Ciclo 50
Filmoteca CGAI
Festival AMAL en ruta
Ciclo de Outono en Ribadavia
O documental do mes
Camiñamos cara o final deste longo ano, engadindo as últimas citas ás celebracións do 50 aniversario. Pregamos tamén atención ás datas do AMAL en ruta que coinciden no primeiro fin de semana co ciclo de outono en Ribadavia, retrasado polas circunstancias do COVID a este mes e con mudanza de lugar e horas. Agardamos o pasedes tan ben coa programación que festexam os 50 anos coma co resto.
Ciclo 50
1
dec.
2020
mar.
«La batalla de Chile (1): La insurrección de la burguesía»
Patricio Guzmán · (Chile, 1975) 100 min. [+18] VOE/SIng
Salvador Allende pon en marcha un programa de profundas transformacións sociais e políticas. Desde o primeiro día a dereita organiza contra el unha serie de folgas salvaxes mentres a Casa Branca o asfixia economicamente. A pesar do boicot (en marzo de 1973) os partidos que apoian a Allende obteñen o 43,4% dos votos. A dereita comprende que os mecanismos legais xa non lles serven. De agora en diante a súa estratexia será o golpe de estado.
"Abafador e admirable documental dun país que é lanzado ao caos coa inevitabilidade dunha traxedia grega"
(Kevin Thomas, LOS ANGELES TIMES)
SESIÓN:
COTA:
17:00 e 20:00 h. (CUT+1)
De balde
2
dec.
2020
mér.
«Citizen Kane» Cidadán Kane
Orson Welles · (EUA, 1941) 119 min. [A] VOSE
Un importante magnate estadounidense, Charles Foster Kane, dono dunha importante cadea de xornais, dunha rede de emisoras e dunha inimaxinable colección de obras de arte, morre en Xanadú, o seu fabuloso castelo de estilo oriental. A última palabra que pronuncia antes de expirar, "Rosebud", cuxo significado é un enigma, esperta unha enorme curiosidade tanto na prensa como entre a poboación. Así, un grupo de xornalistas emprende unha investigación para desentrañar o misterio.
Premios
1941: Oscar: premio mellor guión orixinal
"Unha metáfora potente da traizón aos principios, a dexeneración do soño americano, e unha intelixente observación sobre a natureza corruptora do poder"
(David Wood, BBC)
SESIÓN:
COTA:
17:00 e 20:00 h. (CUT+1)
De balde
3
dec.
2020
xov.
«La ciénaga» O pantano
Lucrecia Martel · (Arxentina, 2001) 102 min. [A] VOE
En febreiro, nos pantanos do noroeste de Arxentina, a sufocante calor mestúrase con choivas tropicais. Dúas familias (unha de clase media urbana e outra de produtores rurais en decadencia) entrecrúzanse no sopor provinciano dunha Salta caótica e inmutable, onde nada sucede pero todo está a piques de estalar. Un día todo cambia cando un accidente une estas dúas familias.
Premios
2001: Festival de Berlín: Premio Alfred Bauer
2001: Festival de Sundance: mellor guión
2001: Festival da Habana: mellor película
"Escuro brote de talento, de estraña e vigorosa secuencia. Filme duro, violento e brusco"
(Ángel Fernández Santos, EL PAÍS)
SESIÓN:
COTA:
17:00 e 20:00 h. (CUT+1)
De balde
4
dec.
2020
ven.
«Yol» O camiño
Cinco prisioneiros dun cárcere turco reciben permiso para viaxar ás súas casas durante unha semana. Cada un deles ten os seus propios problemas, preocupacións e nostalxias. Rigorosas leis, escritas e non escritas, e un sistema brutal son unha carga que pesa sobre eles. Sofren violencia e exercen violencia. As vacacións, comezadas con esperanza, terminan con dor.
Premios
1982: Cannes: Palma de ouro (ex-aequo) e Premio FIPRESCI
"YOL é a obra fundamental de Yılmaz Güney, probablemente o director máis importante da historia do cine turco. A produción de Yol é tan interesante como a propia película: preso durante a rodaxe, o cineasta delega a dirección en Şerif Gören, antes de escapar da prisión para completar a montaxe en Suíza. A aventura que precedeu ao estreo da película contribuíu certamente ao seu impacto, con todo, non pode ocultarse completamente a calidade desta película"
(Louis Rossier, DAILY MOVIES)
SESIÓN:
COTA:
17:00 e 20:00 h. (CUT+1)
De balde
6
dec.
2020
dom.
