programación febreiro—marzo 2015

Estamos nunha época de prevalecencia mediática, de códigos superficiais e ruíns, onde o máis profundo e rebelde, heroicamente pódese ver ás veces, no cinema. Nesta fiestra ao mundo, existen condutas fora do común, amores diferentes, outras adolescencias lonxe dos estereotipos sociais, que enfróntase ao contexto actual, á costume e a un aparente paraíso cívico chamado civilización.

Vivimos mergullados agora mesmo baixo a opresión da produtividade, da débeda, das costumes… dominados pola cobiza que manipula o noso tempo; sen respectar outros espazos, ocultos sempre por falta de tempo ou simplemente agardando de pequenos cambios, que nos revelen… nun abrir e pechar de ollos, sen cambiar de butaca, diferentes espellos do mundo para enfrontar outras realidades.

Cartaz da programación de febreiro—marzo 2015, deseño de Iñaki Nóvoa (cineclupePF)

Non tema, «A contracorrente», non o deixará indiferente e pode ademais, librar batallas nunca antes reflexionadas. Coma sempre no canle de «You Tube», tedes o avance visual ^{[.mp4 • 4'5 MB]} deste ciclo e de seguido, os filmes que o compoñen. Agradecemos moito a vosa participación e comentarios.

luns 23 de febreiro do 2015

Velo avance do filme: You Tube ^{[.mp4 • 5'25 MB] VO}

Título: «ReMine, el último movimiento obrero» (ReMine, o último movemento obreiro)
Ano: 2014
País: España
Director: Marcos Martínez Merino
Guión: Marcos Martínez Merino e Marta Fernández Crestelo
Fotografía: Marcos Martínez Merino
Xénero: documental
Duración: 101 min.
Producción: Marta Fernández Crestelo e Marcos Martínez Merino
Distribuidora: Freews Producciones Audiovisuales
Exhibición: Dixital (BD) · Cor · Ratio 1.85:1
Idioma: castelán · VO (versión orixinal)

Sipnose:
Máis de 4.000 mineiros en Asturias decláranse en folga indefinida contra os recortes históricos aprobados polo goberno. Organizan protestas a diario, cortan estradas, encérranse a 700 metros de profundidade, andan 500 quilómetros até Madrid «Pero xa nada é como antes» Nin sequera os supervivientes do último movemento obreiro. Cine directo e en loita.

Premios e mencións:
2014 · BAFICI: mención especial do xurado :: Festival de Sevilla: premio mellor filme (as novas ondas - non ficción) :: Festival de la Memoria · Documental Iberoamericano: mellor documental sección oficial. Uruguay: XXXII FIC Competencia Dereitos Humanos :: Valdivia, Chile: XXI FIC Disidencia :: St. Petersburg: XIII IFF Special Screening.

Crítica:
"«ReMine» é máis ben unha narración épica e unha crónica apaixonada do final do obrerismo, dotada tamén de certa melancolía… ten un dominio implacable do tempo do relato, da progresión narrativa, do retrato dos personaxes e da transmisión dunhas emocións que sempre son nobres e honestas, ás veces até a bágoa. Na gran tradición de John Ford, Patricio Guzmán ou Barbara Kopple, Merino acadou un filme admirable, un «track» político sen concesións e unha mostra de cine activista indispensable nestes tempos sen ideoloxía: a secuencia final, …resulta insuperable neste sentido…"
Carlos Losilla (Time Out)

mércores 25 de febreiro do 2015

Velo avance do filme: You Tube ^{[.mp4 • 21'8 MB] VOS}

Título: «Love is Stranger» · El amor es extraño
(O Amor é Estraño)
Ano: 2014
País: Estados Unidos
Director: Ira Sachs
Guión: Ira Sachs e Mauricio Zacharias
Fotografía: Christos Voudouris
Reparto: John Lithgow, Alfred Molina, Marisa Tomei, Darren Burrows…
Duración: 94 min.
Produtora: Parts & Labor Films | Charlie Guidance | Mm…Buttered Panini Productions | Sony Pictures Classics
Distribuidora: Golem
Exhibición: Dixital BD · Cor · Ratio 1.85:1 · Dolby Dixital
Idioma: inglés e ruso · VOSE (versión orixinal subtítulada en castelán)

Sipnose:
Cando no 2011 legalízase en New York o matrimonio homosexual, Ben e George, que levan 39 anos xuntos, deciden casar. Pouco despois, despiden a George sen explicación ningunha da escola católica onde ensinaba música e perden o seu piso en Chelsea. Unha parella gai de policías acolle a George, e Ben vaise vivir á casa do seu sobriño en Brooklyn. Verse obrigados a vivir na casa allea, o esforzo por ser amables máis a preocupación por un futuro incerto son motivos de estrés para todos.

