violenta e tormentosa...impresionate en todos os sentidos"
(Oti Rguez. Marchante, ABC)

SESIÓNS:
COTA:
 18, 20:30 e 23 h. (CUT+1)
  socios/as 4  (consultar non asociados/as). Posibilidade de desconto




Filmoteca CGAI


28 Nov. 2019
Xov.

«Un violent désir de bonheur» Un violento desexo de felicidade

· (Francia, 2018) 77 min. [SC] VOSE
1792. Durante os tempos da Revolución Francesa, o mosteiro de Gabriel, illado entre montañas, é requisado polas tropas. A convivencia cos soldados sacode ao ousado monxe, como tamén o fai a presenza silenciosa de Marianne. Outra revolución empeza para el.

Premios
2019: Festival Novos cinemas; mención especial do xurado

"A economía de medios obriga a limitarse ás fermosas intencións, dunha película histórica á marxe que se converte nun conto vitalista e teatral."
(Pharaon de Winter, TÉLÉRAMA)


SESIÓN:
COTA:
  20:30 e 23 h. (CUT+1)
  socios/as 2  (consultar non asociados/as ).




Miradas etnográficas


  30 Nov. 2019
Sáb.

«Glittering misfits»

· (2018) 74 min. VOSE

Dirty Martini e Tigger!, estrelas do underground neoiorquino, descubrirannos algúns dos segredos das súas provocativas e reivindicativas formas de expresión artística en night-clubs e cabarets do Off- Off-Broadway de Nova Iorke. Ao mesmo tempo, permitirannos entender desde a súa intimidade cotiá os motivos, as loitas e as claves que lles manteñen como figuras e referentes do neo- burlesque, máis de 20 anos despois de que todo este fenómeno explotase na cidade na década dos 90.


SESIÓN:
COTA:
  20:00 h. (CEST) «Museo Etnolóxico de Ribadavia», Ourense
 De balde




Filmoteca CGAI


2 Dec. 2019
Lun.

«Hamada»

· (España, 2018) 89 min. [A] VOSG
Con vitalidade, humor e situacións inesperadas, a película pinta un inusual retrato dun grupo de amigos que viven nun campamento de refuxiados no medio do pedroso deserto do Sáhara.

"Cunha dirección de fotografía impresionante, unha banda sonora pegadiza e encantadoras historias persoais, Eloy Domínguez Serén logrou ofrecer un retrato único dunha situación complexa que está practicamente estancada."
(Chris Frieswijk, CINEUROPA)


SESIÓN:
COTA:
  20:30  h. (CUT+1)
  De balde, até completar o aforamento (110 butacas) ).




Oriente/Occidente


  4 Dec. 2019
Mérc.

«Sorry we missed you»

· (Reino Unido, 2019) 101 min. [R>12] VOSE
Ricky e a súa familia estiveron pelexando para saír adiante economicamente desde a crise de 2008. Un día preséntase unha nova oportunidade cando aparece unha brillante furgoneta antiga, ofrecendo á familia a posibilidade de crear o seu propio negocio. Con todo, a tarefa non será fácil, especialmente debido ao traballo da súa muller como coidadora.

Premios
2019: Festival de San Sebastián: premio do público - mellor filme europeo

"Unha das mellores películas do século XXI. A visceralidade de Loach, a perpetua intención (e dereito) a querer mudar o mundo, aparecen aquí cunha emocionante tenrura, expostas por un grupo admirable de intérpretes"
(Javier Ocaña, EL PAÍS)

SESIÓNS:
COTA:
 18, 20:30 e 23 h. (CUT+1)
  socios/as 4  (consultar non asociados/as). Posibilidade de desconto




Filmoteca CGAI


9 Dec. 2019
Lun.

«Sophia Antipolis»

· (Francia, 2018) 98 min. [SC] VOSE
Sophia Antipolis: unha tecnópolis na Riviera francesa, un lugar onde os soños deberían facerse realidade. Pero o medo e a desesperación axexan baixo a superficie. Baixo un sol enganoso, cinco vidas trazan a inquietante historia dunha moza: Sophia.


Premios
2019: Festival Novos cinemas; premio do xurado novo

"Hai unha tensión dialéctica permanente entre o superficial e o profundo...semella un filme filmado por un extraterrestre."
(Victor Esquirol, OTROSCINESEUROPA.COM)


SESIÓN:
COTA:
  20:30 e 23 h. (CUT+1)
  socios/as 2  (consultar non asociados/as).




Oriente/Occidente


  11 Dec. 2019
Mérc.

«Di qiu zui hou de ye wan» Longa viaxe cara á noite

· (China, 2018) 138 min. [R>7] VOSE
Luo Hongwu regresa a Kaili, a súa cidade natal, da que fuxiu hai varios anos. Comeza a procura da muller que amaba, e a quen nunca puido esquecer. Ela dixo que o seu nome era Wan Quiwen.

