Programación de outubro a decembro de 2022

Filmoteca CGAI

Comedias de outono

VII Ciclo Colexio de médicos

Cine de outono en Ribadavia

Sesións extraordinarias + >[Abre outra xanela]

Como mostrar e facer comprensible o sentido tráxico da grotesca realidade? Acaso a realidade en xeral é tan grotesca que nin Valle-Inclán foi quen de imaxinala?

A programación coa que rematamos o ano retrata algunha realidade en clave de comedia, sen que por iso poidamos negar o absurdo, o ridículo ou a traxedia. Mesturamos o esbozo da risada coa escuridade dos curtos días de outono, con filmes luminosos, melodías e alimentos que levar ao abeiradoiro que nos protexa dos tambores de guerra e da escuridade da vella Auria que nos desgoberna.

Enfrontamos a escuridade invernal coa sublime luz da Filmoteca de Galicia, destacando unha retrospectiva de Helke Misselwitz e as sesións fulgorosas de Charles Chaplin, Buster Keaton e Alberto Vázquez.

Por último, non esquezan as dúas ultimas citas co ciclo do Colexio de Médicos e o Ciclo de Outono en Ribadavia, no que incluímos a versión orixinal (subtitulada) de Alcarrás; o último Oso de Ouro da Berlinale.

«out-dec 2022»· cartel realizado por Gael Carballo (cineclupePF)

Na canle de «You Tube» tedes o avance visual ^{[.mp4 • 20'7 MB]}, que resume a programación destes dous meses e medio.

Antes do detalle da programación, lembramos que tedes á vosa disposición as follas de sala de cada proxección no seguinte enlace [Abre outra xanela].

X Miradas etnográficas. A terra que habitamos. Cine de outono en Ribadavia

No lonxano 2286 o señor Spock será o responsable de rescatar planeta das perturbacións que o alteran. A clave para estabilizalo será o canto das baleas, unha especie extinta séculos atrás. Para iso, embarcará na nave intergaláctica Enterprise rumbo ao San Francisco do ano 1986 cunha misión: salvar a terra.

A cuarta entrega Star Trek, dirixida polo propio Leonard Nimoy -o actor tras o entrañable Spock- en 1986, xa alertaba sobre os perigos que axexaban ao planeta. Estes foron en aumento a tal punto que, hoxe en día, os gobernos de medio mundo inclúen entre os seus programas "protocolos", "plans de acción" "alianzas estratéxicas" e outro tipo de analoxías para preservar os recursos da terra perante o irreversible cambio climático.

As voces da ciencia, da filosofía ou da socioloxía moderna urxen un cambio no pacto social. Avanzar cara a sociedades más xustas que garantan un reparto equitativo dos recursos. O cine, porén, só pode falar a través das imaxes en movemento. E iso é o que nos ofrece este ciclo de películas, que se celebra por décimo outono no Museo Etnolóxico de Ribadavia: catro 'miradas' sobre o noso planeta, a nosa relación con el e a que mantemos con nós mesmos.

Como será a vida en 2286? O certo é que en 2022 andamos enleados en guerras, que só fan ilustrar o noso fracaso.

Encomendémonos á misión do señor Spock.

Programación de novembro e decembro de 2018

Filmoteca CGAI

Sesións crepusculares

Miradas etnográficas

Sesións especiais

O día + curto

Nas sesións crepusculares, percorremos unha viaxe por aquelas formas de vida e de heroes que desaparecen... cansos, morriñentos, críticos, desencantados, sucios, resignados, acabados ou atormentados... Todos están abocados a dar paso á "civilización" e a desaparecer como o ano que remata.

«Sesións Crepusculares» · cartel deseñado por Iñaki Nóvoa (cineclupePF)

Como sempre o avance visual ^{[.mp4 • 20'7 MB]} da programación é acompañado cunha ambientación musical, neste caso co grupo "Clap your hands and say yeah".

Que a difusión alongada do crepúsculo nos acompañe na procura de utopías, emocións e ilusións. Atención aos horarios e as sesións especiais dos días 12, 17 e 20 de decembro.

Cine de outono - Miradas etnográficas 2018

Durante o mes de novembro de 2018 a 6ª edición do Cine de Outono - Miradas Etnográficas está adicada ao pasado, tan vixente no actual presente. Serán cuatro miradas de directoras e directores españois sobre o presente das tradicións, do pasado e inevitablemente das cuestión futuras.

As proxeccións serán de balde os venres ás 20.00 h, no Museo Etnolóxico de Ribadavia; o 9, 16, 23 e 30 de novembro.

De seguido o detalle da programación.

Programación de novembro e decembro de 2017

Miradas etnográficas

Semana da ciencia

Filmoteca CGAI

Ciclo Incertezas

Sesión especial: O día + curto...Javier Fesser

Cal será o noso futuro? Vivimos nun mundo cambiante e non só...polos avatares fronteirizos envoltos en bandeiras. Movémosnos ás escuras á deriva dun mercado global que impón as súas normas por enriba da xustiza social; son tempos de axustes, postmodernidade, intelixencia artificial, tempos modernos ou como diría Bauman "Tempos líquidos".

Na selección de películas para rematar este ano, con vidas fragmentadas sen respostas definitivas, guiounos ese tránsito interior, para ver un mundo en evolución permanente.

«Incertezas» · cartel deseñado por Iñaki Nóvoa (cineclupePF)

Como sempre o avance da programación é acompañado cunha ambientación musical, neste caso coa cantante portuguesa Márcia. avance visual ^{[.mp4 • 20'7 MB]} Non teñan medo deste mundo de incertezas, e como "Mal menor" acompáñenos na escuridade da sala, como si dunha caverna platónica, na procura de utopías, emocións e sabedoría.

(Atentos, aos horarios do 8 de novembro e 11 de decembro)