Premios e mencións:
2014 · Premios Gotham: nominada ao mellor filme :: Independent Spirit Awards: 4 nominacións incluíndo mellor filme :: Satellite Awards: 2 nominacións incluíndo mellor filme.

Crítica:
"Moitos, sospeito, emocionaranse até chorar con «O amor é estraño» (…) Non porque esaxere as situacións dramáticas, senón polas súas notas de graza e os silenciosos feitizos emitidos por un grupo de actores en estado de graza"
Michael Phillips (Chicago Tribune)

luns 2 de marzo do 2015

Velo avance do filme: You Tube ^{[.mp4 • 29 MB] VOS}

Título: «Everyday Rebellion»
Ano: 2013
País: Suiza
Director: Arash T. Riahi e Arman T. Riahi
Guión: Irmáns Riahi
Música: Karwan Marouf
Fotografía: Irmáns Riahi, Mario Minichmayr e Dominik Spritzendorfer
Reparto: Andy Bichlbaum, Mike Bonanno, Srdja Popovic, Inna Shevchenko…
Duración: 114 min.
Produtora: ZDF Arte | SRF | Mirafilm | SRG-SSR Pacte | Golden girls filmproduktion
Distribuidora: Docs Barcelona | Parallel 40
Exhibición: Dixital (BD) · Cor · Ratio 1.85:1
Idioma: inglés, francés, ruso, árabe, castelán e farsi · VOSE (versión orixinal subtítulado ao castelán)

Sipnose:
Que teñen en común o movemento Occupy Wall Street cos indignados de España ou a Primavera Árabe? Hai algunha conexión entre a loita do movemento iraniano para a democracia e a revolta de Siria? Cal é o enlace entre as activistas ucraínas en topless de Femen e unha cultura islámica como Exipto? E por enriba de todo isto, que teñen que ver Serbia e Turquía?.
Os motivos para protestar de todos eles son diferentes, pero as tácticas non violentas que utilizan nas súas loitas están moi conectadas. Tamén o están os activistas que comparten estratexias, novas ideas e métodos establecidos. «Everyday Rebellion» é unha historia sobre a riqueza das protestas pacíficas, representadas cada día por xente apaixonada en España, Irán, Siria, Ucraína, EUA, Reino Unido e Serbia.

Premios e mencións:
2014 · DocsBarcelona, España: sección oficial :: Cinema for Peace, Berlin (Alemaña): nominación mellor filme :: TDF, Tesalónica (Grecia): sección oficial.
2013 · Copenhagen International Documentary Film Festival, Dinamarca: Premio do público :: IDFA, Países Baixos: sección oficial :: Biennale - Premio Ben, Frankfurt am Main (Alemaña): Ao mellor Transmedia.

Crítica:
"O acerto de «Everyday Rebellion» é bombardearnos a ideas e feitos que aseguran o éxito, achegando todo o material necesario para darnos as pistas sobre o que temos que facer para alcanzar a meta proposta. Como é posible que sigamos sen unirnos deste xeito?…"
Arantxa Acosta (Cinedivergente.com)

mércores 4 de marzo do 2015

Velo avance do filme: You Tube ^{[.mp4 • 12'2 MB] VOS}

Título: «Loreak» · Flores

Ano: 2014
País: España
Director: José María Goenaga e Jon Garaño
Guión: José Mari Goenaga, Jon Garaño e Aitor Arregi
Música: Pascal Gaigne
Fotografía: Javier Agirre
Reparto: Josean Bengoetxea, Nagore Aranburu, Ane Gabarain, Gotzon Sanchez …
Duración: 99 min.
Produtora: Irusoin | Moriarti Produkzioak
Distribuidora: A contracorriente films
Exhibición: Dixital 2'35:1 (BR/DVD) · Cor · Ratio 2.35:1 · Dolby dixital
Idioma: eúscaro · VOSE (versión orixinal subtítulada ao castelán)

Sipnose:
A vida de Ane dá un xiro cando semanalmente comeza a recibir de forma anónima un ramo de flores na súa casa. Pola súa banda as vidas de Lourdes e Tere tamén se ven afectadas por unhas misteriosas flores. Un descoñecido deposita cada semana un ramo en memoria de alguén que foi importante nas súas vidas. Esta é a historia de tres mulleres, tres vidas alteradas pola mera presenza dunhas flores. Flores que farán xermolar nelas sentimentos que parecían esquecidos… Pero á fin e ao cabo, non son máis que flores.

Premios e mencións:
2014 · Premios Goya^®: 2 nominacións incluíndo mellor filme.

Crítica:
"Tan encantadora e belamente construída como as frores do seu título (…) unha dos mellores filmes en éuscaro que xamais se fixesen nunca"
Jonathan Holland (The Hollywood Reporter)

luns 9 de marzo do 2015

Velo avance do filme: You Tube ^{[.mp4 • 24'7 MB] VOS}

Título: «Le sel de la terre» · La sal de la tierra
(O Sal da Terra)
Ano: 2014
País: Francia
Director: Wim Wenders e Juliano Ribeiro Salgado
Guión: Wim Wenders e Juliano Ribeiro Salgado
Música: Laurent Petitgand
Fotografía: Hugo Barbier e Juliano Ribeiro Salgado
Xénero: documental
Duración: 100 min.
Producción: Amazonas Images e Solares Delle Arti
Distribuidora: Caramel Films
Exhibición: Dixital (BD) · Cor e B/N · Ratio 1.85:1 · Dolby SR-D
Idioma: varios · VOSE (versión orixinal subtítulada ao castelán)

Sipnose:
Desde fai couarenta anos, o fotógrafo Sebastião Salgado percorre os continentes captando a mutación da humanidade. Testigo de grandes acontecementos que marcaron a nosa historia recente: conflitos internacionais, hambruna, éxodos,… etc., agora emprende camiño cara a territorios vírxes con grandiosos paisaxes, descubrindo unha fauna e unha flora silvestres no marco dun proxecto fotográfico xigantesco, tributo á beleza do planeta. Seu fillo Juliano, quen lle acompañou nas suas últimas travesías, e Wim Wenders, tamén fotógrafo, comparten con nós a súa mirada acerca da súa vida e a súa obra.

Premios e mencións:
2014 · Premios Oscar^™: nominado á mellor longametraxe documental :: Premios Cesar^®: mellor documental :: Festival de Cannes: premio especial do xurado («Un Certain Regard») :: Premios Goya^®: nominada ao mellor filme europeo :: Festival de San Sebastián: Premio do público :: Independent Spirit Awards: nominada ao mellor longametraxe documental.

Crítica:
"Fabuloso relato artístico, social, antropolóxico e etnográfico (...) Como adoita acontecer cos documentais de Wenders, as súas pezas son un prodixio de manexo do tempo secuencial e do plano…"
Javier Ocaña (El País)

mércores 11 de marzo do 2015

Velo avance do film: You Tube ^{[.mp4 • 23'5 MB] VOS}

Título: «Short Term 12» · Las Vidas de Grace
(As Vidas de Grace)
Ano: 2013
País: Estados Unidos
Director: Destin Cretton
Guión: Destin Cretton
Música: Joel P. West
Fotografía: Brett Pawlak
Reparto: Brie Larson, John Gallagher Jr., Kaitlyn Dever, Stephanie Beatriz…
Duración: 96 min.
Produtora: Cinedigm | Animal Kingdom | Traction Media
Distribuidora: La Aventura Audiovisual
Exhibición: Dixital BD · Cor · Ratio 1.85:1 · Dolby dixital
Idiomas: inglés · VOSE (versión orixinal subtítulada ao castelán)

Sipnose:
Grace (Brie Larson) é unha moza de vinte e tantos anos que traballa como supervisora en Short Term 12, un centro de acollida para adolescentes en situación de vulnerabilidade. Encántalle o seu emprego e vive entregada ao coidado dos rapaces. Pero ao mesmo tempo, pesa sobre ela un pasado conflitivo que a chea de angustia. A raíz do ingreso no centro dunha rapaza intelixente e inqueda, decátase de que non pode seguir eludindo os problemas que arrastra dende a infancia.

Premios e mencións:
2013 · Festival de Locarno: selección oficial de longametraxes a concurso :: Seminci de Valladolid: sección oficial a concurso :: Premios Gotham: mellor actriz (Brie Larson)

Crítica:
"Temas sensibles abordados coa sutileza do que quere emocionar e cativar pola vía da naturalidade (…) un filme marabilloso… "
David Broc (Fotogramas)

luns 16 de marzo do 2015

Velo avance do filme: You Tube ^{[.mp4 • 23'4 MB] VOS}

Título: «Jauja» ·

Ano: 2014
País: Arxentina
Director: Lisandro Alonso
Guión: Lisandro Alonso e Fabián Casas
Música: Buckethead e Viggo Mortensen
Fotografía: Timo Salminen
Reparto: Viggo Mortensen, Diego Roman, Ghita Nørby, Mariano Arce…
Duración: 101 min.
Producción: 4L | Massive Inc. | Perceval Films | Mantarraya Producciones | Fortuna Films
Distribuidora: Noucinemart
Exhibición: Dixital (BD) · Cor · Ratio 2.35:1 · Dolby SR-D
Idioma: danés e castelán · VOSE (versión orixinal subtítulada ao castelán)

Sipnose:
Patagonia, 1882. Durante a chamada «Conquista do Deserto», unha campaña xenocida do exército arxentino contra a población orixinaria desa rexión, nun remoto posto fronterizo é escenario da loita feroz por parte de ámbolos frentes.
Procedente de Dinamarca, chega á Patagonia o Capitán Dinesen xunto coa súa filla Ingeborg, de quince anos, para realizar un traballo como enxeñeiro para o exército arxentino. Cando Ingeborg namorase dun xove soldado e escapa con él, o capitán viaxa ao territorio enemigo para atopar á parella. «Jauja» é a historia dun home desesperado por atopar a súa filla, unha cruzada en solitario que o levará a un lugar máis alá do tempo, no que o pasado desvanéceuse e o futuro non ten sentido.

Premios e mencións:
2014 · Festival de Cannes^®: premio FIPRESCI (Un Certain Regard) :: Festival de San Sebastián: sección oficial (Horizontes latinos) :: Premios Fénix: mellor actor (Viggo Mortensen); 9 nominacións :: Festival do Mar del Plata: selección oficial longametraxes a concurso :: Festival de La Habana: selección oficial longametraxes a concurso

Crítica:
"Lisandro Alonso ofrece en «Jauja» unha das máis suxerentes, elípticas e apasioantes quendas do ano (…) un filme moi preto da obra mestra…"
Luis Martínes (El Mundo)

Folla de sala: Jauja [.pdf • 124 kB]

mércores 18 de marzo do 2015

Velo avance do filme: You Tube ^{[.mp4 • 13'2 MB] VO}

Título: «Hermosa juventud» · (Fermosa Xuventude)
Ano: 2014
País: España
Director: Jaime Rosales
Guión: Jaime Rosales
Música: Juan Gómez-Acebo
Fotografía: Pau Esteve Birba
Reparto: Ingrid García Jonsson, Carlos Rodríguez, Juanma Calderón, Inma Nieto…
Duración: 100 min.
Produtora: Fresdeval Films
Distribuidora: Wanda vision
Exhibición: Dixital BD · Cor · Ratio 2.35:1 · Dolby dixital
Idiomas: castelán · VO (versión orixinal)

Sipnose:
Natalia e Carlos son dous mozos namorados que loitan por sobrevivir na España actual. Os seus limitados recursos impídenlles satisfacer os seus desexos. Non teñen grandes ambicións porque non albergan grandes esperanzas.

