Volven nas noites de xullo as marxes fílmicas cunha selección de cine clásico de comedia que salpimente unha obrigada nova normalidade.
Esta só é unha pequena mostra dos filmes que avanzan os festexos que estamos a preparar para celebrar os 50 anos do cineclube. Coma sempre antes do teatro da MIT, agardamos veros no patio do Museo Etnolóxico de Ribadavia.
«Marxes Fílmicas 2020» deseño de Iñaki Nóvoa (cineclupePF)Os filmes proxéctanse na segunda e terceira semana do mes de xullo, os luns e mércores, os días 6, 8, 13 e 15 de xullo do 2020 nunha única sesión, ás 22:00 h. en VOSE e acceso de balde.
De seguido o detalle da programación:
6 xullo 2020
luns
«Whisky Galore!» Whisky a fartar!
Alexander Mackendrick · (Reino Unido, 1949) 82 min.[ND]
Durante a II Guerra Mundial (1939-1945), un barco cargado de whisky naufraga fronte a illa escocesa de Eriskay. Os insulares, que xa levaban un tempo sen catar nin pinga de alcohol -unha traxedia local-, empezan a darlle ao maxín para burlar as autoridades e apoderarse do cargamento. Unha historia baseada en feitos reais -tan lonxe, tan preto- cargada do máis sutil humor inglés
Premios
1949: BAFTA; nomeado ao mellor filme británico
SESIÓN:
COTA:
22:00 h. (CEST)
De balde (até completar o aforo.)
8 xullo 2020
mérc.
«The Odd Couple» A estraña parella
Gene Saks · (EUA, 1968) 105 min. [ND]
Dous divorciados deciden compartir un apartamento en Nova York malia os seus caracteres e estilos de vida, que son absolutamente incompatibles. A obsesión pola limpeza e a orde do meticuloso Felix resulta desesperante para Óscar, un tipo que é quen de pór o apartamento patas arriba á velocidade do raio.
Jack Lemmon e Walter Matthau conforman unha das mellores parellas da comedia.
Jack Lemmon e Walter Matthau conforman unha das mellores parellas da comedia.
Premios
1968:Oscar; 2 nominacións; mellor guión adaptado e montaxe.
1968:Globos de ouro; 3 nominacións, incluíndo mellor filme comedia/musical.
SESIÓN:
COTA:
22:00 h. (CEST)
De balde (até completar o aforo.)
13 xullo 2020
luns
«I soliti ignoti» Rufufú
Mario Monicelli · (Italia, 1958) 100 min. [ND]
Un grupo de ladróns de pouca monta, aconsellados por un vetrerano dese nobre oficio, prepara un gran roubo nas oficinas romanas do Monte de Pietà -institució vinculada historicamente ás esmolas dos pobres-, coa esperanza de saír da miseria en que viven. O xurado do Festival de San Sebastián recoñeceu en 1958 a Monicelli como mellor directorex-aequo (con Hitchcock, por Vértigo).
SESIÓN:
COTA:
22:00 h. (CEST)
De balde (até completar o aforo.)
15 xullo 2020
mérc.
«Duck soup» Sopa de ganso
Leo McCarey · (EUA,1933) 70 min. [ND]
Unha das desputas máis divertidas da historia do cine: a que enfronta a República Democrática de Freedonia, un pequeno país centroeuropeo, a cuxa fronte está "o moi liberal señor Rufus T. Firefly", e Sylvania, un país ditatorial cunha ben merecida fama de mal veciño. Descubriremos a rivalidade territorial a través de Chicolini e Pinky, os espías de Sylvania, ou... ou se cadra non.
SESIÓN:
COTA:
22:00 h. (CEST)
De balde (até completar o aforo.)
Advertimos como sempre no cine ao aire libre, que a programación pode verse condicionada polas circunstancias meteorolóxicas.
Horarios CUT+2
Participa co cineclube, e comentándonos as túas impresións sobre os filmes que proxectamos, neste blogue ou nas redes sociais nas que participamos, apreciamos moito os vosos comentarios.
Todas as proxeccións son en VOSE. A calificación por idades de cada filme sigue o seguinte patrón; [A] apto, [+N] recomendado para maiores da idade que marque N, [ND] Non dispoñible a calificación no ICAA.
Pregamos pontualidade.
Ningún comentario:
Publicar un comentario