Dentro das habituais sesións dos mércores de ciclo, detallamos a continuación os filmes que proxectaremos para rematar o ano 2024, no salón de actos da Casa de Cultura (Rúa Concello núm. 11 de Ourense).
Podes consultar e descargar as follas de sala, aquí [Abre outra xanela]
23
Out.
2024
Mérc.
«HLM Pussy»
Nora el Hourch · (Francia-Marrocos, 2023) 101 min. Cor. AR 2,35:1 [+12] VOSE
A pesar das súas diferentes orixes sociais, Amina, Djeneba e Zineb son tres adolescentes inseparables e mellores amigas desde que teñen uso de razón. Cando Zineb sofre acoso por parte do mellor amigo do seu irmán, Amina decide publicar un vídeo comprometedor nas redes sociais coa esperanza de que deixe de acosala. O que non sabe é que o vídeo non só poñerá en perigo a súa seguridade, senón que tamén poñerá a proba a súa amizade.
"Singular achegamento ao consentimento sexual desde o ímpeto e a inxenuidade adolescente. O drama francés achega unha gama de grises a unha revolución necesaria: a loita contra a violencia machista"
(Javier Ocaña, El País)
30
Out.
2024
Mérc.
«L'amour et les forêts» Só para min
Valérie Donzelli · (Francia, 2023) 105 min. Cor. AR 1,66:1 [+16] VOSE
Cando Blanche Renard coñece a Greg Lamoureux, cre atopar ao home indicado. Os lazos que os unen crecen rapidamente; están atrapados nunha gran paixón. Ignorando os seus medos, Blanche abandona á súa familia e á súa irmá xemelga, Rose, con soños de reinventarse a si mesma, e aos poucos atópase atrapada nas garras dun home profundamente posesivo e perigoso. Un home ao que non se atreve a denunciar por vergoña, por medo. Porque a influencia ten só dous resultados posibles. Ou a vítima derrúbase ou se libera.
Adaptación da novela homónima de Eric Reinhardt.
Premios
2023: Premios César (Francia): Mellor guión adaptado. 4 nomeamentos
"Unha das virtudes do que quizá sexa un dos máis logrados traballos de Valérie Donzelli é a atmosfera de conto que a directora imprime a esta historia sobre violencia de xénero"
(Paula Arantzazu Ruiz, Cinemanía )
6
Nov.
2024
Mérc.
«A chimera» A quimera
Alice Rohrwacher · (Italia, 2023) 130 min. Cor. AR 1,37:1 / 1,66:1 [+7] VOSE
Todos temos unha quimera, algo que desexamos facer, ter, pero que nunca atopamos. Para a banda de 'tombaroli', os ladróns de antigas tumbas e de xacementos arqueolóxicos, a quimera é soñar con deixar de traballar e facerse ricos sen esforzo. Para Arthur, a quimera parécese a Benxamina, a muller á que perdeu. Con tal de atopala, Arthur enfrontarase ao invisible, indagará por todas partes, penetrará na terra, decidido a atopar a porta que o leva ao máis aló do que falan os mitos. No seu ousado percorrido entre vivos e mortos, bosques e cidades, festas e soidades, os destinos dos personaxes crúzanse, todos en busca da súa quimera.
Premios
2023: Festival de Valladolid - Seminci: Espiga de Prata. 2 nomeamentos
2024: Indie Lisboa; Mellor filme
"É imposible non quedar superado, á vez que embelesado (...) a combinación de tres formatos analóxicos (...) pode e debe cualificarse de sublime (...) Prodixiosa."
(Philipp Engel, La Vanguardia)
13
Nov.
2024
Mérc.
«Reinas»
Klaudia Reynicke · (Suíza-España-Perú, 2024) 104 min. Cor. AR 1,85:1 [+12] VOE
Perú, anos 90. A situación política do país é moi convulsa cos militares controlando as rúas. Dúas irmás adolescentes están a piques de abandonar o país para sempre cando se reencontran inesperadamente cun pai ausente. Para saír de Perú a nai necesita a autorización del. O reencontro amplificará e aliviará á vez a súa dor polo cambio inminente.
Premios
2024: Festival de Berlín: Generation Kplus - Gran Premio do Xurado á mellor película.
"Ten algo de autobiográfica esta marabillosa película (...) e nótase: un armazón así, tan auténtico hai que vivilo en carne propia. Nada resulta impostado, grazas tamén a un elenco marabilloso"
(Salvador Llopart, La Vanguardia )
20
Nov.
2024
Mérc.
«Here» Here, un bo home
Bas Devos · (Bélxica, 2023) 84 min. Cor. AR 1,66:1 [+12] VOSE
Stefan, un obreiro da construción romanés que vive en Bruxelas, está a piques de regresar ao seu país. Cociña unha gran pota de sopa con sobras que ten na súa neveira para repartila como agasallo de despedida entre amigos e familiares. Xusto cando está listo para irse, coñece a unha moza chinesa-belga que está a preparar un doutoramento sobre musgos. A súa atención cara ao case invisible detenlle en seco.
Premios
2023: Berlinale: Mellor película (Sección Encounters)
"Un estudo sobrecolledor da conexión humana e a nosa relación coa natureza. Non é unha historia de amor convencional, pero non por iso deixa de ser moi tenra. 'Here' está plenamente presente e cegadamente viva"
(Tim Grierson, Screendaily )
27
Nov.
2024
Mérc.
«Kobieta Z...» Woman of...
Adrzej vive coa súa familia nunha pequena cidade de Polonia. Esfórzase por ser un bo pai e marido, pero sente cada vez máis incómodo un corpo que non reflicte a súa verdadeira identidade. Nun momento en que Polonia vive a súa transición do comunismo ao capitalismo, a película acompaña a Aniela Wesoly na súa viaxe en busca da liberdade persoal como muller trans.
Premios
2023: Festival de Venecia: Nomeada ao León de Oro - Mellor película
"Un emotivo estudo de personaxes que percorre os 45 anos de loita dunha muller por atopar a liberdade persoal"
(David Rooney, The Hollywood Reporter)
4
Dec.
2024
Mérc.
«Hors saison» Fóra de tempada
Setéphané Brizé · (Francia, 2023) 115 min. Cor. AR 1,85:1 [+12] VOSE
Mathieu vive en París, Alice nunha pequena cidade costeira do oeste de Francia. El ten uns cincuenta anos e é un coñecido actor. Ela ten máis de corenta e é profesora de piano. Namoráronse fai uns quince anos. Logo separáronse. Desde entón, o tempo pasou, cada un seguiu o seu camiño e as feridas foron cicatrizando aos poucos. Cando Mathieu decide darse un respiro nun balneario afastado de todo, reencóntrase casualmente con Alice.
"Luminosa Alba Rohrwacher, encantador Guillaume Canet"
(Le Parisien)
11
Dec.
2024
Mérc.
«La parra»
Alberto Gracia · (España, 2024) 90 min. Cor. AR 1,85:1 [+12] VOG/E
Damián participa nun concurso televisivo onde premian a literalidade. Colocáronlle o seu nome na camisa. Cando o programa vaise a publicidade, comeza a historia: Había unha vez un home de mediana idade que vive de forma precaria nunha gran cidade. Ao recibir a noticia de que o seu pai morreu, ten que volver a Ferrol, o seu pobo natal. Tras máis de vinte anos fóra, Ferrol converteuse nunha ruína que todo o atrapa.
Premios
2024: Festival de cine independente de Buenos Aires; Nomeada ao mellor filme
2024: Festival de cine de Rotterdam; Nomeada ao Tigre mellor director
2024: Tolouse Cineespaña; Nomeada á Violeta de ouro mellor director
"Ferrol parece o Twin Peaks ibérico. Envolvido no manto dun son atmosférico, o espazo emana estrañeza e termina por empuxar ao protagonista a unha fuxida entre paranoide e alucinada"
(Violeta Kovacsics, otroscines.com)
Pregamos puntualidade.
Lembramos usen a máscara de protección dentro da sala para; se vostede presenta síntomas de catarro, gripe ou COVID.
Os símbolos desta web son; VO; Versión orixinal, VOS (Versión orixinal subtitulada, en castelán VOSE, en galego VOSG), VD; versión orixinal ou dobrada cos mesmos patróns E español /G galego / CAT catalán / EUS euskera / E-Aame español americano / PT portugués.
A calificación por idades de cada filme sigue o seguinte patrón; [A] apta para todos os públicos, [+7] recomendado para maiores de 7 anos, [+12] recomendado para maiores de 12 anos, [+18] recomendado para maiores de 18 anos, e [ND] Non dispoñible ou [SC] sen clasificación no ICAA.
Cando se proxecte en resolución 4096 × 2160 px, farase constar /4K/. Cando sexa en celuloide 35 ou 16 mm, /Nº mm/ e sen constancia explícita; ésta será en VXGA (DVD,BluRay ou mp4). A diferencia entre a resolución da primeira e a última son 8 millóns de px fronte a dous millóns de px.(1,9 K).
A continuación, pode consultar aquí... a programación extraordinaria na que colabora o cineclube, o blog Sala de máquinas (que da acceso tamén ás follas de sala, organigrama e transparencia), clube de cine Nós #CCPF, a web da Biblioteca pública Nós, os cineclubes de Ourense (que da acceso tamén á Federación de cineclubes de Galicia), á base de datos do ICAA ou ás base de datos de filmaffinity e IMDB.
ADVERTENZAS:
Non se permite o acceso á sala unha vez comenzada a sesión. Tampouco se permite o uso do teléfono móbil unha vez comezada a proxección * sendo motivo en caso contrario de expulsión da sala, sen dereito á reclamación. (En caso de socio/-a será proposto de expulsión da asociación).
(*) Agás para os filmes con audiodescripción, así sinalizados [ AD))) ].
----------
(*) A audiodescripción estará disponible mediante a aplicación gratuita da fundación ONCE; "AUDESCMOBILE".
(Non é preciso software o hardware adicional. O/A usuario/a tan só ten que instalar a aplicación no seu móbil, descargar a audiodescripción da película que quere ver e unha vez na sala de cine, conectar os cascos e reproducir o arquivo. A audiodescripción comenzará e se sincronizará automáticamente coa película)
Horarios CUT+1
Ningún comentario:
Publicar un comentario