Premios e mencións:
2014 · Festival de Cannes^®: sección oficial «Un Certain Regard» :: Premios Goya^®: nominada á mellor actriz revelación (Ingrid García Jonsson)

Crítica:
"Os actores novos rebordan naturalidade, os diálogos e as situacións son cribles, nada resulta de balde ou soa a impostura. É unha boa e necesaria película.… "
Carlos Boyero (El País)

luns 23 de marzo do 2015

Velo avance do filme: You Tube ^{[.mp4 • 13'4 MB] VO}

Título: «10.000 km.» ·

Ano: 2014
País: España
Director: Carlos Marqués-Marcet
Guión: Carlos Marqués-Marcet e Clara Roquet
Fotografía: Dagmar Weaver-Madsen
Reparto: Natalia Tena, David Verdaguer…
Duración: 98 min.
Producción: Lastor Media | La Panda
Distribuidora: Avalon Distribución Audiovisual
Exhibición: Dixital (BD) · Cor · Ratio 1.85:1 · Dolby SR-D
Idioma: castelán · VO (versión orixinal)

Sipnose:
Alex e Sergi, unha sólida parella de Barcelona, acaricia a idea de ter un fillo, porén, inesperadamente, Alex acada unha beca dun ano en Los Angeles, o que suporá un ano de relación a 10.000 km. de distancia.

Premios e mencións:
2014 · Premios do cinema europeo: nominada á «European Discovery» mellor ópera prima :: Premios Goya^®: mellor director novel; 3 nominacións · Festival de Málaga: 5 premios, incluíndo mellor filme, director e actriz :: Festival SXSW^™ de Austin (Texas, EE.UU): mellor actor e mellor actriz

Crítica:
"Un filme de plantexamento aparentemente sinxelo porén de longuísimo alcance (…) un relato emocionante e doloroso (…)…"
Alex Montoya (Fotogramas)

mércores 25 de marzo do 2015

Velo avance do film: You Tube ^{[.mp4 • 15 MB] VO}

Título: «Leviafan» · (Leviatán)
Ano: 2014
País: Rusia
Director: Andrei Zvyagintsev
Guión: Andrei Zvyagintsev e Oleg Negin.
Música: Philip Glass
Fotografía: Mikhail Krichman
Reparto: Vladimir Vdovichenkov, Elena Lyadova, Aleksey Serebryakov, Anna Ukolova…
Duración: 141 min.
Produtora: Sergey Melkumov | Alexander Rodnyansky | Marianna Sardarova
Distribuidora: Golem distribución
Exhibición: Dixital BD · Cor · Ratio 2.35:1 · Dolby dixital HD-DTS
Idioma: ruso · VOSE (versión orixinal subtítulada ao castelán)

Sipnose:
Kolia vive nunha vila ás beiras do mar de Barents, ao norte de Rusia. Ten un taller de mecánica ao carón da súa casa, onde vive coa súa nova esposa e o seu fillo, froito dunha relación anterior. O alcalde do pobo está decidido a apropiarse da casa e do taller de Kolia custe o que custe. Primeiro intenta mercar o terreo, pero Kolia non está disposto a vender.

Premios e mencións:
2014 · Premios Oscar^™: nominada ao mellor filme de fala non inglesa :: Globos de Ouro: mellor filme de fala non inglesa

Crítica:
"Un drama tráxico, sobrio e convincente (…) Interpretada e dirixida cunha ambición inquebrantable, movéndose cunha deliberada lentitude, acelerando periódicamente nos momentos de gran dramatismo e suspense… "
Peter Bradshaw (The Guardian)

Lembrade que, temos propostas e liñas abertas á vosa colaboración e participación:

1. Animádevos a presentar algún dos filmes programados (lígase despois, bbfff…unha barbaridade…,hai unha chea de recoñecemento social, fanche descontos, entras gratis á sesión, invitamos a unha caña… etc.)
2. Queremos por en marcha o Ambigú do cineclube na biblioteca (un espazo de reflexión e debate sobre as películas programadas ou as que hai en depósito na biblioteca)
3. Tes ao seguir estas liñas, todo o espazo do mundo, para comentar, suxerir ou espallar polas redes sociais, aquelo que consideres xusto e necesario. O apreciamos con sinceridade e propósito de enmenda.

Horarios CUT+1