«8½ (Otto e mezzo)» Fellini, oito e medio
Federico Fellini · (Italia, 1963) 140 min. [+12] VOSE
Guido Anselmi é un prestixioso director de cinema que se atopa en metade dun proxecto imposible de acabar. O realizador está a atravesar unha crise de inspiración e a presión exercida polos que o rodean non lle axuda a saír do ensimismamento. Nesta situación, empeza a pasar revista aos feitos máis importantes da súa vida e a lembrar a todas as mulleres ás que amou.
Premios
1963: Oscar: premios mellor película de fala non inglesa e vestiario
"A alucinóxena obra mestra de Fellini é a máis película das películas (...) É unha obra que nunca deixa de recompensar e sorprender"
(Tara Brady, IRISH TIMES)
SESIÓN:
COTA:
17:00 h. (CUT+1)
De balde
Filmoteca CGAI
7
dec.
2020
lun.
«La strada dei Samouni» A familia Samouni
Stefano Savona · (Italia-Francia, 2018) 128 min. [ND] VOSG
Na periferia rural da cidade de Gaza, unha pequena comunidade de agricultores, a familia Samuni, disponse a celebrar unha voda. É a primeira festa desde a última guerra. Amal, Fuad, os seus irmáns e curmáns perderon a seus pais, os seus fogares e as súas oliveiras. O barrio no que viven está a ser reconstruído. Replantan as árbores e aran os campos, pero unha tarefa aínda máis difícil recae sobre estes mozos superviventes: reconstruír a súa propia memoria. A través dos seus recordos, A familia Samuni traza un profundo retrato dunha familia antes, durante e despois dos tráxicos sucesos que mudaron as súas vidas para sempre.
SESIÓN:
COTA:
17:00 e 20 h. (CUT+1)
De balde
Festival AMAL en ruta
AMAL EN RUTA 2020 supón un percorrido polo mellor cine árabe da actualidade grazas á Fundación Araguaney
10
dec.
2020
xov.
«Soufra»
Thomas Morgan · (Singapur, 2017) 73 min. [ND] VOSE
Soufra narra a historia de Mariam Shaar, unha muller nada no campo de refuxiados palestinos de Burj El Barajneh (Beirut) que trata de crear unha empresa de restauración para mulleres como medio de supervivencia económica, social e persoal.
SESIÓN:
COTA:
17:00 h. (CUT+1)
De balde
10
dec.
2020
xov.
«Look at me»
Nejib Belkadhi · (Catar - Tunes - Francia, 2018) 96 min. [ND] VOSE
A vida de Lofti, un inmigrante asentado en Marsella, cambia drásticamente o día que recibe unha chamada do seu irmán desde Tunes. A súa ex-esposa acaba de sufrir un infarto e Lofti tense que facer cargo do seu fillo de 9 anos afectado de autismo.
SESIÓN:
COTA:
20:00 h. (CUT+1)
De balde
11
dec.
2020
ven.
«La guerra empieza aquí»
Joseba Sanz · (España, 2018) 64 min. [ND] VOE/SE
O 13 de marzo do 2017, Ignacio Robles, bombeiro de Bizkaia, negouse a participar nun operativo de seguridade no porto de Bilbao. A manobra tiña como obxectivo o envío de toneladas de armamento fabricado en Euskadi a Arabia Saudita.
SESIÓN:
COTA:
17:00 h. (CUT+1)
De balde
11
dec.
2020
ven.
«Mafak»
Bassam Jarbawi · (Palestina - EUA - Catar , 2018) 108 min. [ND] VOSE
Despois de 15 anos de prisión Ziad non recoñece o mundo que o rodea. A tecnoloxía cambiou, a sociedade non é a que era e empeza a comprender que os seus problemas non son só sociais, senón tamén psicolóxicos. Ziad sente que a súa única escapatoria pasa por volver ao momento no que se atopaba 15 anos atrás, con todo o que iso supón.
SESIÓN:
COTA:
20:00 h. (CUT+1)
De balde
12
dec.
2020
sáb.
«Sky and ground»
Sky and Ground cóntanos a historia dos Nabi, unha familia siria - kurda que viaxa ilegalmente durante tres meses dende Aleppo a Alemaña. Un relato no que se mestura o medo coa esperanza por unha vida mellor.
SESIÓN:
COTA:
17:00 h. (CUT+1)
De balde
Ciclo de Outono en Ribadavia
12
Dec.
2020
Sáb.
«Estruturas. Pel contra pel»
O documental amosa un conxunto de actuacións de responsabilidade colectiva que repercuten no urbanismo e na paisaxe: a explotación forestal, os tendidos eléctricos de proporcións desmedidas, a actuación humana ante o crecemento pobacional, o abandono do patrimonio, as obras inacabadas, a especulación, etc.
(Prevemos a asistencia dos directores)
(Prevemos a asistencia dos directores)
Festival AMAL en ruta
13
dec.
2020
dom.
«Yomeddine»
Abu Bakr Shawky · (Exipto, 2018) 93 min. [ND] VOSE
Beshay nunca saíu da colonia de leprosos na que o abandonaron sendo un neno. Trala morte da súa muller decide coller as súas escasas pertenzas e ir en busca das súas raíces xunto a Obama, un mozo orfo que se une a el no camiño
SESIÓN:
COTA:
17:00 h. (CUT+1)
De balde
Ciclo de Outono en Ribadavia
13
Dec.
2020
Dom.
«El bosque animado» O bosque animado
José Luis Cuerda · (España, 1987) 103 min. [A] VOSE
Nun bosque fantástico dunha aldea galega do rural "naqueles anos nos que unha galiña custaba dúas pesetas e o bosque de Cecebre era máis extenso e máis frondoso" transcorre a vida, cun bandido que tenta asaltar algo, un poceiro coxo, unha ánima en pena, unha muller farta da explotación laboral á que a súa tía a somete e que decide buscar a vida na cidade, un meniño rebuldeiro cunha irmá tamén cativa que traballa máis que dorme, unhas solteiras da capital (Amparo Baró e Alicia Hermida) que foron á aldea para relaxarse, o cura, o garda civil e o señor do pazo chamado o D'Abondo.
Premios:
1987: Goya mellor película, actor e guión
Premios:
1987: Goya mellor película, actor e guión
Filmoteca CGAI
14
dec.
2020
lun.
«Vitalina Varela»
Pedro Costa · (Portugal, 2020) 124 min. [ND] VOSG
Vitalina aterra en Lisboa tres días despois do funeral do seu marido Joaquim. Foi campesiña durante toda a súa vida en Cabo Verde e estivo agardando ese billete de avión máis de 25 anos para reunirse con el. No barrio ninguén a coñece, ninguén a conforta, a veciñanza desconfía. Pasa apesarada os días e as noites como un pesadelo, pechada na casa de Joaquim. Alí descobre a súa vida secreta, as cinzas da súa relación e a pobreza dun soño do que só quedan os cimentos.
SESIÓN:
COTA:
17:00 e 20 h. (CUT+1)
De balde
Ciclo 50
18
dec.
2020
ven.
«Arrebato» Arroutada
Iván Zulueta · (España, 1979) 110 min. [+18] VOE
Tras finalizar a súa segunda longametraxe, o cineasta José Sirgado séntese profundamente insatisfeito coa súa vida ao entrar na trintena. Debátese entre a insatisfacción que lle causa a súa carreira cinematográfica, as secuelas da súa adicción á heroína e a nostalxia da súa relación con Ana, que fora a protagonista da ópera prima. Un día, ao volver a casa, atópase coas dúas tentacións, a heroína e Ana, á súa disposición. Tamén recibe un misterioso paquete enviado por Pedro, un personaxe inquietante, que lle manda unha película gravada en Super 8 onde José atopará tanto unha vía de escape como o camiño sen retorno ao maior dos infernos.
Premios
1981: Festival Fantasporto: Premio da Crítica, mellor actor e guión
"Film de culto, moderno e/ou posmoderno, concibido cun orzamento mínimo, (...) 'Arrebato' integra un acoutado grupo de películas españolas que marcaron un antes e un despois na historia do cinema"
(Gustavo Castagna, TIEMPO ARGENTINO)
SESIÓN:
COTA:
17:00 e 20:00 h. (CUT+1)
De balde
20
dec.
2020
dom.
«Rosemary's Baby» A semente do diaño
Roman Polanski · (EUA, 1968) 136 min. [+16] VOSE
Guy e Rosemary Woodhouse, un matrimonio neoiorquino, múdanse a un edificio situado fronte a Central Park, sobre o cal, segundo un amigo, pesa unha maldición. Unha vez instalados, fanse amigos de Minnie e Roman Castevet, uns veciños que os colman de atencións. Ante a perspectiva dun bo futuro, os Woodhouse deciden ter un fillo; pero cando Rosemary queda embarazada, o único que lembra é facer o amor cunha estraña criatura que lle deixou o corpo cheo de marcas. Co paso do tempo, Rosemary empeza a sospeitar que o seu embarazo non é normal.
Premios
1968: Oscar: premio mellor actriz secundaria
1968: Globos de Ouro: premio mellor actriz secundaria
1968: David di Donatello: premios mellor dirección e actriz estranxeira
"Unha excelente versión da novela satánica de Ira Levin"
(VARIETY)
SESIÓN:
COTA:
17:00 h. (CUT+1)
De balde
O documental do mes
21
dec.
2020
lun.