Premios
2018: Festival de Cannes: Un certain regard

"Fascinante obra mestra cun final inesqueciclo...é unha obra de arte imborrable"
(Marta Medina, EL CONFIDENCIAL)

SESIÓNS:
COTA:
 18, 20:30 e 23 h. (CUT+1)
  socios/as 4  (consultar non asociados/as). Posibilidade de desconto




O documental do mes


12 Dec. 2019
Xov.

«When tomatoes met Wagner»

· (Grecia, 2019) 72 min. [SC] VOSE
Dous curmáns enxeñosos, coa axuda do coñecemento das avoas e a ilusión dos habitantes dunha aldea illada de Grecia, logran levantar os ánimos e a economía do lugar, exportando pequenos frascos con tomates orgánicos e conservas cun método pouco ortodoxo ... historia entrañable sobre o poder das relacións humanas.Os dous protagonistas descubriron o segredo para que o tomate teña un mellor sabor: Wagner. Desafiando a agricultura industrial e o cultivo de tomates orgánicos con sementes de séculos, venden tomates sensibles á música en todo o mundo. O regreso dos dous curmáns e o éxito inesperado, tomaron por sorpresa a todo un pobo, que grazas aos tomates, viu como a crise que asolou a Grecia e este lugar en particular se esvaeceu hai uns anos. Unha lección sobre como reinventarse en tempos de crise.


Premios
2019; Berlinale - Alemaña
2019; Thessaloniki International Film Festival – Grecia
2019; Visions du Réel Film Festival – Suiza
2019; DocsBarcelona – España


(Organizado pola oficina cultural da Vicerreitoría do campus de Ourense da Universidade de Vigo)

 
 
SESIÓN:
COTA:
  19:30 h. (CUT+1)
  De balde



Filmoteca CGAI


16 Dec. 2019
Lun.

«Vertigo» Vertixe

· (EUA, 1958) 1288 min. [A] VOSE
Un policía que padece vertixe, Scottie Ferguson, sofre a perda dun compañeiro nunha persecución. Detective do corpo de policía en San Francisco, Scottie vese obrigado a retirarse. Un antigo compañeiro de estudos encárgalle a vixilancia da súa muller, Madeleine, ofuscada cunha bisavoa, Carlota Valdés, morta un século antes. Scottie comeza a seguila, progresivamente fascinado por ela.


"Un dos cumios da obra de Hitchcock puntuado pola sublime banda sonora de Bernard Herrman. Uso virtuoso do zoom, despregamento histórico do delirio da mirada e as posibilidades visuais na plasmación do persoal manierismo do artista británico, posúe unha fonte inesgotable de elementos e temas (a paixón amorosa, a identidade esluída, o dobre, a obsesión,…) con inspiradas e admirables sorpresas narrativas."
(CGAI)


SESIÓN:
COTA:
  20:30 e 23 h. (CUT+1)
  socios/as 2  (consultar non asociados/as).




Oriente/Occidente


  18 Dec. 2019
Mérc.

«La chute de l´empire américain» A caída do imperio americano

· (Canadá, 2018) 128 min. [R>12] VOSE
Pierre- Paul, de 36 anos, un intelectual e doutor en filosofía vese obrigado a traballar como repartidor para ter un salario decente. Un día, mentres entrega un paquete, tópase coa escena dun roubo a man armada que saíu mal cun resultado de dous mortos. Atópase con dúas bolsas de deporte repletas de billetes e enfróntase a un dilema.

Premios
2018; festival de Valladolid - Seminci: FIPRESCI

"Divertida, vicarialmente excitante e punzante na observación dos comportamentos sociais, é segura recomendación para públicos intelixentes"
(Mirito Torreiro, FOTOGRAMAS)

SESIÓNS:
COTA:
 18, 20:30 e 23 h. (CUT+1)
  socios/as 4  (consultar non asociados/as). Posibilidade de desconto









Todas as proxeccións son no salón de actos da Casa da Cultura, (rúa Concello 11 - Ourense). Pregamos puntualidade.

Os símbolos son; VO; Versión orixinal, VOS (Versión orixinal subtitulada, en castelán VOSE, en galego VOSG), VD; versión dobrada cos mesmos patróns E/G.

A calificación por idades de cada filme sigue o seguinte patrón; [A] apta para todos os públicos, [R>7] recomendado para maiores de 7 anos, [R>12] recomendado para maiores de 12 anos, [R>16] recomendado para maiores de 16 anos, [R>18] recomendado para maiores de 18 anos, [SC] sen clasificar.

ADVERTENZAS: Non se permite o acceso á sala unha vez comenzada a sesión. Tampouco se permite o uso do teléfono móbil unha vez comezada a proxección *; sendo motivo en caso contrario de expulsión da sala, sen dereito á reclamación (En caso de socio/-a será proposto de expulsión da asociación).

(*) Agás para os filmes con audiodescripción, así sinalizados [ AD))) ].



----------
(*) A audiodescripción estará disponible mediante a aplicación gratuita da fundación ONCE; "AUDESCMOBILE".

(Non é preciso software o hardware adicional. O/A usuario/a tan só ten que instalar a aplicación no seu móbil, descargar a audiodescripción da película que quere ver e unha vez na sala de cine, conectar os cascos e reproducir o arquivo. A audiodescripción comenzará e se sincronizará automáticamente coa película)




Horarios CUT+1




Ningún comentario: