Filmoteca
Sesións dos mércores
Sesións maxistrais
Desde que acabamos as proxeccións a principios do mes pasado, fóronse acumulando historias, sensacións, ideas, imaxes e ás veces situacións ineludibles.
Empezamos o ano coa actualización das cotas, acordadas na última asemblea (que explicamos ao final do detalle da programación) e que vén un pouco dada polo desinterese e falta de apoios municipais e coa previsión inmutable da situación.
Convén lembrar que no Cineclube Padre Feijoo todo o traballo e esforzo que realizamos é voluntario e non renumerado. Sabemos que moitos o saben e sentímonos apoiados e reconfortados. Pero tamén atopámonos ultimamente, con posturas tanto na sala e mesmo fóra dela, reclamando ou protestando con certa esixencia diante das restricións do uso do teléfono móbil, sobre a obrigada puntualidade para non distracción e respecto ao resto dos espectadores ou mesmo... a ver cando empezamos! (sen importar que nós deberiamos ter o mesmo dereito a gozar das festas como os demais ou un pouco de respecto e consideración á nosa dedicación altruísta) incendiando ás veces un pouco, os nosos ánimos.
O que a continuación presentamos para xaneiro e febreiro, é froito do traballo escuro previo; reunión de programación, negociación coas distribuidoras, comprobación e obtención de copias, acompañado doutros mesteres circunstancialmente rutinarios, como preparar as contas (trimestrais e anuais), limpar a sala (2 veces á semana), acondicionar os equipos e proxectar os filmes, preparar carteis e pegalos, tradución e confección das follas de sala , redactar e programar este blog ou mesmo o vídeo [.mp4 • 21'8 MB] que preparamos para recordar toda a programación.
«Xan-Feb 2025»· (cineclupePF)
Facer unha película, sería todo moito máis complicado e é por iso que non nos imos a estender máis con está introdución, que cremos oportuna e necesaria, despois da pasada asemblea.
A continuación o detalle da programación que se estenderá ata o entroido. Atención á novidade que incorporamos este ano, aparte das sesións maxistrais do domingo, temos un día máis; os sábados pola mañá, no que iremos programando sesións maxistrais dedicadas ao público infantil e xuvenil, con acceso de balde aos socios e a posibilidade de convite a persoas non socias. En estás sesións o acceso é preferente aos/ás socios/as pero non exclusivo como nas sesións dos domingos.
Filmoteca
20
Xan.
2025
Lun.
«Prefiro condenarme»
Margarita Ledo · (España, 2024) 87 min. Cor/B&N. AR: 1,85:1 [+12] VOG
A historia de mil caras de Sagrario, mariscadora na ría de Ferrol, atravesada pola ditadura e a transición, enfróntanos a unha nai díscola, unha esfera familiar en perpetuo desacougo e un xuízo por adúltera aos 33 anos, en 1972, a causa da filla que ten co seu amante, un carpinteiro “digno de querer”. Como unha nova Antígona, Sagrario sitúase fóra da regra e coa súa desobediencia reclama a lei aínda non escrita á par que o desexo. No fondo, a igualdade coas de "arriba" que ninguén critica.
Filme especialmente recomendado para o fomento da igualdade de xénero (ICAA)
"Despois de 'Nación', outra magnífica obra de Margarita Ledo sobre a loita das nosas nais"
(Paula Arantzazu, Cinemanía)
SESIÓN:
COTA:
20:30h. (CUT+1) «Casa da cultura - CCPF» de Ourense
De balde socios/as (3 euros non asociados/as; consultar cotas).
Sesións dos mércores
22
Xan.
2025
Mérc.
«Les pires» Os peores
Unha rodaxe vai empezar na barriada Picasso, en Boulogne-Sur-Mer, ao norte de Francia. Durante o casting, catro adolescentes (Lily, Ryan, Maylis e Jessy) son elixidos para participar na película. No barrio, todos sorpréndense: por que escoller só a «os peores»?
Premios
2022: Festival de Cannes; Gran premio “Un certain regard”
"Reflexiva e ás veces oscuramente divertida"
(Anna Smith, Deadline)
Sesión maxistral
26
Xan.
2025
Dom.
«Apocalypse now redux»
Francis Ford Coppola · (EUA, 2001) 202 min. Cor. RA 2.39:1 [+18] VOSE
Durante a guerra de Vietnam, ao novo Capitán Willard, un oficial dos servizos de intelixencia do exército estadounidense, encomendóuselle entrar nunha perigosa misión de eliminar a Kurtz, un coronel renegado que se volveu tolo. O capitán deberá ir navegar polo río ata o corazón da selva, onde parece ser que Kurtz raíña como un buda despótico sobre os membros da tribo Montagnard, que lle adoran como a un deus.
"Maxistral disección dos horrores e absurdos da guerra, onde Coppola espremeu todo o seu talento, diñeiro e enerxía para rodar unha fascinante baixada aos infernos do conflito de Vietnam. Apocalypse now redux é unha versión estendida do filme de 1979 onde o director, xunto co editor e colaborador Walter Murch, agregou 49 minutos de material que fora eliminado da estrea inicial. "
(CCPF)
SESIÓN:
COTA:
18:00 h. (CUT+1) «Casa da cultura - CCPF» de Ourense
Exclusivamente para socios/as, de balde (Faite socio/a).
Filmoteca
27
Xan.
2025
Lun.
«Paradiset brinner» Paradise is burning
Mika Gustafson · (Suecia, 2023) 108 min. Cor. AR 1,85:1 [+12] VOSE
Tres irmás de entre 7 e 15 anos viven soas despois de que a súa nai desaparecese durante longos períodos de tempo. Cando os servizos sociais esixen unha reunión familiar, a irmá maior, Laura, planea atopar unha substituta para a súa nai.
Premios
2023: Festival de Venecia: Mellor dirección (Orizzonti)
"Unha proposta (...) fresca, e sobre todo capitalizada polo carisma avasallador e a insolente beleza de Bianca Delbravo, a maior das tres (...). Naceu unha estrela"
(Philipp Engel, La Vanguardia)
SESIÓN:
COTA:
20:30h. (CUT+1) «Casa da cultura - CCPF» de Ourense
De balde socios/as (3 euros non asociados/as; consultar cotas).
Sesións dos mércores
29
Xan.
2025
Mérc.
«Amal»
Jawad Rhalib · (Bélxica, 2023) 111 min. Cor. Dolby dixital. AR 1,85:1 [+16] VOSE
Amal, unha profesora francesa dun instituto de Bruxelas, anima aos seus alumnos para cultivar a paixón pola lectura, defender a liberdade de expresión e promover a tolerancia. Con todo, as súas ideas molestan a algúns alumnos e compañeiros vinculados co extremismo islámico, totalmente oposto aos seus métodos de ensino. Aínda así, Amal mantense firme, especialmente cando ten que axudar a Monia, unha das súas estudantes, unha moza reservada á que atacaron, acosada e ameazada polas sospeitas sobre a súa homosexualidade.
Filme especialmente recomendado para o fomento da igualdade de xénero (ICAA)
Premios
2024: Festival internacional de Tallin (PÖFF); mellor actriz (Lubna Azabal)
"Conmovedora e alarmante"
(Le Figaro)
Sesión maxistral infantil
1
Feb.
2025
Sáb.
«Lady and the Tramp» A dama e o vagamundo
Raíña é unha fermosa cadeliña de pura raza que vive feliz no seu fogar. Conséntena moito e ela corresponde feliz aos seus coidados. Con todo, o día en que os seus donos deciden facer unha viaxe, a vida de Raíña vese alterada; a chegada da tía Clara cos seus gatos non provoca máis que sobresaltos. Menos mal que coñece a Golfo, un can vagabundo moi simpático.
Premios
1956: David di Donatello: Mellor produción estranxeira (Migliore Produzione Straniera)
"Cunha música estupenda, un ritmo alegre e uns diálogos que merecen unha ovación, 'A dama e o vagabundo' realmente atópase entre o mellor de Walt Disney"
(Philip Thomas, Empire)
SESIÓN:
COTA:
12:00 h. (CUT+1) «Casa da cultura - CCPF» de Ourense
Socios/as; de balde . Non socios/as; 3 euros (Faite socio/a)
Filmoteca
3
Feb.
2025
Lun.
«Sedmikrásky» As margaridas
Vera Chytilová · (Checoslovaquia, 1966) 76 min. Cor7B&N. /4K/ AR: 1,37:1 [+12] VOSE
Dúas rapazas novas conclúen, mentres toman o sol en bikini, que se «neste mundo todo está corrompido, estaremos corrompidas nos tamén». Así actívase o mecanismo que pon en marcha o filme: unha tras outra, iranse producindo escenas inconexas nas cales as dúas protagonistas xogan a ser rebeldes co seu ámbito.
Este filme proxectouse (na versión sen restaurar ofrecida polo Centro checo de Madrid) o 1 de xullo de 2015 nas Marxes fílmicas de Ribadavia
"Considerada unha das grandes obras do cinema feminista do último século, o filme é unha sátira rebelde e visualmente cegadora coa que Vera Chytilová desafiou todas as normas da época. Unha película adiantada ao seu tempo, restaurada en 4K."
(Atalantecinema.com)
SESIÓN:
COTA:
20:30h. (CUT+1) «Casa da cultura - CCPF» de Ourense
De balde socios/as (3 euros non asociados/as; consultar cotas).
Sesións dos mércores
5
Feb.
2025
Mérc.
«Las chicas de la estación»
Juana Macias · (España, 2024) 115 min. Cor. AR 2,34:1 [+16] VOE
Jara, Álex e Miranda son tres mozas que creceron nun centro de menores sen saber que é o amor. É o aniversario de Jara e as tres queren celebralo no concerto do seu trap queen preferida. Necesitan diñeiro e non teñen moitas opcións para conseguilo. Pero coñecen a unha moza algo maior que se dedica a conseguir citas con adultos nos baños da estación de autobuses, e que hai tempo vénlles ofrecendo gañar algo de diñeiro fácil.
Filme especialmente recomendado para o fomento da igualdade de xénero (ICAA)
"Unha historia demoledora coa que resulta inevitable sobrecollerse e nas que destacan as tres magníficas debutantes"
(Javier Ocaña, El País)
Filmoteca
10
Feb.
2025
Lun.
«Filmei paxaros voando»
Zeltia Outeiriño · (España, 2024) 100 min. Cor. AR: 1,85:1 [+7] VOG
Zeltia, tras dúas décadas en Barcelona lonxe da súa Galicia natal e da súa nai Socorro, unha muller conservadora da que se afastou, regresa á súa terra para filmar unha película e explorar o seu desarraigamento familiar. Na súa procura de respostas, segue a vida do seu tío Antonio, un artesán téxtil co que se identifica pola súa creatividade e visión da vida. Con todo, é coa súa nai con quen realmente se reencontra, sobre todo cando a saúde de Socorro empeora. Entre rodaxes e coidados, nai e filla atopan un espazo para sandar vellas feridas e compartir momentos de complicidade e amor.
"Un documental do íntimo que tenta refuxir o risco de resultar impúdico...e que pode obrigarnos a pensar nas relacións familiares ou de calquera tipo que vivimos"
(Ignasi Franch, cineconn.es)
SESIÓN:
COTA:
20:30h. (CUT+1) «Casa da cultura - CCPF» de Ourense
De balde socios/as (3 euros non asociados/as; consultar cotas).
Sesións dos mércores
12
Feb.
2025
Mérc.
«Emilia Pérez» (Anulada)
Jacques Audiard · (Francia, 2024) 130 min. Cor. AR 2,35:1 [+16] VOSE
*(Anulada): Sentimos anunciar que, non poderemos proxectar Emilia Pérez, cuxos dereitos xestiona Wanda films.
Tiñamos un compromiso polo cal non podíamos anunciala antes do 15 de xaneiro. Nós cumprimos, mais lamentablemente a distribuidora decidíu mudar as condicións o 17 de xaneiro (unha vez anunciada a programación), polo que vémonos na obriga de suspender o día sinalado sen posibilidades, polas datas, de reprogramar outro filme. Pregamos desculpas polo incomodo e falta de seriedade alleas ao Cineclube
México, hoxe. A avogada Rita recibe unha oferta inesperada. Ten que axudar un temido líder dun cártel a retirarse dos seus negocios e desaparecer para sempre converténdose na muller que sempre soñou ser.
Filme especialmente recomendado para o fomento da igualdade de xénero (ICAA).
Premios
2024: Festival de Cannes; mellor actriz (Zoe Saldana, Selena Gomez, Karla Sofía Gascón e Adriana Paz)
2024: Cine Europeo (EFA); 5 premios, incluíndo mellor filme e mellor actriz (Karla Sofía Gascón)
2024: Globos de Ouro: 4 premios, incluíndo mellor filme.
"Un musical-nacorcorrido-trans tan delicado como brutal, brillante en cada un dos seus xestos máis escuros e irresistible de puro disparatado"
(Luis Martínez, El Mundo))
Filmoteca
17
Feb.
2025
Lun.
«Sobre todo de noche»
Víctor Iriarte · (España-Portugal-Francia, 2023) 108 min. Cor. AR: 1,66:1 [+12] VOE
Cando Beira (Lola Dueñas) era nova, non puido facerse cargo do seu fillo e tivo que dalo en adopción. Cando Cora (Ana Torrent) era nova, o seu médico díxolle que non podería ter fillos e que só adoptando podería formar unha familia. Ambas comparten esa experiencia de ser nais dun neno chamado Egoz (Manuel Egozkue). Agora, ambas mulleres reencóntranse en Portugal para repasar a historia das súas vidas e reescribir os seus destinos.
Premios
2023: SEMINCI: FIPRESCI; Premio do xurado da crítica internacional.
"Sorprende pola súa calculada, dura e enigmática aproximación ao que o director cualifica do último gran tabú da Transición (...) Sen dúbida, e sobre todo, unha das xoias do ano do cinema español"
(Luis Martínez, El Mundo)
SESIÓN:
COTA:
20:30h. (CUT+1) «Casa da cultura - CCPF» de Ourense
De balde socios/as (3 euros non asociados/as; consultar cotas).
Sesións dos mércores
19
Feb.
2025
Mérc.
«Quand vient l'automne» Cando cae o outono
François Ozon · (Francia, 2024) 102 min. Cor. AR 1,85:1 [+12] VOSE
Michelle, unha avoa en plena forma en todos os aspectos, vive unha xubilación tranquila nunha pequena vila da Borgoña, onde tamén reside Marie-Claude, a súa mellor amiga. O día de todos os santos, a súa filla Valérie vén vela coa idea de deixarlle o seu neto Lucas durante a semana de vacacións escolares. Pero nada sucederá como estaba previsto.
Premios
2024 SSIFF; mellor interpretación de reparto (Pierre Lottin) e mellor guión.
"Baixo a aparencia dunha pequena e serena peza outonal, François Ozon entrega esta vez un retorto e felizmente transgresor apólogo moral que reivindica o sentido e a necesidade das segundas oportunidades"
(Carlos F. Heredero, Caimán)
Filmoteca
24
Feb.
2025
Lun.
«Las novias del sur»
Elena López Riera · (España-Suiza, 2024) 37 min. Cor/B&N. AR: 1,85:1 [ND] VOE
Mulleres maduras falan do seu matrimonio, da súa primeira vez, da súa relación coa sexualidade. Na repetición destes ritos, a directora cuestiona a súa propia ausencia de matrimonio, de fillos, e unha cadea de relacións nai-filla que se extingue.
O filme vai precedido das seguintes curtametraxes:
Carmen de Carabanchel
Cecilia Bartolomé (España,1965) 15 min.
A represión dunha sociedade franquista onde os anticonceptivos estaban prohibidos e ter relacións sexuais equivalía a traer outro raparigo ao mundo. E máis aínda. Da desesperación da muller nesa sociedade, que recorría a calquera método por salvaxe que fose para practicarse un aborto caseiro.
"Cecilia Bartolomé escribiu Carmen de Carabanchel inspirándose nas historias que as súas veciñas do barrio lle contaban no salón de peiteado sobre os seus intentos de aborto con amoníaco. A práctica causou tal conmoción na Escuela Oficial de Cinematografía que a cineasta tivo que repetir curso. Non só porque expoñía abertamente un tema absolutamente tabú senón porque ademais o tratamento era en grao sumo rompedor. Lembremos que nese momento o cinema de Antonioni era a máxima aspiración dos novos estudantes de cinema e Carmen de Carabanchel era unha comedia, unha parodia de óperas como Carmen de Bizet. O humor no cinema de Bartolomé é, desde os seus comezos, un trazo esencial. E quizais debamos concederlle definitivamente a honra de ser a herdeira definitiva do seu profesor favorito na EOC, Berlanga” (Andrea G. Bermejo,Cinemanía)
Margarita y el lobo
Cecilia Bartolomé (España,1969) 45 min.
“Adaptación musical de Celine e o matrimonio, novela de Christiane Rochefort, Margarita y el lobo narra a separación entre unha estudante e o marido, un señorito dunha familia próxima ao Réxime, nunha España en que o divorcio era unha quimera. A mediometraxe continúa polo vieiro berlanguiano de Carmen de Carabanchel, aínda que profunda máis no rupturismo estético. Rápidos zooms, imaxes conxeladas, unha montaxe expresiva, monólogos a cámara, a inclusión de imaxe de arquivo e unha reatribución posmoderna de clásicos musicais e composicións propias achegaban o filme ás películas da Nouvelle Vague francesa.
Margarita y el lobo era unha impugnación ao matrimonio e un canto feminista á necesidade dunha verdadeira emancipación da muller. O fondo da película bateu inmediatamente co contexto en que xurdiu, o dunha sociedade franquista, machista, onde a muller só tiña cabida como anxo do fogar. Segundo o testemuño da propia directora, a fita caeu tan mal na Escuela Oficial de Cinematografía que os seus responsables tentaron destruíla e terminaron por incluíla na Censura Oficial. Bartolomé figurou daquela nas listas negras do franquismo, o que impediu que a directora volvese dirixir unha película ata a morte do ditador”. (Andrea G. Bermejo, Cinemanía)
Premios
2024: Festival de Cannes; Queer palm a mellor curtametraxe
"Conmovedora na súa honesta vulnerabilidade, é tamén un espello no que a directora obsérvase. O resultado, un precioso tratado e homenaxe a quen achandou o noso camiño"
(Paula Arantzazu, cineconn.es)
SESIÓN:
COTA:
20:30h. (CUT+1) «Casa da cultura - CCPF» de Ourense
De balde socios/as (3 euros non asociados/as; consultar cotas).
Sesións dos mércores
26
Feb.
2025
Mérc.
«Des Teufels Bad» O baño do demo
Severin Fiala e Veronika Franz · (Austria-Alemaña, 2024) 121 min. Cor. Dolby dixital AR 1,85:1 [+12] VOSE
Austria, século XVIII. Pobos rodeados de profundos bosques. No alto dun outeiro, unha muller foi executada e exposta á vista de todos tras matar a un bebé. Como proba. Como advertencia. Como un presaxio? Agnes, profundamente relixiosa e moi sensible, casa co seu amado Wolf e prepárase candidamente para unha vida de esposa. Pouco despois, a súa cabeza e o seu corazón empezan a sentirse pesados. Día tras día, vese cada vez máis atrapada nun camiño turbio e solitario que a conducen aos malos pensamentos. Quizais... non só pensamentos.
Premios
2024: Festival de Berlín: Oso de Prata
2024: Premios do Cinema Europeo (EFA): Mellor deseño de vestiario.
2024: Festival de Sitges: Mellor película.
"Veronika Franz e Severin Fiala sorprenden cun filme de horror folclórico (...) apela ao terror psicolóxico desde imaxes tan inquietantes como fermosas, que nunca buscan o susto, senón un profundo malestar"
(Elsa Fernández-Santos, El País))
> Media hora antes de cada sesión e ata 10 minutos antes, está dispoñible a inscripción e renovación de carnés de socios/as, con actualización das cotas anuais.
A actualización das mesmas por acordo da pasada asemblea (11/01/25), configúranse en 14 euros ano, con posibilidade de desconto a estudantes, parados, pensionistas e posuídores do carné da Biblioteca pública Nós, co prezo de 7 euros.
O acceso ás sesión de filmoteca dos luns é de balde para os socios/as e de 3 euros para os non asociados/as.
O acceso ás sesións dos mércores permanece invariable e indistintamente en 5 euros. En sesións de alta demanda, os/as socios/as terán acceso preferente ata 15 minutos antes da hora en que estea fixada a sesión.
O acceso ás sesións maxistrais dos domingos é exclusivo a socios/as e de balde.
O acceso ás sesións maxistrais dos sábados; infantis e xuvenís, é de balde para os socios/as (e acompañantes) e de 3 euros para os non asociados/as.
O acceso ás sesión especiais ou outras, dependerá do anunciado en cada unha delas.
Todas as proxeccións son no salón de actos da Casa da Cultura, onde estaba a Biblioteca Pública (rúa Concello 11 - Ourense). A capacidade da sala está limitada a 110 persoas por sesión.
Pregamos puntualidade.
Lembramos usen a máscara de protección dentro da sala; se vostede presenta síntomas de catarro, gripe ou COVID.
Os símbolos desta web son; VO; Versión orixinal, VOS (Versión orixinal subtitulada, en castelán VOSE, en galego VOSG), VD; versión orixinal ou dobrada cos mesmos patróns E español /G galego / CAT catalán / EUS euskera / E-Aame español americano / PT portugués.
A calificación por idades de cada filme sigue o seguinte patrón; [A] apta para todos os públicos, [+7] recomendado para maiores de 7 anos, [+12] recomendado para maiores de 12 anos, [+18] recomendado para maiores de 18 anos, e [ND] Non dispoñible ou [SC] sen clasificación no ICAA.
Cando se proxecte en resolución 4096 × 2160 px, farase constar /4K/. Cando sexa en celuloide 35 ou 16 mm, /Nº mm/ e sen constancia explícita; ésta será en VXGA (DVD,BluRay ou mp4). A diferencia entre a resolución da primeira e a última son 8 millóns de px fronte a dous millóns de px.(1,9 K).
Tamén podes consultar aquí... a programación extraordinaria na que colabora o cineclube, o blog Sala de máquinas (que da acceso tamén ás follas de sala, organigrama e transparencia), clube de cine Nós #CCPF, a web da Biblioteca pública Nós, os cineclubes de Ourense (que da acceso tamén á Federación de cineclubes de Galicia), á base de datos do ICAA ou ás base de datos de filmaffinity e IMDB.
ADVERTENZAS:
Non se permite o acceso á sala unha vez comenzada a sesión. Tampouco se permite o uso do teléfono móbil unha vez comezada a proxección * sendo motivo en caso contrario de expulsión da sala, sen dereito á reclamación. (En caso de socio/-a será proposto de expulsión da asociación).
(*) Agás para os filmes con audiodescripción, así sinalizados [ AD))) ].
----------
(*) A audiodescripción estará disponible mediante a aplicación gratuita da fundación ONCE; "AUDESCMOBILE".
(Non é preciso software o hardware adicional. O/A usuario/a tan só ten que instalar a aplicación no seu móbil, descargar a audiodescripción da película que quere ver e unha vez na sala de cine, conectar os cascos e reproducir o arquivo. A audiodescripción comenzará e se sincronizará automáticamente coa película)
Horarios CUT+1
4 comentarios:
Moitísimas grazas polo voso esforzo e traballo. Unha aperta agradecida
Mil gracias a todos por hacer vivir un espacio de cine donde descubrir!
Se puede pedir más? Mucho hay que agradecer el poder disfrutar de esta joya que es el CCPF. Gracias infinitas.
Montse y...
Moi agradecida polo voso traballo desinteresado neste erial cultural que e a nosa cidade.
Publicar un comentario