«Overseas»
Sung-A Yoon · (Bélxica-Francia, 2019) 90 min. [ND] VOSE
As candidatas que traballan nun centro de adestramento para realizar tarefas domésticas prepáranse, como moitas outras filipinas, para a nostalxia e os malos tratos que adoitan sufrir cando abandonan o seu país.
(Organizado pola oficina cultural da Vicerreitoría do campus de Ourense da Universidade de Vigo)
SESIÓN:
COTA:
19:30 h. (CUT+1)
De balde
Ciclo 50
22
dec.
2020
mar.
«Chun gwong tsa sit» Happy together
Wong Kar-Wai · (Hong Kong, 1997) 98 min. [+13] VOSE
Yiu-Fai e Po-Wing levan un tempo xuntos moi namorados e deciden viaxar desde Hong Kong a Arxentina para empezar unha nova vida de cero. A chegada ao novo país parece transformar as cousas e Po-Wing abandona a Yiu-Fai, que comeza a traballar nun bar de tango para conseguir o diñeiro dun billete de volta a casa. Un día Po-Wing reaparece, pero esta igual que sempre e Yiu-Fai busca estabilidade na súa vida.
Premios
1997: Festival de Cannes: premio mellor dirección
"Estraña e subxugante"
(Omar Khan, CINEMANÍA)
SESIÓN:
COTA:
17:00 e 20:00 h. (CUT+1)
De balde
Ciclo de Outono en Ribadavia
26
Dec.
2020
Sáb.
«O apóstolo»
Fernando Cortizo · (España, 2012) 72 min. [ND] VOG
Un preso foxe do cárcere para tentar atopar un tesouro agochado hai anos nunha aldea do Camiño de Santiago, pero o que atopa suporalle unha condena maior da que fuxiu. Vellos misteriosos, estrañas desaparicións, trasnos, un cura estraño e o arcipreste de Santiago xúntanse no Camiño. Un filme de misterio, humor, animación e invención.
Premios:
2013: Festival de Annecy: Premio do público
2013: Fantasporto: Premio especial do xurado
2014: Animamundi; Mellor película de animación
Premios:
2013: Festival de Annecy: Premio do público
2013: Fantasporto: Premio especial do xurado
2014: Animamundi; Mellor película de animación
27
Dec.
2020
Dom.
«O que arde»
Oliver Laxe · (España, 2019) 85 min. [+7] VOG
Nos Ancares lucenses, Amador Coro (interpretado por Amador Arias) é un veciño pirómano que sae do cárcere e regresa á súa casa, coa súa nai Benedicta (intepretada por Benedicta Sánchez), a súa cadela Luna e as súas vacas. As súas vidas transcorren con normalidade no medio da natureza até que un día un lume arrasa a rexión.
Premios:
2019: Festival de Cannes; Un certain regard
2019: Goya: Mellor actriz revelación e fotografía
2019: Festival Mar de plata; mellor película e guión
Premios:
2019: Festival de Cannes; Un certain regard
2019: Goya: Mellor actriz revelación e fotografía
2019: Festival Mar de plata; mellor película e guión
Os acrónimos utilizados son: VO = versión orixinal, VOS = versión orixinal subtitulada, VOSE = versión orixinal subtitulada en castelán, VOSG = Versión orixinal subtitulada en galego, VDE = versión dobrada en castelán, VDG = versión dobrada en galego.
A calificación por idades de cada filme amósase con: [A] = apta para todos os públicos, [+N] = recomendado para maiores de N anos (onde N é a idade mínima recomendábel) e [SC]/[ND] = sen calificación ou non dispoñíbel.
ADVERTENZAS: O cineclube conta cun protocolo de medidas anti COVID, que obriga a unha entrada e saída diferentes da sala, aforo reducido, hixienización e ventilación entre sesións e obrigación do uso da máscara en todo momento. Non se permite o acceso á sala unha vez comenzada a sesión. Tampouco se permite o uso do teléfono móbil unha vez comezada a proxección *; sendo motivo o incuprimento das normas citadas, da expulsión da sala, sen dereito á reclamación (En caso de socio/-a será proposto de expulsión da asociación).
* Agás para os filmes con audiodescrición, así sinalizados [AD)))]
A audiodescrición é posíbel coa aplicación AudescMobile da Fundación ONCE para os sistemas operativos Android e iOS (de balde). Non é preciso máis software e/ou hardware adicional. O/A usuario/a coa aplicación instalada no seu trebello móbil, descarga a audiodescrición do filme que desexa ver e unha vez na sala, conecta os seus auriculares e inicia a aplicación co arquivo da audiodescrición; o arquivo sonoro sincronízase de xeito automático co filme.
Ningún comentario:
Publicar un comentario